ظاهرة الثياب المطرزة

في الفترة الأخيرة ظهرت الثياب المطرزة للشباب ..
باختلاف أنوعها وألوانها ..
منها الملفت والصارخ وقد يكون قريب من الثياب النسائية ، ومنها الخفيف الهادئ ..
البعض يعتبرها ضرورية تماشياً مع الحضارة .. مع تطقيمه نفس التطريز لشماغ أو الغتره !
حتى أصبحت المسألة تنافس بين الشباب في الموديلات .. ليظهر بأبهى صورة .
والبعض ما زال محتفظ بالشكل التقليدي المعروف ..

هل أنت مع التطريز الخفيف أم الكثيف ..؟
أما تعتبرها ظاهرة دخيلة وترفضها بتاتاً ..؟ حتى لا يفقد الثوب السعودي أو الخليجي رونقه ..؟


{ بقلمي

الله يسعدك هايدي سلمتي وسلم قلمك

طرح نشاهده بوقتنا بكثرة

انا بصراحة ضد هذه الثياب وعتبرها دخيله علينا ووغير لائقه لرجل يعني مافرقت بين ثوب المراءة ورجل

الله يستر كان ماجاء يوم ونلقاء بعض الشباب عند المشاغل يبوون يخيطون ثياب

تسلمي هايدي احترامي

أنا ما أحب النوعية هذي من الثياب

ما فيه أحلى من الثوب العادي .. بعيداً عن التقليد

لأن بعض الشباب .. ماخذين المسألة موضة .. وتلقينهم مو مقتنعين باللبس

بس مع الخيل يا شقراء

وفي الأول والأخير ( هي قناعات شخصية )


أخت هايدي .. شاكر لك هذا الطرح الرائع

موضه دخيله من الجوار اعتقد شي عادي
للرجال بشرط يكون تطريز ابيض من لون الثوب

مشكوره هايدي

هايدي

يسلمووو على هالموضوع


بالنسبة لي ماتعجبني ابد ومافي احلى من الثوب العادي شيك واناقة

تحية عطرة

انا اشوفها غير مناسبه بصدق
حتى شكلها يوحي الا غير الرجوله

كل يوم موضه جديده وغريبه والله يستر من الجاي
شكرا هايدي على روعة موضوعك ويعطيك العافيه

هي جت على الثياب المطرزه بس هالحين قصات وصبغات وامور كثيره يعجب منها العقل

على قولة هلالي مع الخيل ياشقراء

يازين الثوب التقليدي المعروف وميلة العقال الشماليه << بدت الحميه

هيوده

يعطيك العافيه يالغاليه على طرحك الرائع

ودمتي بحفظ الله..

ما أدري ..
أحس اني محايده ..
بالبدايه كنت رافضه تماماً هالفكره ..
لكن يوم قريت الردود كأني غيرت رايي

أنا أقول لك ليش ..
أنا رافضه لها بحكم التشبه ..
سواء بالنساء أو بالغرب ..
و بعدين احسها شبهه يعني شوفوني لابس ثوب مختلف عنكم !!!
لكن بنفس الوقت ..
أحسها من انواع الزينه المشروعه للرجل ..
بحكم إنه ما ورد نص صريح بتحريم التطريز و الألوان بالملابس الرجاليه ..
لكن أرجع و أقول إنه يمكن يدخل تحت ذريعة التشبه ..

ما راح أفتي لكن باعطي رأيي الشخصي ..
أنا 70% رافضه للفكره ..
و ما راح أرضى أشوف أخواني يلبسوها قدامي ..
مع أنهم رافضينها قطعياً ..
لكن بنفس الوقت ما لي حق أمنعهم لو بيلبسونها ..!!!
و أرجع و أقول أنا محايده بالموضوع ..

بس الثوب التقليدي وش فيه ؟؟
ما ناقصه شي أناقه و ما عليه كلام أو خلاف ..
ليش الواحد يجيب الشبهه لنفسه ؟؟!!!

كل الشكر اختي على طرحك القيم والواقعي ..
و لي عوده بالتأكيد إلى هنا ..
تسلم يمينك يا غاليه ..

* النوووفي *

من ناحية رفضك لها طبعاً ما آقدر آناقشك بهالنقطة .. لأنها حرية شخصية
لكن إذا كان التطريز خفيف بيفرق بينه وبين ثوب المرأة << وجهة نظر : )

آما من ناحية اتجاه الشباب للمشاغل النسائية والله مو مستبعدة ..
خاصةً إلا تطريزهم مغطي نصف الثوب
وأشكالهم لا توحي بهيبة الرجل ..


ربي يعافيك .. لروووعة حضورك .
كل الشكر لك ..

* هلالي *

طبعاً نفس الشي رفضك لها حرية شخصية ..
لكن المشكلة لو يلبسوها بدون قناعة ..
فقط مع الخيل يا شقرا

أسعدني حضوورك العطر ..
كل الشكر لك ..

* نسيم الروح *

إذا كان التطريز خفيف بلون الثوب .. أفتح أو أغمق بدرجة ..
ما أرفضها ..
مدام ما فيها تشبه بالنسوان ..
يعني المسألة عادية أشوفها . << وجهة نظر : )

أسعدني تواجدك الراقي ..
كل الشكر لك ..

* لين *

ما عجبتك وجهة نظر احترمها ..
بس ..
كمان المطرزة شيك وأناقة إذا كان تطريزها خفيف

أسعدني حضورك الجميل ..
كل الشكر لكِ ..

* بنت الرمال *


وجهة نظرك غير مناسب .. احترمها .
بس مو لدرجة إنها تحوي لغير الرجولة ..
بالعكس إذا كان خفيف وبدون آلوان صارخة ..
آشوفها عادية وما تمُس برجولتة .

أسعدني حضورك الطيب ..
كل الشكر لك ..

* سهوره *

صدقتي .. الله يستر من الجاي ..
بعض الأشياء ممكن تكون مقبولة ..
بس بعضها ينرفز وخارج عن الحياء ..
خاصةً إذا ظهر بمظهر النسوان ..

أسعدني حضورك العطر ..
كل الشكر لكِ ..