و يا قلبي الهايم قبل : موت الإحساس
لو غبت قل للناس : لا تسأل شلون !!
أنا ورب الأرض و الماء و الناس
ما أحسّ باقي بي مواعيد لـ طعون !
عمق
بعد المحبه , علامك مانت طايقني ؟
وانا على خبرك أشواقي هي أشواقي
اسلوبك اليوم يقتلني ويحرقني
سؤال ؟ ابسألك وين اسلوبك الراقي !
حتى كلامك معي بالحيل مقلقني
والحزن في داخلي ماعاد ينطاقي
ان كان قصدك تقول إرحل وفارقني
!برحل ولكن مصير الحي متلاقي
وان كان قصدك تغلا وانت عاشقني ؟
ابشرك ماتغّير شي بااعماقي
وان كنت تمزح ؟ أمانه معك روقني
تراي مكسور خاطر وانكسر ساقي
بس بصراحه , من الآخر وصدقني
صدمتني واستراحت . هقوة الهاقي
ياليتك تحس بااحساس ٍ مضايقني
وياليت تقرى كلام ٍ داخل احداقي
حلمك منول ! في هالدنيا تحققني
واليوم في بحر غدرك ناوي اغراقي !
والحظ الاقشر يوم إنه فيك علقني
خلاني دايم على شوفتك مشتاقي
علمتني كيف ( أحبك ) لاتوهقني
علمني ( أنسى ) ولا تستكثر الباقي
كنت احسب إنك اذا جيتك تعانقني
أثريك لا طايق ٍ شوفي ولا اعناقي
مخرج
صآحبي و إن غلّف اليآس الأمآني
علّم الأيـآم وش قيمة . . أملنـآ . . !
قوم نهدي لـ الغيـآبآت [ . . الأغاني ]
يمكن الدمعه . . تسولف لا رحلنآ !
لاأرواحكم النقيه