حكايات

معرض الوسام · 04-14-2014, 02:23 AM

مدخل

يـاعـيــن كـانــه دمــع هـلـيــه ولـ فــوق
مــاودي اشعر باانكساري امــامــي

الـلـيـل كـلـه لـيـن صـافـحـنــي شــروق
وانــا أجمّع هـالـصــبــاح بـظــلامــي

كــل الـسـمــا رعــد وبـكــاءات وبــروق
وحـزنـن تـجـمـع فــي سـمــاي مـتـرامــي

عمق

على طريق الحب صارت حكايات
وماتت على نفس الطريق الأماني

كل ماطرالي عشقنا فالبدايات
جلست أردد حلّها يازماني

الشوق شمعه والمواصل إضاءات
والحب لهفه والمشاعر أغاني

والصدق نادر في زمان المتاهات
والكذب حاضر والمواجع مواني

تدري وش أسباب الغدر والخيانات ؟
غياب شرط التضحيه والتفاني

طبعي كذا ، أكره جنون النهايات
واللي نساني ذنبه انه نساني

تربطني مع بعض الأوادم علاقات
وبعض الأوادم مااقربه لو بغاني

على كثر صدمات قلبي والآهات
أطيح وآقف وابتسم لو أعاني

أمشي على مبدأ ، وعندي قناعات
ماللبشر منّه إذا الله عطاني

واستصغر أهل الحقد وأهل الوشايات
ومن سبني ماهز لحظه كياني

وان جات في ظهري مع الوقت طعنات
هذا دليل إنه فالاول مكاني

مايجتمع فالوقت حب وخلافات
وأكبر دليل اللي هواني جفاني

دايم يجي قبل المفارق علامات
علمني اللي فالمحبه كواني

مدام نسياني خذا منه ساعات
نسيانه أصلاً مايكلّف ثواني

مخرج

خل الفرص تكثر وأنا أكثر من تعاديد الفرص
هذا كلامي وإقبله لو مـا تشوفـه منطقـي

بس المهم قليبك اللي للتلاقي مـا حـرص
لو قلت لي إنّه مشتقي ماشفت فعل المشتقي

لوّه تعنّا وإنكوى لوّه من الشـوق إنقـرص
كنّا على مشهى الهوى في كل حزّه نلتقـي

لاأرواحكم النقيه