عبدالعزيز الفدغوش :
سلام تسليمة ٍ تنفح بطيب وجمال=للي يحكم المعان بكل طرق ٍ جميل
ياصاحبي هلّ فبراير وشعت ليال=بالشعر وافراح دار الخير زبن الدخيل
محمد العمري
:
عليك مني سلام يـا خيـار الرجـال=ياشاعر له في الجزلات بـاع طويـل
حنا مع الشعر نرقا شامخات الجبـال=والجود ياخي من الموجود خاب البخيل
عبدالعزيز الفدغوش :
ياوافي ٍ في مجال الشعر حـد الكمـال=وفي كل موقف وحال ٍ يازميلي جزيـل
لاشك شفنا بحال الشعر نـوع اختـلال=وفي موسمه بيّن المنصوب صنفه هزيل
محمد العمري :
لا تشتكي يا زميلي لو يطول المطال=الشعر ذوقه تحول عقب ذاك الرعيل
كم شاعر ينثر الهزلات قصده جزال=وليا نشدناه عن وضعه يضيع الدليل
عبدالعزيز الفدغوش :
راية منار المعاني سلموها ( نضال )=واصبح موجه لادبنا باعتباره وكيـل
حل ّ بحلال الجزيرة طامع ٍ باحتـلال=حتى غدا سيّد الموقف يحط ويشيـل
محمد العمري :
هذي هي أحوال دنياناعلى كـل حـال=والشي عن موضعه يظهر لي إنه يميل
حتى الردي يحسب انه صار سيد الفعال=والناس قامت تهمش مفردات الأصيـل
عبدالعزيز الفدغوش :
بان الخطأ يازميلي ما يبـي لـه سـؤال=ماتشوف نشوى لزبد الهرج خضت صميل
باعت علينا الهوا من شأن تكسب ريـال=وباسم القبيلة خزاعـة مشعلـة للفتيـل
محمد العمري :
عرقية مالها في شـرع ربـي مجـال=سادت وقادت وصارت تشتهر بالصهيل
من عقب ماهي عقيمة ماعليها عيـال=اليوم تنشر بلاهـا والمدامـع تسيـل
عبدالعزيز الفدغوش :
حنا لفتنا من المغرب جماعة رغـال=واصبح غريب المثل في حر مالك يكيل
يأخذ ويعطي على المعنى بغش وضلال=والمشكلة عن جماعتنا نحطـه بديـل
محمد العمري :
هذي مصيبة تركنـا ولـد عـم وخـال=واليوم ننخا لقـوم مـا عليهـا سبيـل
البوصلة باتجاه الشـرق وحنـا شمـال=حتى أصبحت سمعة الحاضر عليها عويل
عبدالعزيز الفدغوش :
يهيم في وادي الضيعة بكل الخصال=حيث ٍ ماهو بعارف جديها من سهيل
غريب عما يرى والوضع زايد وبال=ومرساه في ضفته واللد هي والخليل
محمد العمري:
ياليت وانه بقى بين الجدل والقتال=والشعر خلاه للي ما بداره قتيـل
الرعب خلفه وحرك يوم قالوا تعال=أسرع وهلا وجاوب والله إنه هبيل
عبدالعزيز الفدغوش:
نشره على اللي عطاله حجم فوق الخيال=لوكان ضيّع وجوده في مهـب المسيـل
ودك على غاربه ياصاح تثنـي حبـال=وحط القرب واالقلص وابشر بعزك يشيل
محمد العمري :
والله لو لا الحيا لا أصيح ياهل الفعال=واقول تكفون صار الحل بيد العميـل
واكسر جماجم رجال خالفت لعتـدال=باعت ذممها وجتناتعمل المستحيـل
عبدالعزيز الفدغوش :
لابد من وقفة ٍ فـي شعرنـا والمقـال=وايضاح حال الاصيل وحال من به دخيل
اليا حزمنـا جداهـم بالجديـد امتثـال=وزمرة نضال وتبعهم يعلنون الرحيـل
محمد العمري
ذا شي لا بد منه يا عريب المنال=والحل من بعد ربي بيد شيخ جليل
إما تهيا طلبنا والدخيـل أستقـال=قمنا بحمله تعكر صافي السلسبيل
عبدالعزيز الفدغوش :
يكفي كفى بهرجة زور ٍ وصنع احتفال=ياشيخ حنا لوقوفك في سبيله نخيـل
ماتشوف غاد القدا ضيّع جميل المثال=دكتور لكنّ مابيديه طب العليـل
محمد العمري :
يا كم مريض من الدكتور جاه الزوال=يبغى علاجه وعود للمقابـر نزيـل
واللي يقول الدوا موجود قله محـال=ماهوب دكتور من لا ينتقل للبديـل
عبدالعزيز الفدغوش :
ضايع وضيّع معه ياصاح نزه السبال=وان كان طوّل وجوده زال روح المثيل
مافادبه نصح خالد والمعنـى طـلال=ويظن نفسه لابن لعبون ند ّ وعديـل
محمد العمري :
يا صاحبي ربعنا خلوه رمز اعتدال=يا خيبة اللي يخلي قبل لشبال فيل
نبغى نعيد الأصالة ما نبي لانتقال=يا نعنبوها تقافة تكتفي بالذليـل
وسلامتكم جميعا