ورب موسى فلا ارحل عن شخانيب حايل

معرض الوسام · 11-30-2007, 01:50 PM

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

قــرب الـبــرد يـدخــل والـلــيــالـي طــويـلــه=والـهـواجـس صـغـاره فـي ضـمـيـري جـلايـل
كـن جـنـبـي تـقـلــب فـوق جـمــر الـمـلــيــلــه=او خـفـوقـي طـريـحـن فـي شـمــوس الـقـوايـل
طـيــف خـلــي يــهــزه والـهــواجـس تـشـيـلـه=ويـردعـنــه ظــلـوعـن مـثــل حـالـه نـحـايـل
مـانـريــد الـمـحــبــه والـمــشــاعــر ذلــيــلـه=والـمــعـزه غـنـيــمـة كـاسـبــيــن الـنـفــايـل
قـالـت اسـمـع هـروجـي شـف عـيـوني جـمـيـلـه=قـلــت دون الــمــذلـه مـرهــفــات الـســلايـل
قـالــت رمــوش عـيـنــي داعـجــاتـن ظــلـيــلـه=حـقـق الـشـرط نـبــقــى بـالـشـريـعـه حـلايل
قـلــت حـبــك نـلاقــي بـالــعــذارى مـثــيـــلــه=وان فــقـــدت الـمــعــزه مــانـلاقــي بــدايـل
وزبـدة الـهـرج روحــي مــن فـراقــك عـلـيــلـه=ولانـطــاوع مـطــالــب عــاقــديـن الحـبـايـل
رزق ربـي يـجــي لــي يـالــغــلا او نـجــي لـه=ورب مـوسـى فـلا ارحـل عـن شـخـانـيـب حايل
كـيــف اخـلـي ربـوعـي كـاسـبـيــن الـنـفـيــلـه=شـامـخـيـن الـمـراجـل كـامـلـيــن الـخـصـايـل
الـطــنـــايـا زمـــولـــن مـانـــدور بــديـــلــه=كـالـنـجــوم الـلــوامــع بـيــن كـل الـقــبــايـل
عـلــة الـجـوع ربـعــي فـي كـرمـهــا تـزيـلــه=شـف يـمـيـن الجـمـاعـه سـابـقـتـهـا الـشـمـايـل
طـيـب حـاتـم خـصـالـه عـنـد ربـعـي قـلـيــلـه=سـيـل طـيـب الـطـنــايـا مـثــل وبـل الـمـخــايـل
لـه سـيــوفــن تـلامــع لـلــمـــعــادي سـلـيـلـه=وبـالـمــواثـيــق نـاســن مـاتـحـــب الــدغــايـل
ومـن تـردت هــروجــه عـنــد قــولــه وقـيــلـه=الـهــنـــادي تـدلـــه لـلــــدروب الــــعـــدايـل
هـم سـبـاعـن ضـواري تـخـتـفــق فـوق خـيـلـه=هــم هــل الـمـجـد كـلــه والـنـدى والـفـضـايـل
لـلـمـجـاور نـفـوســه مـثــل لـيـن الـخـمــيـلـه=ولـلــمـعــادي رمـاحــه لـه طـعــونــن ثـقــايـل
اهــل حـايــل وحـايـل كـالـخـلــيـل وخـلـيــلـه=كـيـف اخـلـي ربـوعــي يـالـعــقــول الـهــبـايـل
الـمــجــالـس عـطــوره ريــح بـنــه وهــيــلـه=وريـحـة الـعـود تـشـدى مـزهــرات الـمـســايـل
الحــمــول الـثـقــيــلــه لابـتــي تـرتـكـي لـه=هــم ســعــادة خـفــوقــن ذاق ضـيــم ونـكــايـل
هــم نـبـوع الـمـكـارم مـنـقـعــه مـع مـسـيـلـه=كـان غـيــره يـفــاخــر فــي نـبـوع الـفــشــايـل
والـفــرس لايـغــرك بـالـفـراغــه صـهـيــلـه=وسـاعـة الـضـيـق تـفـرق كـدشــهــا والاصـايـل
الـنـوايـا سـلـيــمــه والـمــشــاعـر نـبــيــلـه=والـمــرابــي بـيــوتــن مــن رفــاع الـحــمــايـل
هـم سـعـادة رفـيـقــن يـشــتـكـي قـل حــيــلـه=مــن نـخــاهـــم لـقـــاهـــم مـايـلاقـــي فـســايـل
لـو تـركـتــه عـيــونـي مـاتـوقــف هــمــيــلـه=مــثــل حــايـل واهـــلــهــا نـادريـنــن قــلايـل
ديـرة الـطـيـب حـايـل قـبــل جــيــلـي وجـيــلـه=طـــيــبــه الـــيــوم والا بـالـــوقــوت الاوايـل
حـازت اكـرام ضـيـفـه مـع حــمــايـة دخـيــلـه=هــم بـراد الـلــيــالــي مــع ظــلال الـقـــوايـل
عـيـب ربـعـي صحــونـن بـالـذبـايـح ثـقــيــلـه=عـيــب افـارق جـبـالــه فـي جـمـيـع الـوسـايـل
مـن تـركـهـا سـفـيـهـن مـثــل دافـق صـمـيــلـه=يـوم عــاف الـنـجـايــب لاجــل حـشـو هــزايـل
عـنــد حــايـل غـرامـك مـايـســاوي شــلــيــلـه=والـمـحـبــه نـهــيــنــه قـبــل شــد الـرحـايـل
يـابــدور الـلــيــالــي عــز قـــوم وقــبــيــلــه=يـاجــبــالـن رواســي يـاوعـــود وفـــعـــايـل
يـاشـــوامــخ رجــالـــن كـل يـومــن ولــيــلــه=يـانــوادر طــيــورن مــنــزلــه بـالــطــوايـل
يـاجـســور الـمــراجــل يـاقـــلاع الـفـضـيــلـه=يـابحــور الـمــكـارم والـكــفــوف الـجــزايـل
يـامـنــايــر فــخــرنـا يـافــضــاه وكــفـــيــلـه=يـاذيـابــن تـهـيــلــك عـنــد قـــدح الـفـتــايـل
كـل هــرجــن ذكــرتـه طـيــب ربـعــي دلــيــلـه=لاتـحـســبــه سـوالــف قـالـبــيــن الـفـنــايـل
كـل كـيـلــن لـغـيـره نـاقـصــن عـنــد كــيــلــه=طـفــل حـايـل ومـوتـي بـيــن ظــلـعـان حـايـل[/poem]

11-30-2007, 02:02 PM

لي عودهـ على هالمعلقه الي من ذهب ...

11-30-2007, 02:09 PM

صح لسانك لا هنت

11-30-2007, 04:22 PM

اقتباس

المشاركة الأصلية كتبت بواسطة فواز الغسلان


	[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] قــرب الـبــرد يـدخــل والـلــيــالـي طــويـلــه=والـهـجـوس الخـفـايـف فــوق صـدري جـلايـل كـن جـنـبـي تـقـلــب فـي لـهـيــب الـمـلــيــلــه=وكن قـلـبـي طـريـحـن فـي شـمــوس الـقـوايـل طـيــف خـلــي يـحـطــه والـهــواجـس تـشـيـلـه=ويـردعـنــه ظــلـوعـن مـثــل حـالـه نـحـايـل مـاتـفـيــد الـمـحــبــه والـمــشــاعــر ذلــيــلـه=والـمــعـزه غـنـيــمـة كـاسـبــيــن الـنـفــايـل قـالـت اسـمـع وطــاوع لاجـل عـيــن الجـمـيـلـه=قـلــت دون الــمــذلـه مـرهــفــات الـســلايـل قـالــت رمــوش عـيـنــي داعـجــاتـن ظــلـيــلـه=حـقـق الـشـرط نـبــقــى بـالـشـريـعـه حـلايل قـلــت حـبــك نـلاقــي بـالــعــذارى مـثــيـــلــه=وان فــقـــدت الـمــعــزه مــانـلاقــي بــدايـل وزبـدة الـهـرج روحــي مــن فـراقــك عـلـيــلـه=صـعـب اطـاوع سـوالـف قـاصريـن الحـبـايـل رزق ربـي يـجــي لــي يـالــغــلا او نـجــي لـه=ورب مـوسـى فـلا ارحـل عـن شـخـانـيـب حايل كـيــف اخـلـي ربـوعـي كـاسـبـيــن الـنـفـيــلـه=شـامـخـيـن الـمـراجـل كـامـلـيــن الـخـصـايـل الـطــنـــايـا زمـــولـــن مـانـــدور بــديـــلــه=كـالـنـجــوم الـلــوامــع بـيــن كـل الـقــبــايـل كـاوي الـجـوع ربـعــي فـي كـرمـهــا تـزيـلــه=شـف يـمـيـن الجـمـاعـه سـابـقـتـهـا الـشـمـايـل طـيـب حـاتـم خـصـالـه عـنـد ربـعـي قـلـيــلـه=صار طـيـب الـطـنــايـا مـثــل وبـل الـمـخــايـل سـاعـة الـظـيــم ربـعـي لـه سـيـوفـن سـلـيـلـه=وبـالـمــواثـيــق نـاســن مـاتـحـــب الــدغــايـل ومـن تـردت هــروجــه او جــزاهــم بـمــيــلـه=الـهــنـــادي تـدلـــه لـلــــدروب الــــعـــدايـل هـم سـبـاعـن ضـواري تـرهـب الـقـلـب خـيـلـه=هــم هــل الـمـجـد كـلــه والـنـدى والـفـضـايـل لـلـمـجـاور نـفـوســه مـثــل لـيـن الـخـمــيـلـه=ولـلــمـعــادي رمـاحــه لـه طـعــونــن ثـقــايـل اهــل حـايــل وحـايـل مـثــل خــل وخـلـيــلـه=كـيـف اخـلـي ربـوعــي يـالـعــقــول الـهــبـايـل الـمــجــالـس عـطــوره ريــح بـنــه وهــيــلـه=وريـحـة الـعـود تـشـدى مـزهــرات الـمـســايـل لـلــمــراجـل حــمــولـن لابـتــي تـرتـكـي لـه=هــم ســعــادة خـفــوقــن ذاق ضـيــم ونـكــايـل هــم نـبـوع الـمـكـارم مـنـقـعــه مـع مـسـيـلـه=كـان غـيــره يـفــاخــر فــي دروب الـفــشــايـل والـفــرس لايـغــرك بـالـفـراغــه صـهـيــلـه=وسـاعـة الـضـيـق تـفـرق كـدشــهــا والاصـايـل الـنـوايـا سـلـيــمــه والـمــشــاعـر نـبــيــلـه=والـمــرابــي بـيــوتــن مــن رفــاع الـحــمــايـل هـم سـعـادة رفـيـقــن يـشــتـكـي قـل حــيــلـه=مـايـجــازون طــيــبــه بـالــردى والـفــســايـل لـو تـركـتــه عـيــونـي مـاتـوقــف هــمــيــلـه=مــثــل حــايـل واهـــلــهــا نـادريـنــن قــلايـل ديـرتـن شـاع طـيـبـه فـوق جــيــلـي وجـيــلـه=طـــيــبــه الـــيــوم والا بـالـــوقــوت الاوايـل حـازت اكـرام ضـيـفـه مـع حــمــايـة دخـيــلـه=هــم بـراد الـلــيــالــي مــع ظــلال الـقـــوايـل عـيـب ربـعـي صحــونـن بـالـذبـايـح ثـقــيــلـه=عـيــب افـارق جـبـالــه فـي جـمـيـع الـوسـايـل مـن تـركـهـا سـفـيـهـن مـثــل دافـق صـمـيــلـه=يـوم عــاف الـنـجـايــب لاجــل حـشـو هــزايـل عـنــد حــايـل غـرامـك مـايـســاوي شــلــيــلـه=والـمـحـبــه نـهــيــنــه قـبــل شــد الـرحـايـل يـابــدور الـلــيــالــي عــز قـــوم وقــبــيــلــه=يـاجــبــالـن رواســي يـافـــعــول وفـــعــايـل يـاشـــوامــخ رجــالـــن كـل يـومــن ولــيــلــه=يـانــوادر طــيــورن مــنــزلــه بـالــطــوايـل يـاجـســور الـمــراجــل يـاقـــلاع الـفـضـيــلـه=يـابحــور الـمــكـارم والـكــفــوف الـجــزايـل يـامـنــايــر فــخــرنـا يـافــضــاه وكــفـــيــلـه=يـاذيـابــن تـهـيـلــك عـنــد صـلــي الـفـتـايـل كـل هــرجــن ذكــرتـه طـيــب ربـعــي دلــيــلـه=لاتـحـســبــه سـوالــف قـالـبــيــن الـفـنـايـل كـل كـيـلــن لـغـيـره نـاقـصــن عـنــد كــيــلــه=وعـيـش راسـي ومـوتـي بـيــن ظـلـعـان حـايـل[/poem]

الله الله
يسلم راسك وقلبك وكلللللللللللللللللللللللك الغالي(((ابـــــــو فــــــهد)))

درر متنااااااثرة
ياااااااااااااااترى

ماذاااااااااقووووووول

اقف هنا00000اجلالا وتقديرا

وقفت صمت لاعلم كم تدور

ولكن لي عودة ؟

11-30-2007, 08:38 PM

صح لسانك وحايل صعب الاستغنا عنها
يسعدك ابو فهد

11-30-2007, 08:57 PM

عيب ربعي صحونن بالذبايح ثقيله
عيب افارق جباله في جميع الوسايل
من تركها سفيهن مثل دافق صميله
يوم عاف النجايب لاجل حشو هزايل

كفو والنعم بحايل واهلها
ولا الومك
صح لسانك فواز الغسلان

معرض الوسام · 11-30-2007, 09:07 PM

فواز الغسلان الشاعر الراوي
صح لسانك وعلا شانك
قصيده طيبه من راس طيب ومبدع
استمتعت بتصفحها وقرائتها

لك احترامي وتقديري

معرض الوسام · 12-01-2007, 01:09 AM

اهل حايل وحايل كالخليل وخليله
كيف اخلي ربوعي يالعقول الهبايل
المجالس عطوره ريح بنه وهيله
وريحة العود تشدى مزهرات المسايل
الحمول الثقيله لابتي ترتكي له
هم سعادة خفوقن ذاق ضيم ونكايل
هم نبوع المكارم منقعه مع مسيله
كان غيره يفاخر في نبوع الفشايل
والفرس لايغرك بالفراغه صهيله
وساعة الضيق تفرق كدشها والاصايل
النوايا سليمه والمشاعر نبيله
والمرابي بيوتن من رفاع الحمايل
هم سعادة رفيقن يشتكي قل حيله
من نخاهم لقاهم مايلاقي فسايل

لله درك
يارائع
وياستاذ

ويامبدع

وربى كفيت ووفيت
الف الف
صح لسانك
واعتلا شانك

ولاهنت

تقديرى

12-01-2007, 09:14 AM

فواز الغسلان صح لسانك وعلا شانك
عشت ياعساى
ماعدمك يالطربه

12-01-2007, 11:59 AM

هلا وغلا ابو فهد لاعدمتك
صح لسانك
قصيده تستحق التميز
قصيده متميزه بسلاسة المعنا وقوة المضمون وهو حب حايل
عروس الشمال يكفي هواها
قصيده جزله ورائعه
من شاعر ابدع في صياغتها

معرض الوسام · 12-01-2007, 05:57 PM

اقتباس

المشاركة الأصلية كتبت بواسطة حورية حائل


	لي عودهـ على هالمعلقه الي من ذهب ...

[align=center] هلا وغلا حوريتنا ومشكوره لمرمرك وتعليقك

تحياتي العطره00[/align]

12-03-2007, 01:16 AM

فواز الغسلان

لدي مستند انشأته مخصوص لاجمع به قصائد الغسلان

والسؤال الذي كان يحيرني

اين اجمل قصيده

والآن وجدتها

كل ماكتبه الراوي جميل

وهذه الاجمل

صح لسانك ولاهنت