من طبعي ارد الإساءه بالاحسان
وأساير ظروف الزمان اللعيــــــنه
وأطوف الغلطه من أفلان و فلان
يعني من أجل عين تكـــرم مدينه
الكامل الله والخطا طبع الانسان
والدرب يفرق عن يساره و يميـنه
و الصاحب ا للي له معزه و له شان
ان جاني بـشيـنه تذكــــــرت زينه
اتحمل اخطاءه معي قدر الأمكان
من جــانبي تبقى العــــــلاقه متينه
واللي يغلطني و انا ماني بغلطان
اصـــــابعي احطها وسط عينه
مادامني مسلم وفي قلبي إيمـــــان
عمر البحر ماشال هم السفينه
مرت علي انواع واشكال وألوان
بين العقول الناقصه والــــرزينه
عندي قناعه ان الإنسان شيطان
اذا يهينك لازم انك تهينــــــــه
يعني اذا حاجتك بيدين عدوان
يكفيك شر المهزله و الغـــبينه
من كثر ماجاني من الناس خذلان
تحرجني حتى كلمة الله يعــــــينه
صحيح لي ربع وجماعه وخلان
وأضيق لكن حاجة الناس شيـــــنه
الشخص دام انه بكل شي خسران
تأكد انهآ من عمايل يديــــــــنه
من مرحلة حب ومشاعر وحرمان
إن ما لعنت الحـــب تلعـــنه سنـــينه
اكتب شعر واعزف من اشواقي الحــآن
واسلي قلوب الغــــــرام الحزينــــــــه
ولو الشعر مخلوق في هيئة انسان
والله لأقول له تسلم و اقبل جبينه