سقى الغيث رجم ضايق الصدر بانيه

[poem=font="simplified arabic,6,black,bold,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]

سقـى الغـيث رجـم ضايق الصدر بانـيـه=مـضـى لـه من قـرون اللـيـالي ثمانيه
قـديـمٍ تـلـوح اطـلال سـاسـه ياكـنـهـا=زرانـيـــق بـيــر بـالــيــــات سـوانــيـه
رقـتـهـا الـقلوب اللي شكت جـمرة الهوى=ومن هاجس بالصدر صاروا مكانيه
شكوا مـثـل ماشاكـيت في مرقـب الـعـنى=ودعـاهـم لـمـرقـاب الـعـنـى مادعـانيه
وطوتهم سيور العمر وامست نزولهم=عراجيد غـرس لاهـب القيظ حانيه
مشـوا بالـنـدى والا الـردى ثـم وغـادروا=وخـلـوا قـصــورٍ عـالـيـــاتٍ مـبـــانـيــه
ولـم يـبـقـى الا الـذكـر بـالـمـدح والـثـنـاء=وتـرحـيـمــةٍ تـصـبــح بـهـا الروح هانيه
وانا ضـاق دربـي رغـم سـيـري على النقى=عـقــب ماظـهـر شـيـبـي زماني وطانيه
واجي للعرب لاشك كثرت وعودهم=ولا هي من ابواب المعاليـق دانيه
بغيت اكتم اسرار المحبه بـمـهـجـتي=وهو ظـاهـرن بالـوجـه ســـر وعلانيه
اعــد اللـيــالــي في رجـاهــا ولا نـفـع=عدادي دقايق غيبته مع ثوانيه
ولو ان الغلا عافت غرامي تركـتـها=ولا سرت في مظعون قلب جفانيه
على نصح شيخان القبايل ونـقـوته=فنى العمر وامـثال العرب غير فانيه
وانا تابــع درب القدامى وطبـعـهم=ولا حـاد طبعـي عن وفاه ومعانيه
اذا داج في فكري كلامه يـهـزني=لرمش عـطيته وارتـحل ماعطـانيه
رحل صـوب براق خـدوع الـيـا شـعـق=خذى الريم لامواجن بعادن موانيه
ايـا رجـم يـامـا ضاق مني رفاقـتي=ولا ضقت من ناس لمرقاك عـانيه
اذا هاج هاجوس هـجـد واسط الحشى=وقصر الفرح بالبعد طاحت مبانيه
غدى القلب مثل شنون قيظ على الظماء=يقاسي عذابه تحـت سوط الزبانيه
ايا رجـم لا تجزع ركونك لغـيـبــتي=اذا غاب صوت فيك تسجع غوانيه
ابي تذكر ايامـي وشكواي فوقك=وقل لـو نـسـيـت الـراويـه مانسانيه
[/poem]

شاعرنا

واديبنا

وراويتنا

ومرجعيتنا الادبيه


فواز الغسلان


لله درك على هالفاتنه

سلمت يمناك وصح لسانك ولاهنت يا رائع

جزله من راسٍ جزل

سجل الاعجاب كله

تقييم وتميز

انت رائع


تحيتي ...