أنت زعلت ..؟؟ أمزح معك

أنت زعلت ..؟؟ أمزح معك


--------------------------------------------------------------------------------




السلام عليكم ورحمة الله وبركاته

اسعد الله مسائكم بكل خير اذا كنتوا تقرأون الموضوع مساءً ..
واسعد الله صباحكم بكل خير اذا كنتوا تقرأون الموضوع صباحاً ..

بصراحه ماعندي موضوع ولا شي بس حبيت اسولف معكم

بدردش واقولكم كلام بصدري وعاد سامحوني لو الاسلوب نص ونص لكن تراها سوالف ملينا من المواضيع الجد

أكيد شدكم العنوان ..؟؟

هذي مشكله اعاني منها من كم سنه

عندي واحد من أصدقائي غالي على قلبي جداً ..
الولد زي العسل و محترم و شهم و لو أطلب عيونه ما تأخر ..

لكن ابن الحلال فيه عيب كبير ينفر الناس منه و دايماً هالعيب مايجي الا براسي والمشكله ماقدرت اقطع علاقتي معاه

المزح (الغشمره) أو ( الهزار ) باللهجه المصريه صفه حلوه في الشخص خصوصاً مع اصحابه لكنها تتحول الى صفه بشعه اذا الشخص ماعرف متى يمزح

هذا صاحبي من النوع اللي مزحه ثقيل و يسوي فيني مقالب الله وكيلكم لو واحد غيري كان ذبحه

لو احكيلكم يبي لي مواضيع مو بس موضوع

مثلاً على سبيل المثال مره سرق جوازي وأنا بالمطار و ضيع علي الرحله مع اني قصيت البوردينق باص يعني التذكره طارت علي

مره صدمني بالسياره وكسر رجلي أيام الثانويه

قصص والله العظيم لاتعد ولا تحصى ...

المهم اليوم أو بالاصح قبل ساعتين من كتابة هالموضوع كان لي موعد مع فصل جديد من فصوله الله يهديه ..

لي واحد من اصحابي توظف في المنطقه الشرقيه وانتقل هناك وكان جاي اليوم للرياض عاد أنا استغليت الفرصه وعزمته في أحد مطاعم الرياض حسب طلبه وكان من ضمن اللي عزمتهم صاحبنا سيء الصيت ...

المهم الرجال بطريقه أو بأخرى و بدون ماحس سرق محفظتي من جيبي وفيها الفلوس و البطاقات وكل شي وتعشى واستأذن و مشى

جا وقت الحساب ادور بجيوبي مافيه شي !!
اتلفت يمين يسار والله العظيم ماعرفت اتصرف تمنيت الأرض تنشق وتبلعني ..

رحت سويت نفسي رايح دورة المياه وانتم بكرامه وقعدت افكر بحل ..
رحت للمدير وشرحت له القصه واعطيته جوالي رهن وفي البدايه رفض لكن لما شاف وجهي اني منحرج و ماني عارف اتصرف شكلي كسرت خاطره اللبناني ..

قالي خلاص روح واخذ جوالك معاك وبعدين جيب لي الحساب والحمدلله عدى الموقف على خير ..

طبعاً أنا عرفت انه هو الفاعل على طول اصلاً كنت شاك لأنه قام بدري مو عوايده

المهم الرجال كلمني قبل شوي يضحك و فرحان و يوم شافني زعلاان بكل بساطه قال :

انت زعلت ..؟؟ والله امزح معك


بالله لو كنتوا مكاني وش تسوون فيه ........؟؟

اخوي هاادي الاخوه لازم تكون في نوع من المزح
من باب الميانه والعشره بينكم

لكن خويك هذا مالك الا تجيه بطريقه رسميه وبحته جداا جداا
وتفهمه الموضوع من وإلــى واذا ماتفهم قل : راح اقطع علاقتي فيك

صدقني اذا هو شهم مثل ماقالت ماتهون عليه العشره والعيش والملح
بينكم بالعكس راح يغير اسلوبــه .. .. !!

هذا رأيي يالدوسري ولكن انت وطريقتك معاه

تقديري لك واعجبني اسلوب طرحك للموضوع

يؤيؤيؤ والله يرفع الضغط هذا ؟؟
لازم مثل ماقال عويشق تلاقي حل
والا أقطع العلاقه هذا غير مبالي
واتوقع لو تستمر العلاقة بيسوي أشياء
أقوووووى .........

الله يهديه ياهادي الدوسري..
ويديم بينكم المحبة والوفاء ..


تقبل مروري..
بقايا حلم..

ههههههههههههههه ياربي الله يعينك على بلواك
بس انت لو تصارحه و تقوله انه مزحه ثقيل و يجيب المرض
يمكن يعقل
او انت سوي فيه مثل ما يسوي فيك من مقالب يمكن شوي يحس

بس ابد لا تفكر انك تقطع علاقتك فيه تلقاة الرجال محد مصادقه
غيرك انت و مستحملنه عسى ربي يصبرك
و يجزيك كل خير


تحياتي لك

وردة العين

هادي الدوسري
الله يعينك على صديقك
والمزح يجي بأمور بسيطه مو مثل هذي الامور
واعتقد الحل مثل ماقالت اختي ورده جرب معاه نفس الاسلوب لعله يحس
يعطيك العافيه على طرحك الجميل ويديم الصداقه بينكم
سهر

بسم الله الرحمن الرحيم


الـرآئـع / هــــــــآدي


الله يعطيك ألــف عآفيــه على هـ السطور
أستمتعت في تصفح حــروفــك
كل الشكر والتقديــر
في أنتظـــآر جــديـدكـ


دمــــــــــــت . . . بــــــــــــــــود


تــــآيــقــر

هادي الدوسري

ياطيب قلبك ويا صبرك وحلمك

والله انك طيب فوق ماتصور

ياخوووك

هذا ماله حل طال عمرك

هذى لازم تغير البرنامج حقه كامل

والا والله يامالك من المقالب

ماقول الى الله يعينك على بالوااااك

اخوووك


سرحان

مشكورين بارك فيكم ومنكم
واسعدكم الله
على وجودكم في المشاركه