قصيده عاجبتني حبيت تقروونها
[poem=font="arial,5,black,bold,italic" bkcolor="skyblue" bkimage="http://www.b3b7.com/vb/mwaextraedit2/backgrounds/4.gif" border="double,4,red" type=0 line=0 align=center use=ex num="0,black""]
ياهيه انا بنت الرجال السلاطـين = للـي بعينـه نظــرتن ماقـهـرهـا
انا الزعيمه بنت هاك المـسمــين =روسن رواسن خصمها ماقدرها
حــنا هــل التوحـيد حـمـاية الـدين =من خـلقـت الـدنيا ونـبـتة شجـرها
يشهـــد لنا تاريخ مـرت به اسنين =والحاضر اللي هيبته ماكـــسرها
بفعول شيخانً على الارض راسين =شيخــان تحـكـم برهـا مـع بحــرها
لو السيوف المرهفه تنطق الحـين = قالـت فعــول امطـــير للـي نكــرها
حــنا على حـــد المـدينه مـقـيمـين = وامجــادنا فـي نجــد كــلٍ ذكــــرها
مع دقلت اخيولاً على الارض ماشين = مثل البحــر للــي بعــينه نظــرهـا
مطران راس العز سقم المعــادين = كـم راس شيـخً من مــتونه بتـرها
افعالهم عاده على العز ضارين = كـم ربعـوا بـديـار شيـخٍ عـمرهـا
غـصبً رعيناها ولاهم براضين = بحد السيوف وروس علـوى فخرها
وكم من شيوخً با القبايل عزيزين = من فعلنا عافت منازل ديـرها
حـنا ليا قـلنا على الخلـق وافـين = وهـبـه من الله والفعـايل قـمـرها
عطيت موجز عن فعول الميامين = تعـبـيـر للي هـرجتـه ماقـصرها
لاصرت كلي طيب ماارضى الرديين = اهل الهروج التافـه من بشرها[/poem]