ولو غدى الشاهين زوج للحمام

ماخاب ظني ولافقدت الرجا فيك
دايم وظني بخوتك في مكانه
مبطي وأنا من بادي الوقت شاريك
معك على قسي الزمان وليانه
أغليك حيل ومن يخاويك يغليك
لك من صميم القلب كل امتنانه
**************************
أحب دهن العود وأنواع الأطياب..
وأحب ناس ماتعرف الخديعه..
أحب كل إنسان راقي وجذاب..
صدوق في حبه ونفسه رفيعه..
ترى الوفا بقلوبنا ماله أسباب..
فطره خلقها الله وصارت طبيعه
**************************
وش حيلة اللي علته داخل اليوف؟
نار الفراق بوسط صدري تصلا..
وش حيلتي ياناس والحال منصوف..
منصوف نصفين ع اللي تغلا..
نصف يقول اصبر يمكن يحن ويروف..
ونصف يقول اللي تغلا تخلا
**************************
الطيب بحر ساحله ماله حدود،،،
قاعه عميق ومتعب كل غطاس،،،!!!
والجود ظل في قفا الشمس ممدود،،،
ماينعرف حده ومعناه ينقاس،،،!!!
ومن يجمع الثنتين لاشك محسود،،،
وأنا أشهد إنك جامع در والماس،،،!!!
**************************
حييت ياوجه السعد والتباشير..
قدرك على كف الغلى والمعالي..
بالقلب لك منزل وحشمه وتقدير..
حياك قلبي يابعد كل غالي..
ماقول غير الله يجيبك لي بخير..
تسعد عيوني فيك طول الليالي
**************************
قالت:
ياخوفي يدمن القلب ذافيك ويصير اشتياقي
لك في كل الأوقات...
قلت:
أبشري أدمنت وصرت أخذ جرعات وجرعات
لاتحرميني الوصل ربي يخليك
**************************
لو يصير البحر أحلى من الغدير
ولو تعتم صبحنا وأصبح ظلام
ولو تبدل طبعنا وأصبح ذميم
ولو غدى الشاهين زوج للحمام
ولو يصير ولو يصير ولو يصير
لك محبه في القلب ما يفسرها كلام
**************************
لاتظن
الزمن ياخذ من غلاك
ولا تظن
أعشق وأدور من جديد
يذكرك
مشتاق ولا مره نساك
يشعر بقربك لو انك بعيد
**************************

إن شاء لله تعجبكم

الحيران


تسلم اخوي على هالمسجات الاكثر من رائعه
وربي يعطيك العافيه على اختيارك المتالق

وردة العين

وردة العين

كم اسعدني تواجدك المميز

شكرا لك

][`~*¤!||!¤*~`][الحيران][`~*¤!||!¤*~`][


الله يعطيك العافيه على روعة المسجات ..
الله لايحرمنا هالحضور يالغلا كل الشكر لك..

تواجدكـ بقسم الجوال شرف لنا لاتحرمنا تواجدكـ المستمر
فنحن نعطش لوجود شخص مثلكـ في قسمنا ..

لكــ كلـ الـود وشذى العطـــــــــــــــــر



تقبل مروري..
بقايا حلم..

بقايا حلم

كم اسعدني هذا المرور

شكرا لك