قميص الغيم

مدخل




شأقول دامك في عذابي تفننت
قصيت جنحاني وطارت غصوني

أن قلت طيب .. ماني بطيب وانت
عساك طيب .. لو شكنّك طعوني

عمق


مع الشمس.. أن تسلل نورها .. مع صحوة الحراس
آهيئ لك .. عصافير الصباح .. وعشها العالي


ومع كل ارتباكه .. للسلاسل .. ينذبح حساس
تخيل .. وش كثر ضجت سلاسل .. وانذبح غالي!


يقولون العرب : فقد الصديق .. أقسى من الوسواس
وانا اقول : الصديق ليا فقدته .. موتي اشوالي


تضيق الامكنه .. يقسى السهر .. لين يتكسر كاس
وترتد القصيده .. عن حياة .. مالها والي!


دخيل آخر لقا .. يوم الوطن جمره على القرطاس
دخيل اول لقا .. يوم المدى مثل الندى .. حالي !


دخيل اللي تبي .. ولا دخيلك .. يا رفيع الراس
ابي منك تجي .. ولا تجي .. ولا تهيالي


او انك .. كان ما رديت لصحابك .. ترد الناس !
او انك .. لا ترد الناس . واتركني على فالي


غيابك .. ما كفاه انه .. منعني .. عن دفا الجلاس
بدا يعبث .. باعز الذكريات .. اللي على بالي


مشاوير الصبا .. شباك طيشي .. محبره احساس
خذن بعدك ملامح: كذبتي , جهلي , وغربالي


خلت بعدك زوايا المدرسه .. من بهجة الاجراس
دفاترك الانيقه .. ضجتك بالصف .. ترحالي


خلت حتى الطريق لحينا .. من جارتين نعاس
على يديهن .. تعلمنا السهر .. للمذن التالي


وصرت احيا بلا صاحب .. ولا ذكرى .. ولا خناس
وابيك تردني يا عزوتي لا اصيح : عزالي


وانا يا صاحبي .. ما قلتلك يا صاحبي .. لا باس
ولكن .. قلت :يا حالي انا .. لا باس يا حالي


ابد .. ما هو سجن .. ذاك المكان الممتلي حراس
ولكن السجن هذا المكان .. الموحش .. الخالي



مخرج

تِوَحّشْـتْ التّفاصيـل الصّغـيـرة بينـنـا الاثنـيـن
تعـال امْـلا تفاصيلـي / حكايـا معشبـة هَجْـلَـهْ



تعال انبـتْ علـى شفـاه اليبـاس وعلّـم النّسْريـن
بِأَنْ الصّدق بِعْيونـك / قميـصْ الغيـم / يُنسَـجْ لَـهْ





لاارواحكم العذبه

أسطورة الشعر والشعراء

حضورك كأريج الياسمين يعبق بأجواء المكان



تحية تليق وهذا العبق الممتد من طيب الحرف

لك أطيب الأماني

صح لسآنك ملآيين عالأبيآت الجميلة

دمت بخير ي شآعر بعد حيي

دخيل آخر لقا .. يوم الوطن جمره على القرطاس
دخيل اول لقا .. يوم المدى مثل الندى .. حالي !
غيمه تهطل بسخاء هو أنت شآعرنآ المتألق
امتعتنآ حد الأرتواء
لآعدمنآك ,,

يسلّم احساسك وَ ذوقك شاعرنا الامير
الهي يسعدك وَ لا يحرمنا اياك خيو
~

ربي يسعدكم جميعا
وشكرا لتواجدكم