قديش تخدعني المظاهر ولااتوب
ماكنهامرّت عليّ التجاريب
كم واحدٍ يعطيني الهرج مقلوب
واناإعتبرته من خيار الأصاحيب
الفرق بين الناس في عقول وقلوب
واسرارهم يعلم بها عالم الغيب
العين ماتكشف لك اللي ورى الثوب
كلٍ يظن ويخطي الظن ويصيب
اللي يودّك مايرى فيك عذروب
واللي شناك يحط فيك العذاريب
إن كان ولينك من العقل موهوب
لاتستمع لمروّجين الأكاذيب
كم من حديثٍ قد لقيناه مكذوب
على النبي اللي منزّه عن العيب
العبد في دنياه غالب ومغلوب
والعمر جاري والليالي دواليب
يجمع مع الأيام حسنات وذنوب
والستر ظافي والعِبَر بالعواقيب
إصبر على الدنيا ترى الصبر مطلوب
وإستخدم الحكمه وحسن الأساليب
وإحذر تلجّ عواك في كل عرقوب
محدٍ بقايل وش مسرّيك ياذيب
ولايعتريك الهم والرزق مكتوب
مضمون لك مافيه شكٍ ولاريب
كثر الطمع يدفعك راضي ومغصوب
للبخل والعزله وترك المواجيب
والنفس لاتارد على كل مشروب
حتى تورّدها لصافي المشاريب
لاتندفع معها ورى كل محبوب
وتعلقك في حبال الآمال وتخيب
الناس قالوا كل ممنوع مرغوب
والعاقل اللي يشغل النفس بالطيب
وإلياإمتطيت من الجهل كل مركوب
ضاعت سنين العمر من غير ترتيب
إن كان ماتحسب ترى العمر محسوب
في كل يومٍ تطلع الشمس وتغيب
ولابد تطلع فيك ميزات وعيوب
واقبح عيوب الرجل عيبٍ على شيب
//
عبدالله الطلحي
اعجبني فنقلته لكم..!!
العبد في دنياه غالب ومغلوب
والعمر جاري والليالي دواليب
يجمع مع الأيام حسنات وذنوب
والستر ظافي والعِبَر بالعواقيب
إصبر على الدنيا ترى الصبر مطلوب
وإستخدم الحكمه وحسن الأساليب
الله الله
على الذوق
وربي ابيات تحمل الحكمه
صح قلبك ولسان قائلها
إن كان ولينك من العقل موهوب
لاتستمع لمروّجين الأكاذيب
كم من حديثٍ قد لقيناه مكذوب
على النبي اللي منزّه عن العيب
العبد في دنياه غالب ومغلوب
والعمر جاري والليالي دواليب
نــــور الدنيا
صح الله لسانك وسلمت لنا
ذائقتك على هالنقل الجميل
والرائع
قصيده مميزه لماتحتويه من تجربه شخصيه
لشاعر مبدع مثل عبدالله الطلحي
أأأأأأأأأأأأأألف شكر على نقلك الراقي
دمتي في حفظ الله ورعائته
العضو الأكثر نشاطاً هذا اليوم 
العرض العادي
