تشبه طيور(ن) لجول الصيد مزعوجه

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,8,black" type=2 line=0 align=center use=ex num="0,black""]

يالجيب دج بــي على اللي ضامـني دوجــه=لــولاه مـالــي بـهــم مـطـمــع ولا حــاجه
ابـيــك تـقـطــع ديــــار الــزيــن وفـجـــوجــه=والــدرب مـايـمـنـعـك رمـلــه ومـطـنــاجه
تـشـبــه طـيــور(ن)لجـول الصيد مزعـوجه=ومعها ريــاح الـهــواء الـغـربي الـيا هاجه
اللي رمـى الـروح من عـامـيـن مرجـوجـه=واشعل لظى جـمرة(ن)بالجوف وهــاجه
ودي بـشـوفــه مـدامـه شـــح بـهـــروجـه=وقبل الـمـواصـل طـرق بالـباب مزلاجه
ويـلـي عـلـى عـندل(ن)بالكحل مدعـوجه=تـرمـي هـل الطـيب في بـلـواه واحـراجه
والـعـيـن تـشـبــه عـيــون الـريــم وغـنـوجه=او عـيـن شـيـــهــانــة الـقــــنـــاص لا راجـه
بـحـريــة(ن)من لـهـيــب الـجـوع محـروجه=طـارت تـبــاري شـطـوط النـيل وامواجه
الرمش يرسل رمـاح الـمـوت مـع فـوجـه=والا الـقــذايـف مـن الـلــي قــاد مـيراجه
ريـح الـنـفــل والـزهــر والـمسـك ممزوجه=فـي جـسـمــه الـلـي كـسـاه بثوب ديباجه
محـدن كـشـف وصـفــة الـغــالـي وديلوجه=من شـان يـمـشـي عـلـى دربــه ومـنـهـاجه
زيـن الـوصـايـف وزيـن الطـبـع مدمـوجه=ماهـي لـزود الـحــلا والـمـــدح مـحـتــاجه
قـلـبـي عـشـق بـالـعرب زولـه وكـتـلـوجـه=مـثــلـــه وربــي مـع الـخـفــرات مـا داجـه
لين اصبحت في حـنـايـا الجوف منسوجه=وصارت قـمـر خـافـق الـمـلـتاع وسراجه
لاجـلــه تـحـمــلــت بــرد شـبــاط وثـلـوجه=ولا طـعت عــاذل هـل الـغـيـبـه وهـراجـه
هـنـي من ضـافـهـا بـالـكــرت لــي زوجـه=ويرتاح قلب(ن)يـعــانــي لـســع كــربــاجـه
من يوم غابت وروحـي تـقـل مـسـهـوجه=وعـــادات حـظــي دروبـــه دوم مـنــعـــاجه
سارت ظـعـونــه وشـفت الخيل مسروجه=يـتـلــون بــرق(ن)شـلــع بـالـلـيــل لـعــاجه
راحت وروحي تـعـيـش الهجر في عـوجه=من جور وقت(ن)سقاه الكاس من زاجه
والـيـوم وش مكسب الخـافـق ومـنـتـوجه=في طـرد ريــم(ن)يـهـيـل الـقـلب مكـيـاجه
غـير الـمـغـثــه وسـجـن الـقـلــب بـدروجه=عـامـيـن يـشـكـي هـوان الـروح وازعـاجه
ياحيف شـال الـخــفـوق وراج بــه روجـه=وخـلاه يـنــزف وشـح الـــوقت بـعــلاجه[/poem]