[ ديوآن الشـآعر / عيادة الجهيلي ]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
قالت من انت وقلت انا ذاك الزمان.=اللي خذا كل الوجيه بجيته
قالت تعال وقلت ماعندك مكان.=حسبي على هم(ن) يغير نيته
قالت حرام وقلت ماعندك امان.=دام الخيانه في سماك مبيته
قالت لقيت بدمعتك كل الحنان.=قلت الدموع اللي بدمعي ميته
انا الذي قالوا هله فات الأوان.=وانا الذي خاوى الشجر مع حيته[/poem]

اندم ولا فاد الندم
ابكي وجودي والعدم

ماعاد ابي طاريك يكفني كذا
الحزن تهديني وتسقيني الأذى

تجرح تجي
تكره تجي
واحيان بدموعي تجي
وانا الضحيه
لا تجي

مابيك لوكانت دموعي تذكرك
مابيك لوكانت عيوني تذكرك
مابيك لوكانت شموعي تذكرك

مابيك لو ما بيك فيني تذكرك

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
غروب الشمس ياخذ من خـدودك حيـرة الوانـه.=شروق الشمس نوره من خدودك وانت نور الشمس
ملك مـن هيبتـك عيـنٍ تنـام وعيـن سهرانـه.=يجوز الهمس بحساسك ولكـن مايجـوز اللمـس
تعالي اشرحي لي كيف قصـرك قامـت اركانـه.=وابشرح لك عذابي من وجودك باالسنين الخمـس
حرمتينـي بريـدي والرسايـل ضـاع عنوانـه.=حرمتيني وجـودي والنهايـه تبتـدي باالهمـس
حرمتيني قصيـدي مـات فـي بيتـك وجدرانـه.=حرمتيني من البـارح بطعناتـك بغـدر الامـس
حرمتينـي وانــا مـحـروم لادره ولا دانــه.=حرمتيني وانا بن اليمن بالهـون ياهـل الحمـس
حرمتينـي حياتـي يامماتـي جيـبـي اكفـانـه.=وغطيني برمشك عن هبوب الصيف وقت الشمس![/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
كن حزني غيم وهمومي مطـر=وكن جرحي ارض قاعه مقحطه
ان لقيتك يابقايـا مـن عطـر=كل نظراتـي بعينـك محبطـه
وين اوجه شوف قلبي منفطـر=ليش قلبي في عذابـك تربطـه
ان كتبتك بيت تنسانـي شطـر=وان زرعتك حب فيني تلقطـه
وان نثرتك في معاناتي سطـر=جيتني دكتور ينقـل مشرطـه
ياهل الدوحه حياتي في خطـر=من غرام اللي خفوقي مرمطـه
ليتني وياك فـي دولـة قطـر=ياربيعي ارض غيرك مقحطـه[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
حلمت بانك مفارقنـي وانـا جنبـك.=واقول وشبـك تفارقنـي وتدعينـي
انـا معـك ياعذابـي كلنـي قربـك.=انام في دمعتك واسهر علـى عينـي
حتى اكون الامان اللي تبـع دربـك.=وتكون كـل الامـل مابينـك وبينـي
صبري قضى من غرامك كيف ماحبك.=اموت بك ياغرامـي قبـل تحيينـي
آكلك واشبع بعيني وانتظـر شربـك.=وتطيح من شفتـك قطـره وتروينـي
آخذ جميعك معي واطير في سربـك.=وارحل على متن غيمك والمطر فيني
كل الجهات الثلاثه سافـرت غربـك.=حتى تكون الشروق اللـي يصحينـي[/poem]

ياصباح الورد لو وردك نسى
ياغرام الروح لوقلبك قسى
غيرتك قالت كذاء كيد النساء

وانت تدريبي
وانا ادريبك حبيبي
آآآآه من كلمة حبيبي
شوفها بين الشفايف تبتسملك
وان حكت ضاع الكلام من الكلام
جيتني والا بعد ماجيت كلك
شوف طيٌرتك مع اشواقي حمام

لاتروح بعيد يكفي
لايكون أفراق ثاني
ماينام الليل طرفي
هاجسي لمك دعاني


وأنت تدري
وانا ادري
لاتروح ارجوك بدري

أنت نجمات السماء بعد الظلام
وأنت بعيوني قمر هاالليل كله
وأنت عنواني وحبي والغرام
انت بعيوني شجر قيضي وظله

ياسراب الصمت
لوكذب عيونك
فيك كلي همت
في صحراء جنونك

لاتروح
الروح
من بعدك تروح
يكفي
ارجع

.
.

بقلمي
عيادة الجهيلي

تصدقين اني من الهم ارتويت
وتصدقين اني على نفسي قويت
وتصدقين اني مع همومي ربيت
لاتصدقين ارجوك كل اللي حكيت

هذا كلام ..
ولابقى فيني ملام

امشي ولاادري وين اروح .؟
مافيه روح ولاطموح
غير الجروح .!

ابتظر ..!
واسأل معاناتي
وادور لك عذر
والقاك في ذاتي
احر من الجمر .

بس الاكيد
انك بعيد
وانا هنا
همي يزيد

وابحترق في شمعتك
وامسح كفوفي بدمعتك
واخذ من عيونك وعد
واقول مايكفي بعد
لان القصيد
اصبح خواطر ياشهد

وانا سعيد بدمعتي
الحزن بي عاده
هذي بداية قصتي
نهايه عياده ..!

وانتي معي ذنبك حكى
انه يبني لوبكى
مامن جديد اني ابيك
واشتاق لك .

لانك حبيبي بكل شي
حتى الفراق
حتى الفراق
حتى الفراق

.
.

بقلمي
عيادة الجهيلي

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يزورني طيفك مع الغيـم والقـاه.=يمطر على غيري وتفزع همومـي
يثور بركـان الغـلاء والمعانـاه.=وعيونك الثنتين ترفـض قدومـي
حبك روى كل المعااليـق واسقـاه.=وطيور صدري فوق صدرك تحومي
توالفت عندك علـى الحـزن والآه.=وطيّرْتها لمّـي وهـدّت عزومـي
قامت تنوح وحزنها كيف اباقـواه.=وانا من احزاني جفى العين نومي
خل الطيور ارجوك ترجع لمربـاه.=امـا انـا ماتحتملنـي هـدومـي
اسمك اليا نادوه جاوبت انـا هـاه.=مع قومتك مشاعري لـك تقومـي[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
اشتاق لك .. واهواك .. واغليك .. وارجيك,=واموت بك .. واعيش بـك .. وانتحربـك
ادورك .. والقـاك .. واضيـع انـا فيـك,=واولعك .. نار وجمـر .. واحتـرق بـك
افارقـك .. واخـذ يمينـك .. واخاويـك,=وارجع معك .. واقـول .. غايـب بقربـك
اروح لك .. وانـا هنـا .. بيـن اياديـك,=واقفي .. وانا قلبي ..على نبض .. قلبـك
مسجون فيني .. لو مشت بك .. خطاويـك,=ووادعك .. وارحل .. على نفـس دربـك
اجاوبك .. عن حالتـي .. قبـل ماادعيـك,=واسـأل عليـك .. بداخلـي .. واغتربـك
اسامرك .. واسهر .. مع الليـل وابكيـك,=واحياء .. علـى كلمـة .. عيـاده أحبـك
شوفي غـلاك .. اللـي معـذب محاكيـك,=يموت بك .. وان مات بـك .. ينتحربـك[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
جبل وادي ونخله .. والحمامة .. في سماه تحـوم.=طفل يرسم خياله .. من خيال الحـب .. والطيبـه
عشَق لون الربيع .. بداخله .. ما زار عشقه لـوم.=و لكنه ..! كره .. خبـث الوجيـه اللـي تغنيبـه
معه كراسته .. ما غاب عنها .. من غلاهـا يـوم.=يطالع رسمته .. في عالـم الوحـده .. وتغريبـه
تعمّد .. ما رسم .. في رسمته .. فوق الجبال غيوم.=يخاف الغيم يقفي .. والزمـان الشيـن .. يقفيبـه
وتعمّد .. ما رسم للشمس موقع .. لين هذا اليـوم.=يخاف ان المواقع .. تربط الواقع .. مـع الغيبـه
بعد فتره .. طويله .. لون الأًسود .. وحط نجـوم.=لان الليـل بعيونـه .. سهـر فكـره .. وتعذيبـه
مسح ذيك الحمامة .. من خياله .. قبل وقت النـوم.=يخاف انه اتوقع..! في عذاب الشـك .. والريبـه[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
((لاصار خلك عسل لاتلحسه كلـه))=غلطان راعي المثل منهو له الباقـي
الا ابـي الحسـه مادامنـي خـلـه.=هذا حبيبي غرامـي منبـع اشواقـي
يانور حـيي وريـح الهيـل بالدلـه.=زودن على كل هذا صاحبـي راقـي
يدرس علوم الطبيعه برض محتلـه.=من كثر حرصه علي يشكي من فراقي
مايدري اني بحر الشمس انـا ضلـه.=مايدري انه قمر ليلي مـع اوراقـي
الجوء بارد ونـا فـي قمـة التلـه.=اشوف زوله وناجـي ربـي الواقـي
لاوالله الا سيوفـك بالحشـى سلـه.=اجرح مدامك سماي وكوكـب افاقـي
بس انتبه فيه ناس اهنـاك مختلـه.=لاتبيح سري وسرك ينكسـر ساقـي[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
كن قلبي .. بيت طين وكل ..ماوسطه خـراب.=انهدم حوشه على الروشن .. وطاحت هيبتـه
وانفتح بابه ..على طرد الهبايب ..والسـراب.=والدرايش ..سكّرت بعض النظر .. في خيبته
إنبنى في صحصح(ن) مافيه غير الاغتـراب.=غير رمث(ن) داخله ..شاف القهر من ريبته
وفيه عصفوره على المرزام ..تشكي للسحاب.=من عطش جذع المقام ..اللي ضمى من شيبته
هذا قلبي مالقى في سـور محرابـه عتـاب.=انتهت حتى الأمانـي ..مـا تواصـل طيبتـه
آآآآه ياقلبي ..رواك الحزن ورويـت العـذاب.=كيف تروى ..من عذاب الحزن ..قبل مصيبته
ان فتحته ..صار صدري من معاناتي كتـاب.=وإن تركته ..مالقيت اللي بكـى فـي غيبتـه[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
على ذكر الامل .. مريت بيتـك .. يالعيـون السـود=لقيت .. اغلى عبارة .. كنت كاتبها .. علـى بيتـك
سهم.. لكن قلبي.. مختفي.. ما هـو معـه.. موجـود=سوى .. قطرات دمـه .. باقيـه .. وتقـول حبيتـك
سألت .. جدار بيتك .. وين قلبي.؟.. قال لي .. مفقود=بصمتي .. مختفي .. خايف غريبه .. كيف صحيتـك
تجاهلته.. وانا من كلمتـه.. للصبـر.. فينـي حـدود=بكيت.. وقلـت والله.. فـي خيالـي.. مـا تعديتـك
وانا.. اتكلم معه.. شميت.. من شبـاك.. دارك عـود=غريبه.. بيتكـم مهجـور.. ريحـة عـود.. شميتـك
دخلت.. لغرفتك.. بعد الإذن.. مـن بابـك المـردود=لقيت.. حروفنا.. فـي غرفتـك.. وهنـاك ضميتـك
لقيت.. انفاسك.. اللي.. تحترق فيني.. بهـا موعـود=وضميتك .. على صدر الامـل .. وبهمـس ناديتـك[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
راكب اللي .. مع طريق خريص .. رصو بنصه.=كنها طلقه .. مـن افـم .. البنـدق القناصـه
سكري لونه .. وفي عسف الطرق .. مختصـه.=والاثر .. وهق اثرهـا .. جملـة القصاصـه
بنز .. لاحدك زمانـك .. والمسافه .. رصه.=خلها بندق مـودع .. فزعـت .. الرصاصـه
المرايا .. تنصفط .. لجل الهواء .. من نصـه.=بنصفـاط امرايتيـهـا .. كنـهـا غـواصـه
الاضاءه الدخليـه .. نـور .. وَجْنَـة حصـه.=والاضـاءه الخارجيـه .. مقـدم .. الرقاصـه
والزويا .. كنهـا .. شفـه تحـرى .. مصـه.=لا غلط ..! شفة طفل .. يبكي .. يبي مصاصه
لجل مايزعل .. ابوالحارث .. وتصبـح قصـه.=ذاك يبغى ذيك .. وعيـادة .. يبـي مخلاصـه
ان مشت .. تكفى يابو طارق .. علينا وصـه.=دام ناايف .. وزع الثروه .. علـى الخباصـه[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
شفت السماء .. تبرق ..على دارك .. اليوم.=اثـــره .. مـهــو بـــرق الـسـمـاء .. يـــا تـهـانــي
هــذا جبـيـنـك .. غـــازل .. بنـجـمـه .. نـجــوم.=والنـجـم .. يـعـكـس .. شـــدة الـنــور .. ثـانــي
لاواهـنـي .. الـلـي .. مـــع الـنـجـم .. مـنـجـوم.=يــمــكـــن .. يــشــوفـــك .. يـاحــيــاتــي ثــــوانــــي
شفنـي عـلـى شـأنـك .. مــن الـهـم .. مهـمـوم.=أمـــوت .. ويــمــوت الــغــلاء .. فــــي مـكـانــي
حتـى الغـلاء .. مـن شوفـتـك .. نــام مـحـروم.=إلا اذا أقــــبــــلــــت .. قــــــــــــام .. ودعــــــانـــــــي
كــنــه يـصـحـيـنـي .. وانـــــا .. شــبـــه مــعـــدوم.=واقــــوم لــــه .. واظـــــم طــيـــف(ن) .. لـفــانــي
خــايـــف .. يــولّـــي بـــــك .. ولاتـــقـــدر تـــقـــوم.=واضيـع بــك .. لــو الـزمـن .. بــك .. نسـانـي[/poem]

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يموت الورد بعيون النساء مامات كحل العين.=هدب رمش العيون اللي قتلني ياهدب سـاره
تذكرتك بعد عشرين عـام بشـارع الستيـن.=تذكرت الرصيف اللي انتظرتك فيـه وانـواره
تذكرت المطر والبرد والمعطف على الكتفيـن.=تذكرت الحنين وكيف كـان وكانـت اسـراره
تذكرتك وغمـازات خـدك قفلـة القوسيـن.=وشجعت النصر واصبحت انا واحد من انصاره
كتبت اسمك على صدري كتبتـه ( س + ع )=يساوي حب ياموت القصيد وريحـة ازهـاره
شربتك وارتويتك واحتضنتك قبـل لاتدريـن.=وعرفت ان الغلاء ملعون جد وهاذي اضـراره
احبك ياعيوني بس وينك من حبيبك ويـن.؟=تعالـي يابحـر حبـي وموجاتـه وتـيـاره
تبون الصدق لاسارة ولانـوره ولا داريـن .!=مراهق صدق الكذبه ومشاها على الحـاره .![/poem]