[poem=font=",6,white,bold,normal" bkcolor="black" bkimage="" border="double,8,darkred" type=2 line=0 align=center use=ex num="0,black""]
الغـلا يالــنــقـــاوي فــارقــتــنــا نجـوعـه=والركــايـب دعــاهـا للـمــرابـيـع داعـي
لو تهــل المحــاجر مابقى مـن دموعـه=ويمضي الليل جـفــنــه من بلاويه واعـي
ماتعالج جـــريحــن هجـر خــلـه يلوعـه=فــوق لوعة عـيـونه في نهـار الوداعـي
ويل قلبن رحـيـمـن ضايـعـاتــن سـنـوعه=راح عـمـره وقـلـبه في دروب الضياعي
وكان جوجو ونوري جاهزاتـن رموعـه=مع شوازن غموض وضربته بالكراعـي
جبت لغزن غريبن صعب تطفي شموعه=ولو رميـتــوا عليه من الفشق والمداعي
وعـادة اللغــز عــنـدي ماتهـده جـموعـه=وان بغـيـتـوا حـنـوكه صار ذبحه جماعـي
ويش رجلن كريمن عالي(ن) في ربوعه=لا لفى الضيف يفــتـح للضيوف الذراعي
من زمول المحــامل وافــياتـن طبوعـه=واكثر الوقـت ماشي في جـميـل المساعي
ومن يهاوش ويطــلب ياجماعه فزوعـه=راح يــلــقـى كــلامـه بالاذاعـــه تــذاعـي [/poem]
طبعا اللغز هالبيتين فقط والباقي تهديد ووعيد00
[poem=font=",6,white,bold,normal" bkcolor="green" bkimage="" border="double,8,black" type=2 line=0 align=center use=ex num="0,black""]
ويش رجلن كريمن عالي(ن) في ربوعه=لا لفى الضيف يفــتـح للضيوف الذراعي
من زمول المحــامل وافــياتـن طبوعـه=واكثر الوقـت ماشي في جـميـل المساعي[/poem]