لو شافك غرير ....

يارب تعجبكم

صباح النـور يـا ورد ٍ.. زهـا فـي غصنـه الممـدود
صباح النسمة اللـي مـن شذاهـا . فاحـت عطـوري

صباح الفل يـا غصـن ٍ . تلاعـب بـه هبـوب النـود
صبـاح النـور يـا بـدر ٍ ... زهـا مـن شـدة الـنـوري

صبـاح الطيـر ... إذا غّـرد بلحـنـه والعـبـاد رقــود
صباح المهرة ... اللـي تنعسـف والشعـر منثـوري

صبـاح الـود . يـا طلعـت رضيـع ٍ ... توهـا مولـود
تغشّاهـا ... بوجنتهـا جـمـال الـزيـن .. والـحـوري

صباح الورد يا قطرة نـدى .. حطـت علـى العنقـود
وهلـت دمعهـا .. مـن عالـي الأغصـان .. منثـوري

صباح الخير يا شمس ٍ .. بدت بين الغيـوم السـود
كما عذراءً زهت.. بحجابهـا .. والجسـم مستـوري

أنا جيتـك ... وأنـا كلـي ولـه .. بالخافـق الموعـود
بتعذيـب الفـراق ... وكلمتيـن ٍ تجـرح .. شـعـوري

أبا أصبّح عليـك .. بريحـة الكـادي .. ودهـن العـود
صبـاح ٍ بالذهـب فـي صفحـة التاريـخ . محفـوري

أروّض قلبي اللي .. فـي غرامـك .. بـاذل ٍ مجهـود
وأهّدي ثاير العبـرة .. حسـب عرفـي .. ومقـدوري

ترى راعي الهـوي مـا يلحقـه .. عيـب ٍ ولا منقـود
على وضح النقـا قلبـه ... بحـب البيـض مجبـوري

كفاني ما جرالي .. مـن تباريـح الغـلا .. المجحـود
سهر ليل .. وشقا عين .. وطوال الوقـت مقهـوري

على هاللي حصل واللي بيحصـل مـن عذابـي زود
أقـول إن الصبـر طيـب .. ولـو هـو زاد مخسـوري

فراقك هم .... تبكيـة العيـون ..... وخافـق ٍ ملهـود
وشوفك عيد إلا منّـه حصـل لـي صـرت مسـروري

عذابي من عيون ٍ .. رمشها فـي حـده ... المحـدود
أشوف الموت إلا أغضت داخل النظرات محشوري

ألا يـا فتنـة العـشـاق .... آيــة .... ربــي المعـبـود
تجلّت صنعته .. وأثنـي عليـه الحمـد .. مشكـوري

أحبك .. يشهد اللة .. والليالـي .. والدمـوع شهـود
أخـاف الحـب يظهرنـي .. إلا مـن زاد عـن طـوري

عليّه حلف !! لو شافـك غريـر ٍ فـي المهـد ممهـود
نطق لـك .. يذكراللـة مـن جمـال ٍ فيـه .. مبهـوري

ولـو شافـك قمـر شـوال .. ليلـة عيـده ... المعهـود
يغيب ... ويجبـر العالـم تصـوم اليـوم .. بالـزوري


اهداء خاص لـ ............ للجميع ههههههههههههه




اخوكم /ال ساري






;)

صباح الفل يـا غصـن ٍ . تلاعـب بـه هبـوب النـود
صبـاح النـور يـا بـدر ٍ ... زهـا مـن شـدة الـنـوري

هلا وغلا اخوي الساري صح لسانك يالغالي وسلمت يميـنك ولا هنــت

قصيــده جـزلـة من شاعر جـزل سطر معـانيهـا بقمـة الاحســاس

تسلـم أخــوي وننتظــر جــديــدك

أخـــوك
نزفــ المـشـاعــر

اخوي ال ساري


صح لسانك أولاً





قصيدة من اروع القصايد الي مرت علي بحياتي




صح لسانك صح ذوقك

وصحت مشاعرك


ورب يانت شاعر خيالي


وانا حاولت ابين لك مدى اعجابي في القصيدة

لكن خذلتني حروفة

وانا اشهد انك شاعر بكل تعنية الكلمة


مع ان شهادتي فيك مجروحة بسسس وش اسوي







وبصراحة القصيدة بمجملها عظيمة وكانت تكفيك ذي البيتين عشان تدل على عظامتك

عليّه حلف !! لو شافـك غريـر ٍ فـي المهـد ممهـود
نطق لـك .. يذكراللـة مـن جمـال ٍ فيـه .. مبهـوري

ولـو شافـك قمـر شـوال .. ليلـة عيـده ... المعهـود
يغيب ... ويجبـر العالـم تصـوم اليـوم .. بالـزوري




(مع احترمي )


أخوكم / صبر الجروح

يسلمكم ربي يالغالين نزف وصبر الجروح على مروركم العزيز على قلبي



الف



الف


الف شكر نزززززززف الغالي


الف الف
الف شكر صبر الجروح وعارفين اللي عندك يالغالي


ربي يوفق الجميع يارب


اخوكم ال ساري