قبل جرحك وقلبي به جروحن عطايب

[poem=font="Simplified Arabic,5,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]
لاتلــذذ بـجـرحـن لـلـضمـاير تـجـيـبه=قبـل جـرحـك خـفوقـي به جروحن عطـايب
والله انه مــعـاود لـلجروح الصعـيـبه=وذايــقـن قـبل جـرحك من طـعون القرايب
وقبل سهـرك سهرنا لين يقرى خطـيـبه=وقـبـل غــبـنـك خفوقي في غبونن غرايـب
اسـمـع ان الـحـبـايب مـاتـخـلي حبـيـبه=ليـن راحـت عـيـونـك فـوق كور الركايـب
ويـل قـلب الـهـواوي كان هـذا نـصيـبه=مـاحـســبـنا لـهـجـرك ياغـنـاتـي حسـايب
ليــش زدتـي خفـوقـي لاهـبن مـع لهيـبه=يـوم تـرمـيـن قلـبي بالـغـثى والـمـصايـب
كنـت احسب الحبايـب من عيـوني قريـبه=ليـن قـالـوا عـشيـرك يـابـن غسلان غايب
لابـدت شـمـس يـومي تقـترب من مغـيبه=ذقـت مـن هـجـس قـلبـي بـالظـلام العجايب
طـال هـجـرك وروحـي ماتحـب الغـلـيبه=قشر جـرح الـضـمـايـر مـن جميل الذوايب
والـله ان الـقـرابـه تنـصحـن عن قـلـيـبه=ثـم قـالـوا تـحـطـك فـي سـمـوم الـهـبـايب
العــذارى طـعـونـه لاتـحـسـبه غـريـبـه=واكـثـر الـبـيض تـفرح في جروح الحبايب
وكل هـرجـن سمـعـتـه ضامري مارضي به=ليـن سارت ركابـي فـي دروبن صعايب
ياعـنـودن ذيـورن فـي مـسـايـل شـعـيـبـه=جـاه سيـلـن تـهـامـل مــن حقـوق السحايب
المـسـايـل تـصافـق تـطـربـك فـي صبـيـبه=وكـل يـومـن تـعـلـه مـن وسـومـه سـكايب
فــيـضـتـن فـي ديـارن سـارحـه مادري بـه=مـاسـرح فـي مـسـيـله مـن يـسـوق النجايب
فـي ظـلام الـلـيـالـي يـزعـجـك صوت ذيـبـه=يـشـتـكي جـمـر جـوعـه بالليال القشايب
لو تحـرك ظـلالـه بالعـصـاري يـريـبــه=خـوف طـلقـة رصاصن من عطيب الضرايب
وصف حبك بـقـلـبي صـعـب مـايـنـحـكي به=وهـجـر عـيـنـك بـكـبدي له سلاح وكتـايـب
الجروح الـغـمـيـقـه شـوفـتك هـي طـبــيـبه=لـيـش تـمـنـع عـلاجك ياغـمـيـق الصوايـب
ويـل قـلـبـن حـبـيـبه بـالـحـرايـب طـلـيـبـه=راح قـلبـه وروحـه مـع حـبـيـبـه كــسـايـب
عـن سـلاح الـسريـه طــحـت عـنـد الكـتـيـبـه=وعـن سـمـوم الـقـوايـل طـحـت بين اللهايب
راح ليـلـي سـهـيـرن مـثـل عـيـن الـرقـيـبــه=هـاربـن عـن هـروجـن تـودع الـقـلـب ذايـب
مثــل راعــي نـيـاقـن يـنـتـفـع مـن حـلـيـبــه=وراح ذوده لـقـومـن فـي لـهـيـب الـحـرايـب
سـهـر عـيـن الـهـواوي يـاغـنـاتـي ضـريـبـه=تــفـقـد الـنـوم عـيـنـك بـالـلـيـالي غـصايـب
عـقـب حـبـك لـقـلـبـي مـاهـقـيـتـك تــصـيـبـه=لـيـش تجذب خـفوقـي وانت زمـلـك زهـايب
نـاقـلـن هـم روحـي فـوق سـاقـن حــطــيــبـه=وقـبـل كـسـبـي خـفـوقـي راح مـعـهن نهايب
كـنـت اراجــي هـنـوفـن حـبـهـا نـهـتـنـي بـه=وعن قـراحه سقـاني من خـضيض وسرايب
اشــهــد انـي طـريـحـن وان روحــي تـعـيـبـه=وان دربـي سـريـعـن صوب عـوج النصايب
نـرتـحـل عـن نـزولـك فــوق كـور الـنجـيــبـه=مـع جـروحـن بـقلـبـي صرت فيـها السبـايب[/poem]

ماشاء الله قصايدك يا فواز فيهاا ابداع
وشعور يوصل للقلب .. تسلم على هالابيات الروعه
ذوق ماشاء الله عليك .... تقبل مروري .

ياسمين

الله لايهينك ويلبسك العافيه
صح لسانك مليون
يالسنافي
فواز

هلا يابو فهد

تسلم ويسلم بوحك

شهادتى فيك مجروحه يالذيب

طال هجرك وروحـي ماتحـب الغليبـه
قشر جرح الضماير من جميـل الذوايـب
والله ان القرابـه تنصحـن عـن قليـبـه
ثم قالـوا تحطـك فـي سمـوم الهبايـب

صح لساانك ياجدي
ماقصرت

صح لسانك ونبض قلبك فواز الغسلان
منتتهى الجمال
ماخط فكرك

شاعر الجبل
فواز الغسلان
اهذه تحفة فنية .. ام مقطوعة ادبية ..
تأملتها كثيراً .. ولم اجد بعد قرا ئتها الكلمات ..
تاه الحرف في يدي .. وضاعت الكلمة من بين اسطري ..
كم انت مبدع
وكم قرأت كثيراً ..وعشقت كثيراً ..
ولكن لم اجد بجمال هذه المقطوعة .. بالفعل جمالها أخاذ ..
شكراً لقلمك الجميل ودام ابداع ماتسطره اناملك الرقيقة وقلبك الكبير

ارتقا بالمعاني
وقوه في الابيات
اسعدت دوما تسلم ويسلم بوحك

صح لساانك ابو فهد
لاعدمناك
ولا خلينا منك

الشاعر
فواز الغسلان
لا استطيع الوصف ولا النقد
القصيده تعبر عن نفسها
دام قلمك الرائع لنا
ولكل انسان متذوق للشعر

لاعدمناك
الف مرة صح لسانك

صح لسانك يابن غسلان

شعرك عندي له طابع خاص ومميز

فهنيا لشعربك وهنيا لنا ايضا بابن غسلان شعرا وروايتا وادبا وعلما .

تحياتي لك..

لاجديد

مبدع يابو فهد

وياكثرها الجروح

والجرح موت الجرح لاجاء من اقراب

http://2askt11.france.net.in/all/index.php .

[align=center]قصيـــده وكلمــات في قمـة الابــدااع والروووعه..


وكلمــااتك زينــــه وبصراااحه تعوور القـــلبــ..



وصـــدقت اكثرر واقووى الجرووح اللي تيي من الاحبـاااب..


ومشكوووور ياا شااعررناا المبدع عليهــاااا[/align]

اقتباس المشاركة الأصلية كتبت بواسطة ياسمين ماشاء الله قصايدك يا فواز فيهاا ابداع وشعور يوصل للقلب .. تسلم على هالابيات الروعه ذوق ماشاء الله عليك .... تقبل مروري . ياسمين

العزيزه ياسمين 000

اي شاعر يكون له جمهور مبدع ومتذوق مثلكم من المؤكد سيبدع وستكونون انتم

الدافع الحقيقي له على الابداع قبلا وبعدا00

تقبلي تحياتي العطره الراوي00

اقتباس المشاركة الأصلية كتبت بواسطة الجنيدي الله لايهينك ويلبسك العافيه صح لسانك مليون يالسنافي فواز

الاخ العزيز اخوسعدى الجنيدي000



هلا وغلا والله000 مرورك نبل وتعليقك تكريم وشهادتك تشريف لي ولحروفي

اشكرك جزيل الشكر على ذلك واتمنى لك التوفيق 0 دمتم بود ومحبه0

الراوي00