اسعد الله اوقاتكم احبتي
حروف من الماضي
[poem=font=",6,burlywood,bold,italic" bkcolor="black" bkimage="" border="none,4,burlywood" type=1 line=0 align=center use=ex num="0,black""]
ياشوق لاضاقت بعينيك الآفآق = واظلم سماك وضاق صدر الحزينه
وكل الدروب تبدلت سكة فراق = ولافيه قدامك بشر تسألينه
كلشي تغير صار بالكاد ينطاق = للكون كون وللمدينه مدينه 00؟
والياس صار لهمة النفس ترياق = وعرض البحر ماعاد حمل السفينه
تذكري منهو له الدرب ماضاق = اللي جميع الكون بين اصبعينه
وليا بقى ساعات من دون الأشراق =تذللي له واسألي ماتبينه
ناديه يالرحمن يالحي يالباق = ياعلمٍ بالغيب زينه وشينه
ياحافظٍ برهيف الجفن الأحداق =ومحيي العظام الذايبات الدفينه
سامع نداء ذا النون من غب الأعماق =من تحت ظلماتٍ ثلاثٍ متينه
الطف بحال اللي به الشوق حرّاق = واجبر عزاء نفسٍ خذلها ضنينه
وعوض عليها برد هجره بمشراق =وبالأنس عنون مابقى من سنينه
وهون علي لا التفت الساق بالساق =ويسر طريق اللي رفع لك يدينه
واللي نساك انسيه بالفين طقاق =من لاحمل ذكراك لاتذكرينه
[/poem]
مودتي واحترامي