مساجله شعريه حامية الوطيس(الغسلان-التبيناوي)

قال الراوي والشاعر/فواز الغسلان


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

يامبارك وش اللي لاقريته يعيذ=من هجوس (ن) نتاجه باالضماير رضوض
حظي اللي مشالي في حياتي لذيذ=دار بي وأغرقتني موجعات الحضوض
دمع عيني ليانام الخوالي رذيذ=والسهر صار عندي من عديد الفروض
عقب حكم(ن)صدربي صارجسمي جذيذ=وأول(ن) كان زاهي كاالخزاما بروض
قلت نطلب قرابة من جنابه يليذ=عقب ريحن عجزنا من هبوبه نجوض
قالت الناس هذا شذ رآيه شذيذ=وعقب عقله نشوفه باالهذاري يخوض
قولهم بذ همي باالضماير بذيذ=قلت نرضخ وربي قادر إنه يعوض [/poem]



رد الشاعر والراوي/ مبارك طناء التبيناوي




[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يإبن غسلان كني شارب (ن) لي نبيذ=من غرابيلي اللي في حلوله غموض
لو نفذ هم كل الناس ماله نفيذ=راسين باالحناياء لعنبوه إمعروض
كل مافذ من همي توالي فذيذ=كمله حظي اللي ماقوى للنهوض
ياعشيري وربي مؤخذن بي وخيذ=والغلاء والشماته ما لقي له نقوض
سبت اللي ليا قذّت بعينه قذيذ=وشفت خد(ن) كما البارق بليل(ن) ينوض
قمت أصلي وأعيد القلقله وأستعيذ=من بلاوي حبايل ميبسات اللحوض
وإتكالي على رب(ن) عليه النقيذ=أنزل الذكر للمسلم جعله إمحفوض [/poem]




قال الراوي والشاعر/ فواز الغسلان


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


يوم شد الزين مالي باالقوافي داعي=من يبي يقراء همومي عقبهم وأوجاعه
كيف قلبي يامبارك عن دروبه ضاعي=عقب عرفي صارقلبي جاهل(ن) مطلاعه
دمعتي دمعة يتيم(ن) جاه صوت الناعي=مات أبوه وهوصغيرن مايعرف أسناعه
إن طلب ذاق المهونه وإن تشيم جاعي=ولأجل عيشه باالكرامه عفش بيته باعه
مثل دمعي لانهيته يستحي ماطاعي=ولا تلوم اللي بوسط الموج طاح شراعه
ليت مابيني وبينه يامبارك ساعي=كان أموري في هواها باالعرب ماشاعه
مامضى وقت(ن) طويل وشف خبرنا ذاعي=ويل قلبي من قلوب(ن)ضايع(ن) مرماعه[/poem]



رد الشاعر/ مبارك التبيناوي



[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

والله إنه حار فكري والقلم باأصباعي=قمت أعيد قراية المكتوب ربع الساعه
ضاق يافواز صدري طحت ماني وآعي=سبت الفرقاء قلوب(ن) حاقده قطاعه
ماوعيت إلا الدكاتر وأكسجين صناعي=قلت يادكتور إبن غسلان كيف أوضاعه
الغليبه والقهر طوّلت وأنت تراعي=فرصتك باالعمر ياضاعت صعيب إرجاعه
علمن باإسمه ورسمه والبلد والراعي=والله إني لأجل عينك باأول الفزاعه
لأجل موضوعك حرام إني نسيت أوضاعي=صاحبك مالاع قلبك باالمحبه لاعه
والله إن القاف ياطوّل تزين أطباعي=من رجال(ن) ماتغيّر مذهبه وأطباعه [/poem]



قال الراوي فواز الغسلان

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


مراكبنا على الشاطئ وترفض تكرم الزاير=وأحسب إنه قبل هذا بشوفي دايمن مسرور
وش اللي حد نور العين يصدر حكمه الجاير=مع إنه عارفن حكمه يسبب لي خراب الدور
إذا جانا كلامه شين عذره دمه الفاير=وإذا قلنا كلام(ن) زين جاوب قصدكم مخبور
وإذا قلنا هجرت الروح جاوب عاد وش صاير=ويضحك يوم أقول إرفق تراني عاشق(ن)مسحور
ولا ينضر حوال اللي يراعي خافقه حاير=يبي يكسب رضاء خله ولا يأمن دروب الجور
نهاره مغرق(ن) خده بدمع(ن) يرسله ساير=وليله ساهر(ن) ولهان لين إنه يفج النور
كرهت الحور من شأنه وصحت بوجههن ثاير=وهذا حق من يطرد غشيمن باالهوى مغرور
وأعرض الرآي لمبارك تركهن طوع ومخاير=وأخبره كان ضاق الدرب يهدي لي صليب الشور [/poem]




رد الشاعر / مبارك طناء



[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

أنا ما تبت من شأنك ولا من حظي الباير=لو إنه بالسنين التاليه عاثور في عاثور
أصابه من سهوم إعيون خلق الله على الطاير=فلا همي ولا همه عذاب الجادل الغندور
مادام إن المصيبه فيه ما تصلح ولا داير=عقب ماكان يتخيّر على السكين والساطور
عقب عزّه ياإبن غسلان مايسوى ولا تاير=صحيح الحظ لامنّه تردى عافك الجمهور
أهده لعنبوا حيّه ويرجع بي على العاير=يهوم اللي عليه السور ويعوّد خلاف السور
أجره جر ملعون السقاف ويقطع الواير=أنا وياه يا فواز قصة عنتره والثور
عسى ربي يزين حظنا من قبل ياناير=ويرجع حظي اللي كان مثلي ماعليه قصور
وإذا تسمع كلامي خل عنك النصح والشاير=جهادك في سبيل الغاليه ياصاحبي مأجور [/poem]

؛

أبو فهد صح السانك ولسان مبارك

صوت وصدى للشعر وللجزالة

فعلا ً مساجلة حامية الوطيس

لله دركما وبيض الله وجيهكم

شكرا ً على اسعادنا بها يا ابو فهد

؛

إحترامي

كرهت الحور من شأنه وصحت بوجههن ثاير
وهذا حق من يطرد غشيمن باالهوى مغرور


مساجله رائعه

بين شعرا مميزين

قصائد مميزه حقا


الله يعطيك العافيه


استاذ فواز


على هذا الطرح القيمـ

عسى ربي يزين حظنا من قبل ياناير
ويرجع حظي اللي كان مثلي ماعليه قصور

احلا مافيهم صراحه كلهم حلوات بيت البيت هذا شي
صح لسانك ولسانه

ونعم والله فيك وفيه
حاميه حاميه
وراها شاعرين والدنيا غايمه
ارحبووووووو
صح لسانك ولسانه

[align=center]كرهت الحور من شأنه وصحت بوجههن ثاير
وهذا حق من يطرد غشيمن باالهوى مغرور

وأعرض الرآي لمبارك تركهن طوع ومخاير
وأخبره كان ضاق الدرب يهدي لي صليب الشور


...............................................


عسى ربي يزين حظنا من قبل ياناير
ويرجع حظي اللي كان مثلي ماعليه قصور

وإذا تسمع كلامي خل عنك النصح والشاير
جهادك في سبيل الغاليه ياصاحبي مأجور




الله الله يـــاســــــــــلاااااااااااااااام


عسى ربي يزين حظنا من قبل ياناير
ويرجع حظي اللي كان مثلي ماعليه قصور


اللهــــــــــم آمييييييييييييييييييييييين


فحووول شعــــــــــر ماشــــاء الله

صــــــــح الله السنتكــــــــــم جميـــــــــــع


مســاجلـــــــــه شعـــــــريـــــه راقيـــــــــه


استمتعــــــــت بهـــــــــا


دمتــــــــــم مفخـــــــره للشعــــــر..[/align]

ماشالله عليكم صح لسانك ولسانه والله
ابو فهد
ماقصرت
ربي يسلمك ويسمنك

اقتباس: المشاركة الأصلية كتبت بواسطة زيد العتيبي    ؛ أبو فهد صح السانك ولسان مبارك صوت وصدى للشعر وللجزالة فعلا ً مساجلة حامية الوطيس لله دركما وبيض الله وجيهكم شكرا ً على اسعادنا بها يا ابو فهد ؛ إحترامي

الاخ العزيز زيد العتيبي000

مهما قلت تعجز الكلمات عن شكركم لقاء تشجيعكم المستمر

الذي له اكبر الاثر في كل ماكتبت من حروف متواضعه000

اشكركم جزيل الشكر وتقبلو تحياتي الخالصه

الراوي00

اقتباس: المشاركة الأصلية كتبت بواسطة اجوديه    كرهت الحور من شأنه وصحت بوجههن ثاير وهذا حق من يطرد غشيمن باالهوى مغرور مساجله رائعه بين شعرا مميزين قصائد مميزه حقا الله يعطيك العافيه استاذ فواز على هذا الطرح القيمـ

العزيزه الغاليه اجوديه000


ان كان هناك ابداع فهو من تشجيعكم لي الذي اصبح هو دافعي

الاول لكل ماكتبت لكم من حروف فلكم الشكر والتقدير الخالصين00

تحياتي العطره الراوي00

مساجله رائعه ووافيه
صح لسانك فواز
صح لسانك مبارك
ابداع ابداع
بوركتم

[align=center] الله الله الله
الله الله
الله

ماشاء عليكم

مساجله راااقيه لا عدمنااااااااكم


صــــــــح الله السنتكــــــــــم جميـــــــــــع


اييييه يا بو فهد يالعزووه لا تبخل علينا بعد نبي

من هالدرر والجوااااهر والمكنونه

؛

تقديري [/align]

اقتباس: المشاركة الأصلية كتبت بواسطة احمد الشمري    عسى ربي يزين حظنا من قبل ياناير ويرجع حظي اللي كان مثلي ماعليه قصور احلا مافيهم صراحه كلهم حلوات بيت البيت هذا شي صح لسانك ولسانه

الاخ احمد الشمري000

هلا وغلا مليون ولايكفون ومشكور جزيل الشكر على تعبيرك

الغالي والمحبوب الله لايهينك يالعزوه

تحياتي العطره بريح الورد

اقتباس: المشاركة الأصلية كتبت بواسطة اخو رثعه    ونعم والله فيك وفيه حاميه حاميه وراها شاعرين والدنيا غايمه ارحبووووووو صح لسانك ولسانه

الاخ العزيز اخو رثعه000

سعدت بمرورك وتشرفت بتعليقك الغالي والنبيل0


لكم مني كل الود والتقدير والتحيه العطره الصادقه0


الراوي

اقتباس: المشاركة الأصلية كتبت بواسطة قايــدة الخيــل    [align=center]كرهت الحور من شأنه وصحت بوجههن ثاير وهذا حق من يطرد غشيمن باالهوى مغرور وأعرض الرآي لمبارك تركهن طوع ومخاير وأخبره كان ضاق الدرب يهدي لي صليب الشور ............................................... عسى ربي يزين حظنا من قبل ياناير ويرجع حظي اللي كان مثلي ماعليه قصور وإذا تسمع كلامي خل عنك النصح والشاير جهادك في سبيل الغاليه ياصاحبي مأجور الله الله يـــاســــــــــلاااااااااااااااام عسى ربي يزين حظنا من قبل ياناير ويرجع حظي اللي كان مثلي ماعليه قصور اللهــــــــــم آمييييييييييييييييييييييين فحووول شعــــــــــر ماشــــاء الله صــــــــح الله السنتكــــــــــم جميـــــــــــع مســاجلـــــــــه شعـــــــريـــــه راقيـــــــــه استمتعــــــــت بهـــــــــا دمتــــــــــم مفخـــــــره للشعــــــر..[/align]

الغاليه قايدة الخيل000


مهما قلت تعجز الكلمات عن شكركم لقاء تشجيعكم المستمر

الذي له اكبر الاثر في كل ماكتبت من حروف متواضعه000

اشكركم جزيل الشكر وتقبلو تحياتي الخالصه

الراوي00

اقتباس: المشاركة الأصلية كتبت بواسطة منذر    ماشالله عليكم صح لسانك ولسانه والله ابو فهد ماقصرت ربي يسلمك ويسمنك

هلا وغلا اخوي منذر ومشكور يالعزوه00


تشكراتي000