[poem=font="Simplified Arabic,5,white,bold,normal" bkcolor="green" bkimage="" border="double,9,black" type=2 line=0 align=center use=ex num="0,black"]
يافـهـد مـن يسـهـر اللـيـل مـالومـه=كـان نار الـشوق في خافـقه زاده
لو تـشـوفـه ضايـقـن عايفـن نومه=دام هجران العـذارى غـدى عاده
تطـعنك فـي نظـرتن تقـل مسـمـومه=ثـم شـدت مركب الهجر بشـداده
وجـمـر نار العشق بالقلب معلومه=تطرده عن راحـة الفـرش ووساده
ليـن يتـرك لاجـلـها كـل مطعومه=ولو شكى جرحه على الناس مافـاده
الخـفاجـي يمـلك اللي ورى الدومه=شاف مـيـثاء وانقطع سلك عـداده
عقب حكمه صارت الروح محكومه=مـجرمن يشكي تحت سوط جـلاده
اولـن نضحك على العـشق وعلومه=لانـظـرت اهـل المـحـبه بـمـلباده
لين شـفـت اللي كـما البدر ونجومه=حـط روحي جـمـرتن عـند حـداده
عنـق ريـمـن تـتـلي العشب ووسومه=تحـت غيمن يطرب القلب رعاده
في مسـيلـن حـولهـا الجـال ورجـومه=تزبـنـه كان الـهوى لاع صيـاده
مـنوة الـلي شـاف الامـطار بحـلومه=يرتـحل مـع ذكر الامـطار باذواده
الخـزامـى تـجـذب الـشـوف بـحزومه=الهـواجـس ماتـجي قـلب مـرتاده
مامـشى زيـنه مـع الفـرس مع رومه=مـع ديـار الـهـنـد والسـند واكراده
رمـش عـينه شاتـني من ورى الحومه=ثـم زادت شوتة الـقـلـب بـعـنـاده
عـنـدلـن رويـانـة الـعـــود مـبــرومـه=من دعـتـني راحت الروح وانـقـاده
والردايـف مـن حـلا الحـال مزمـومـه=غـار منـهـا روس الاقـوام واسيـاده
كنـهـا مـن ضامـر البـطـن مـقـسومـه=اشـهـد انـه موت روحـي ومـيلاده
كـنـت اريـد النـار بالـجـوف مـكتـومـه=ليـن نلقى من هـل الطـيب مجـواده
بـس بانــت مـثـل ابـانـات وخـشـومه=مـن غــدت نـار المـعـالـيـق وقـاده
خـطـتـه فـي ذبـح الارواح مرســومـه=تبـتـدي مـن طـرد نـومـه ومرقـاده
ثـم يـعـلن في جـمـيـع الـمـلا صـومـه=مع سهـر عينه جفى الكبد عن زاده
ليـن تـرمـي خـافـق القـــلب بهـمـومـه=مـثل زرع الـصـيـف لاجـاه جـداده
والشـهـاده تـعـلـن الـمـوت مـخـتـومـه=وصعب يصدر خافـقن ذاق ميراده
مـثل مـطـلوبـن على الـثار مـن قومـه=دايــمــن ينـقـل سـلاحـه ومـجـنـاده
لازعـلت امـسـح قـوافـيـه ورقـومـه=نـصـف ساعـه واطلب الزين ميعاده
داخـلن وسـط الـبحر جـاهـلن عـومــه=ومـقـعـد اللـي يجهل العوم بـحـفـاده
لاجـل هـذا سـاهـر الـليل مـالــومــه=كـان هـجـران الـعـذارى غـدى عـاده[/poem]
العرض العادي
