بقشة انوار تستاهل بؤكم( حلى قهوه)

السلام عليكم ورحمة الله وبركاته

يا الله اول مره انزل وصفه بقسم الطبخ احسن اني بقمة السعاده صرت طباخه ماهره

,,, حلى البــقــشه ,,,

هو حلى قديم يوم كنت با المتوسط بس مدري وش خلاني ها السنه ادخل المطبخ وااستعيد مجدي السابق === قولي شغالتكم هاجرت هههههه

بصراحه حلى ممتاز مع القهوه وخصوصا قرب رمضان ونحتاج للسكريات اكثر


... فيه مقادير اقتبستها من النت هنا بس لما طبقتها لقيت فيها نواقص وانا اضفتها من عندي عشان تضبط العجينه ...

,,, المقادير ,,,

يالله بسم الله نبدا

العجينه (علبة قشطه +ملعقة خميرة فوريه +كاس طحين ابيض ) === اضافتي ميكنج بودر ملعقه واحده + ربع كوب ماء

مافيه داعي نحط سكر لاننا راح نغطيها با الشيره او حسب الرغبه ممكن تضيفي سكر للعجينه

الحشوه(جبنه كيري مقطعه مربعات صغيره يعني اربع ارباع)

الشيره العاديه سكر وماء

,,,الطريقه,,,

# نعجن المقادير الخاصه بالعجينه مع بعض مع اضافة شوي طحين ان لزم الامر حتى تتماسك العجينه وحسب نوع القشطه لديك

( لازم تكون العجينه متماسكه بقوه عشان نفردها بشكل صحيح ونقدر نشتغل عليها)

....ونتركها بعدها مغطاه لمدة نصف ساعه ترتاح......................صور ه توضح شكل العجينه








#نقسم العجينه الى اقسام حتى تسهل عملية الفرد ...ناخذ كل جزء ونفرده على حده بسماكه لاتزيد عن 2 مل تقريبا لان مانبغى العجينه تصير رقيقه مره ولا سميكه مره تكون سماكتها معقوله
.بعدها نجيب القطاعه الدائريه الخاصه بالعجين او كاس حتى لو عندك ويكون حجمه معقول نفس حجم كاس الشرب العادي

..وهذي صوره توضح شكل العجين بعد الفرد وحجم القطاعه








#ناخذ كل دائره ونضع فيها من حشوة الكيري بهذا الشكل






# حتى يكون لدينا شكل البقشه نبدا بقفل العجينه من النص بهذا الشكل



#بعدين نقفل الجهه المقابله بهذه الطريقه





# واخيرا نلم الاطراف كلها على بعض ونحاول نزممها قدر المستطاع حتى يتكون لدينا هذا الشكل مع الضغط
على منطقة القفل حتى مايفتح معانا وقت القلي ونحنا نقفل نكون مثبتين العجينه على قاعده خشبيه او اي سطح
اخر وهكذا حتى تنتهي الكميه اللي عندك كلها



.وهذا الشكل النهائي بيكون بعد الانتهاء من اللف





#ملاحظه (كل مالفيتي كميه قليله وقبل ان تكملي فرد باقي الاجزاء ضعيها في صحن وضعيها في الفريزر
حتى تتماسك العجينه سريعا وهكذا مع بقية الاجزاء جزء جزء ) طبعا بعد الانتهاء من الكميه كامله توضع
كلها في نفس الصحن وهي جامده تقريبا وتترك لتجمد ساعتين عالاقل او اعمليها قبل بيوم واتركيها بالفريزر
ضروري هالخطوه انها تجمد حتى تسهل القلي وتحافظ عالشكل


# ثم توضع في زيت عميق ومتوسط الحراره وتقلب بحرص من جميع الجوانب حتى يصير

لونها ذهبي فقط ثم نصفيها من الزيت وتترك لتبرد








# نضع الشيره عليها وهي في صحن عادي او عميق





توضع كل حبه في الاوراق الخاصه بالتقديم وترص
في صينية التقديم او الصحن المخصص وتقدم في نفس الوقت تقريبا
(يفضل ماتطول كثير يعني بالكثير قبل التقديم بساعه او بساعتين تكوني قليتيها وخالصه )


وهذا الشكل النهائي عند التقديم








وباالهنا والعافيه عليكم


,,, وكل عام والجميع بخير ,,,

يسلمك ربي ويعافيك انوار الشمال
ماقصرتي ياغاليه
خطوات سهله
واكيد لذيذه

أنوار الشمال

ياهلابالبقشة وصاحبة البقشة نورتي القسم

عن تجربة طعمة لذيذ ومقرمش

سلمت الآيادي يالغلا

يعطيك العافية

جود

فعلاً
هلبقشه
طعمها روووعه
أنوار الشمال
تسلم يدينكـِ
والله يعطيكـِ العافية

هالبقشه ادمان عليها برمضان العام

انا راح اطبقها هالمره بطريقتك ياانوار

الله يسلم يدينك ولا يحرمنا من جديدك

اقتباس: المشاركة الأصلية كتبت بواسطة سها    يسلمك ربي ويعافيك انوار الشمال ماقصرتي ياغاليه خطوات سهله واكيد لذيذه

يسلموووو على احلى مرور ربي يسعدك

اقتباس: المشاركة الأصلية كتبت بواسطة جــــود    أنوار الشمال ياهلابالبقشة وصاحبة البقشة نورتي القسم عن تجربة طعمة لذيذ ومقرمش سلمت الآيادي يالغلا يعطيك العافية جود

هلابك زووود يا الغاليه النور نورك تسلمين والله

اسعدني حضورك الراقي والعذب ثنكيووووووو

اقتباس: المشاركة الأصلية كتبت بواسطة مناهي    فعلاً هلبقشه طعمها روووعه أنوار الشمال تسلم يدينكـِ والله يعطيكـِ العافية

هلا باختي الغاليه ,,, مناهي ,,,

الله يعافيك يارب اسعدني حضورك جدا ربي يسعدك

اقتباس: المشاركة الأصلية كتبت بواسطة يسويهاالبخت    هالبقشه ادمان عليها برمضان العام انا راح اطبقها هالمره بطريقتك ياانوار الله يسلم يدينك ولا يحرمنا من جديدك

...ربي يسعدك ويعافيك اسعدني حضورك يا الغاليه ...
ولايحرمنا ربي حضورك تسلمين

..واااو اممممممممم اشتهيتهاا متى يجي رمضان
كل الشكر لك غلاتي ما قصرتي
تقبلي مروري ...

[align=center]


انوار
ماشاءالله عليك
طباخة ماهرة
اشكرك على البقشة
وتم الحفظ لحين الحاجة


[/align]

,,, عروبه ,,,


,,, نور الدنيا ,,,


اسعدتوني حيل بحضوركن الغالي ربي يسعدكن ويوفقكن

تسلم يدينكـ انوار
من يد مانعدمها
الله يعطيكي العافيه
وننتظر طبخات منك جديده