خواطر غسلانيه

--------------------------------------------------------------------------------

خواطر شعريه متفرقه(الجزء الاول)


بسم الله الرحمن الرحيم


اشعار الرثاء دايما تكون صادقه وذات تأثير للمستمع والقاري على حد سواء وذلك لكونها

اشعار تخرج من القلب .. وقد قيل لاحد الاعراب مابال المراثي اقوى اشعاركم؟؟ فقال لاننا

نقولها وقلوبنا تحترق...

هذا جواب لمن يسأل عن اشعار هذا الوقت مابالها ليس لها تاثير .. والجواب انها لم تخرج

من قلب متأثر ومشاعره تلتهب وانما قالها شخص لانه متفرغ فقط لذلك تاتي هذه الابيات

باهته ليس لها تاثيرعلى من سمعها,,,

انظروا الى اشعار كتبها من مات عشقا او احترقت مشاعره عشقا او حزنا على موت حبيب

او فراقه واليكم بعض الامثله:

(1)- عبدالكريم الدجيماء من عتيبه والذي عشق وتم منعه من الزواج منها وعندما تم تزويجها

من شخص أخر وفي ليلة زواجها وجدوه ميتا في فراشه قهرا وهو القايل:









[align=center][poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يا جر قلبي جر لـدن الغصونـي=وغصون سدر(ن) جرها السيل جرا
على التي مشيـه تخطـى بهونـي=العصر مـن بيـن الفريقيـن مـرا
ياليتهـم عـن حاجتـي سايلونـي=يوم انـي اقـف عندهـم واتحـرا
ان متت في راس الطويل ادفنونـي=عسى نجيـع البـدو فوقـي يمـرا [/poem][/align]







وكما ترون مع انها ابيات بسيطه بكلماتها الا انها لذيذه ولها تاثير قوي على المستمع لانها

خرجت من قلب يحترق وهاهي بالرغم من مرور السنين عليها لانزال نتلذذ عند سماعها بكل

وقت وكأننا اول مره نسمعها,,,,

(2)- فهد ولد الحضريه من العجمان قصته نفس قصة من قبله(الدجيماء) وحدث له نفس

الامر ووجدوه ميتا في ظل شجره عندما زوجوا حبيبته لشخص ثاني فقال قصيده مشهوره

بقيت بالرغم من مرور السنين جوهرة من جواهر تراثنا الشعري الاصيل وهي :







[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
نطيت لي مرقبـن والليـل ممسينـي=بديار غرب(ن) ياعل السيل ماجاهـا
اضحك مع اللي ضحك والهم طاويني=طويت شنون العرب لاقطروا ماهـا
هبت هبوبن شمـال وبردهـا شينـي=ولاتدفي النـار لـو حنـا شعلناهـا
مايدفي الا حضن مريوشـة العينـي=اليـا رقـدنـا ومزيـنـا شفايـاهـا
ياعل من لامني يربـط علـى دينـي=واتلى حلالـه ذلولـن راح يطلاهـا [/poem]







هذه الابيات نسمعها منذ الصغر ولانزال نحبها ولم نشعر بملل من كثرة سماعها لان فيها

روح ومشاعر حقيقيه,,,

(3)- ابراهيم الكنعاني والذي عشق بنت عمه (شريفه) وتزوجها وعاشوا بسعادة الحب

ولم يمضي سوى سبعة اشهر حيث اصيبت بمرض الجدري المميت والذي لم يكن له

علاج وعندما بدأ العد التنازلي لوفاتها صدح بقصيدته المشهوره والتي تملأها الاحزان

المختلط بدموع الاسى والوجد وهي :







[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياحمامـن علـى الغابـه ينوحـي=ساجعـن بالـطـرب لاواهنـيـه
قلـت حيـه ولا كنـه بيـوحـي=مـر عجلـن ولا سـلـم علـيـه
روحي روحي بغت روحي تروحي=يوم قيـل الغضـي بـان جدريـه
كن في ضامري قـدر(ن) يفوحـي=او غروب(ن) توامى فـي ركيـه
ياشريفـه متـى ودك نـروحـي=يـم ديـرة هـلـك يالعسوجـيـه
قالت اصبـر يطيبـن الجروحـي=شهر واحـد وهاتـو لـي مطيـه
جعل زمل(ن) يبي خلـي يروحـي=ينكسـر فـي شعيـب الصالحيـه [/poem]







ابيات مليئه بالوجد الصادق الحزين فجاءت صادقه وعاشت على مرور الزمن بالرغم من

بساطتها في حين ان هناك ماهو اقوى منها شعرا لكنها اندثرت لانها لم تكن صادقه ولم

تشعر بصدق الوجد في طيات كلماتها...

(4)- محمد بن عمار المعروف عندنا بحايل باسم (ابوخيشه) وهو من اهل (ثادق) تولع

بحب فتاة فقرر اهل البنت قتله لذلك امر الامير في ذلك الوقت ان يتم ابعاده عن البلده

حفاظا على حياته فأجبره اهله بالرحيل الى (حايل) وفي حايل شاف بنت ماتتغطى بعد

عمرها 13 سنه والعجيب انها كانت صوره طبق الاصل من محبوبته اللي في ثادق فهاج

غرامه مرة اخرى واصبح يتابعها ولكي لاينتقده احد لبس خيشه على كتوفه كأنه مجنون

ولم يلبث ان مات وقبل وفاته قال (الالفيه) المشهوره والتي منها :






[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
التاء تبعت الزيـن والزيـن مقفـي=امشي وحتفي ناقلـه فـوق كتفـي
لاشفت مجدولـن ورمشـن وردفـي=مااقوى التفت لو صوتوا لي بالاصوات
اصوات لو قالـوا هبيلـن ودايـح=مااطيعهم لـو يكثـرون النصايـح
نصـح المتيـم يالمشقـى فضايـح=مثل المطر فوق السحـال المكفـات [/poem]







وقد قال الكثير من الشعراء ( ألفيات ) كثيره لكنها لم تصل لمرتبة هذه فقد جمعت الحب

والالم والحكم والامثال وقبل هذا وذاك الصدق الذي لايوجد في الكثير من اشعار الناس,,


(5)- عويض النفيعي من عتيبه والذي عشق وحرم من الزواج منها فقال الاشعار الحاره

حزنا وألما عليها واشتهرت قصايده عند الناس واشهرها :

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

الا واهني اللي ليا من بلـي صبـر=صبورن على الفرقاء لياغاب مظنونه
وانا دمع عيني كل ماهل مـن شهـر=هماليل واغضي عن هلي لايشوفونه
سقى الله ليال(ن) عشت فيها وانا بزر=وانا دالهن مدري عن العشق وشلونه
عسى من منعني منك يالابس الحمـر=يجيه العمى والنـاس كلـه يخلونـه [/poem]







وهي ابيات كانت تغنى سامري في المناسبات واشتهرت على لسان الكبير والصغير,,,


(6)- فهد الحمد الغسلان(العود) والذي منع من عشقته لكنه كتم ناره ومشاعره لكني

لمستها حاره في اشعاره التي سمعتها من افمه رحمه الله ومنها :





[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
واعذابي واعذابي واعذابي مـن عـذاب=عذبن زين الخيـال الله يعيـن المستعيـن
عذبنـي عذبنـي بالهـوى تلـع الرقـاب=واودعني واودعني مثل عـودن بالبطيـن
والثنايا والثنايا كنهـن ضيـق السحـاب=والنهود قعود كنه بالوصايف طلـع تيـن
يوم داره واستـداره بالمعانـق والثيـاب=كالقمر يوم يتعمر بس انـا وش باليديـن
سمي خلي يوم احلي بالجراب عن التراب=وان زعل خله يعله يبي غيـري مايبيـن [/poem]








(7)-عبدالله بن دويرج من القصيم بلغ من العمر اربعين سنه واشعاره عاديه جدا ليس

لها تاثير وذات يوم كانوا في البر مع اولاده واراد شب النار فقال لبنته وعمره 12 سنه

وهي اغلى عياله قال هاتي لي هالحطيبات فجاءت البنت للحطب وكان فيهن افعى فلدغتها

الافعى وقام مستعجل وحملها لكنها ماتت بين يديه,,,

هذه الحادثه زلزلت اركانه وحركت الوجدان واشعلت النار الخامده في جوفه فأصبحت

اشعاره من هذه اللحظه كالجواهر والدرر حتى في مجال الغزل ومنها :






[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


ياهل العيرات باكـر كـان مريتـوا طـوارف خلـي=خبروه اني شكيـت الهـم والهاجـوس عقـب فراقـه
مانسيت الصاحب اللي بالموده والهـوى صاف(ن)لـي=جالي اصفى من غدير القلت واحلى من من حليب الناقه
مع ثلاث(ن)عانقنـي صبـح يـوم العيـد دق وجلـي=وصفهـن ثنتيـن جـل وثالثتهـن بالوصـوف دقاقـه
عينهـا ياعيـن شيهانـن ربـى بالنـايـف المتعـلـي=او كما عين الغـزال اللـي يلـد ابهـا علـى دراقـه [/poem]









هذا الجزء الاول من (خواطر شعريه) سوف نتكلم فيه عن الشعر من جميع مجالاته

بطريقة تشبه (الدردشه) واتمنى التفاعل بالاسأله من الاخوان الذي يهمهم هذا الموضوع

للفايده واتمنى عدم المؤاخذه في الغلط لاني اكتب من حفظي دون اوراق جعلتها كأنها

سوالف بمجلس وتقبلوا تحياتي,,,,,

واعذابي واعذابي واعذابي من عذاب
عذبن زين الخيال الله يعين المستعين
عذبني عذبني بالهوى تلع الرقاب
واودعني واودعني مثل عودن بالبطين
والثنايا والثنايا كنهن ضيق السحاب
والنهود قعود كنه بالوصايف طلع تين
يوم داره واستداره بالمعانق والثياب
كالقمر يوم يتعمر بس انا وش باليدين
سمي خلي يوم احلي بالجراب عن التراب
وان زعل خله يعله يبي غيري مايبين

صراحه اقوى ماقراءت في الغزل
صح لسانه والله رحمه الله
وغفر له
اخي فواز
امتعتنا جداا مب مجامله والله
دام عطائك ونبض قلبك

الله يحييك اولا اخوي فواز الغسلان
ومشكور على المشاركه
الشامله
والمنوعه يارب يسعدك

الوضيحي000ضماي ماي


مشكورين على الترحيب والتعليق الرائع يالعزوه00


تحياتي ((الراوي)))

يا هلا بالراااوي منور يا بعدي

سلّمك ربي يالغالي

وفي انتظار كل مواضيعك الجميله

اخوووك

وضاح المنصوري

التاء تبعت الزين والزين مقفي
امشي وحتفي ناقله فوق كتفي
لاشفت مجدولن ورمشن وردفي
مااقوى التفت لو صوتوا لي بالاصوات
اصوات لو قالوا هبيلن ودايح
مااطيعهم لو يكثرون النصايح
نصح المتيم يالمشقى فضايح
مثل المطر فوق السحال المكفات



فواز الغسلان

شكرا لك علي هذه الخواطر المنوعه

تقبل مروري

بسم الله

السلام عليكم

هلا ابو فهد ولايهون الحاضرين..


سعة البال مطلب النفس..


اسلم يابو فهد

رائع رائع
لاهنت يالطيب ولا هان غاليك ومغليك

يامالا العافيه الله لايهينك
فواز
تقبل التقدير والاحترام
على مشاركتك
الطيبه

السفيران00الكذاب00فهد00ماني لغيرك00ابوحاتم


مشـــــــــــــــــــــــــــكورين يالغـــــــــــــــــــــــــــلا



تحياتي (((الراوي)))

[align=center]الرااااوي : ابو فهد


لاهنت يابعدي على الخوااااطر والدرر

والتوضيح طال عمرك

الله يسعد قلبك يالغالي

ولاخلا ولاعدم


لك الغلا


اخوووك


سرحان[/align]

لا هنت يالغالي على الخواطر
تسلم يا فواز ما قصرت

الكعبي

سرحان 000 الكعبي تسلــــــــــــــــــــــــــمون يالعزوه


الف شكر يالغالين ((الراوي))

والنعم فيك فواز الغسلان
واحييك هنا حياك الله وساعه مباركه
شوفتك معنا
طبت وطابت ايامك ..