اعذروني فاض همي .. واشتكى قلبي وناح
اعذروني لا تلوموني .. بياض الشيب لاح
عقب خلاَّن الشدايد .. عطرهم بالمسك فاح
عقب ما زانت ليالي .. وارتوينا بالجراح
يا طيور الوقت نوحي .. لا تغنِّي بارتياح
ضاقت الدنيا ومالي .. في مغانيها مراح
من يلوم اللي غريق .. في بحوره ما يعوم
من يلوم اللي كسير .. غيَّرت حاله سقوم
آه يا دنيا العجايب .. كم تساقينا سموم
آه يا دنيا العجايب .. ذي حلاها ما يدوم
اعذروني يا رفاقه .. عقب شدِّيت الرحال
اعذروني لا تلوموا .. سال دمع العين سال
سالت العبرات مني .. في كنين الهم جال
ما على الدنيا حسوفه .. يا صناديد الرجال
سِعد من نال الشهادة .. من نعيم الخير نال
في جنان الخلد داره .. يكرمه رب الجلال
في جنان الخلد يسرح .. مع رقيقات الدلال
يهتني بالحور دايم .. يهتني بأحلى وصال
لو تمنى ما تمنى .. من نعيم الخير طال
سِعد من نال الشهادة .. سِعد من وفّى ونال
العرض العادي
