القصائد هن بنات فكر الشاعر يغير عليهن ويعاملهن كما يعامل الاب بناته
واحيانا كالزوج لزوجاته
احيانا يحب احدهن واحيانا يفضل واحده على الاخرى
من قصائدي ما احب ومنها ما اعشق حتى ولم تكن جزله لترتقي لمسامع من القي اليهم ببنات فكري
ولكن هذه القصيده قريبه مني وتوضح سياستي في تقبل الامور
وتوجهي بوزن الامور حتى وان كانت من غير اختصاصي
اسميتها
البارحه يوم الاوادم خواشيع
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
البارحة يـوم الاوادم خواشيـع=مامسيت بفراشي رقيت العوالـي
قمت اتذكر ماضيـت الموانيـع=قبل الاباحـة بالحـدود الاوالـي
اسودنا صارت تيوس ومراييـع=بعد المعزة صارت تذل وتوالـي
بعد الشبع صرنا عليها مجاويـع=صرنا على البطنات ننو الرحالي
أقصى امانينا ضحت بالمرابيـع=وين المراع يصير ياهل المعالي
ياليتنا قبـل المهونـه مصاريـع=ولانشوف اللي يقـود الرجالـي
يم النعيـم بعينهـم هالمشافيـع=اللي على الليرات ترخى الريالي
عملاتنا بالدون والـدون مابيـع=ينزل وننزل شامخات الجبالـي
قالوا تراجع قلت مهنا مراجيـع=شي على وضح النقاء ما أبالـي
ضاعت عقول الناس والله ماضيع=لين اقتنع عما ضميري حكالـي
قالوا قفل بالحكم ممنـوع تربيـع=قلت اربعه تسجيل لجل الوفالـي
قالوا تطير وقلـت بـاي تشريـع=العب على الفطره جزوعن موالي
والزابله سـان الاوادم خواشيـع=بصيح باعلى الصوت واعزتالي [/poem]
[align=center][table1="width:95%;"][cell="filter:;"][align=center]اخوي لاهنت على الطرح كم استمتعنا في قراءت متصفحك ونزف قلمك الحر المسلط
اخوي الله لايحرمنا تواجد الاقلام المبدعه والمتالقه في صفحات وطيات بعد حيي
كم تغمرني الفرحه عندما اشاهد موضوع قام في كتابته او طرحه شخصك الكريم
اخي الفاضل انا لي طلب وليس طلب بل رجاء انك لاتحرمنا نزق هاذا القلم الحر
بين اركان منتدانا
استبيح العذر من شخصك على اطالتي
وكل الشكر لك وتقبل مروري
اخوك ومحبك
قناص الشمال[/align][/cell][/table1][/align]
اخوي قناص الشمال غمرتني بذوقك العالي
وانت ما ترجو ولا تطلب انت تامر امر
تاكد اني اسعى ان اتزل قصيده كل اسبوع
لكي اجد رضاك ورضى متذوقي شعر بعد حيي
وستكون قصائدي الجديده
حصريا لمنتداي الذي غمرني اعضاءه ومشرفيه بكرم الضيافه
منتدى بعد حيي
شكرا لك ان اتحت لي المجال لانثر قصائدي الجميله والاقل من جميله
عند اعضاء كلهم جميلين بردودهم وتذوقهم
قناص شكرا لمرورك
واكرر
تامر امر يالغالي ما طلبت شي
وصح الله بدنكم الجميع
وما دمت اجدكم على متصفحي
اعلموا اني بخير وبالي مرتاح
وان شاء الله تكونن معي دائما بتواجدكم وردودكم الفعاله والمحفزة
اتمنى الا تغيب اقلامكم عن التعليق على قصائدي لانني احسبها
شهادات واوسمه على صدري
العضو الأكثر نشاطاً هذا اليوم 
العرض العادي
