.
مدخل
مذكراتي صارت بـ داخل الدرْج=من بعد موتي علّموا الناس عَنْهَا
ما أبي أطوّلها عليكم بـ هالهَرْج=فـ أجسادنا الأرواح محدٍ ضمَنْهَا
لي مُهرةٍ .. أمسِك رسنها بلا سِرْج=تبكي علي لا من : ترجّلْت مِنْهَا
قولوا لها : إنْ طق في عينَهَا عِرْج=كثر البُكا ما يردّني ولا " حِزِنْهَا " !
مُنذ بدء الخليقه : به ذكور وإناث=طيّبه لـ كل طيّب و الخبيثه لـ خبيث
أقتنص لي قصيدة وأستمد الدماث=ومو حرام أقتبسها فكرتي من حديث
الحرام إني أقدر وأنكب المستغاث=وآكل أموال قاصر و أدري إنّه وريث
صاحبي صعب تجني شي وقت الحراث=يحصد الشر قلبٍ يزرع الخير حيث :
للغدر والمصالح تلقى ناسٍ لهاث !=ومو غريبه تلاقي لك غثيثه و غثيث !!
هذي الدنيا بيتك همّتك بـ الأثاث=أوّل الغيث قطره تبدي وتصير [ غيث ]
مَرّك الغيم لكن مَر دون إكتراث !=وإنت صحراك جردا بـ المطر تستغيث !
أدري الهَم في قلبك ودنياك عاث=غلطتك .. كنت تِجْمَع في حياتك رثيث
ما أبي تطيح لما تنصدم بـ الرثاث=للعُلى والمعالي خل سيرك حثيث
صاحبي في حياتك إبتعد عن ثلاث :=الغدر والغرور وفزعتك للـ [ . . . . ]
.