{ مدخل ..
عـلـمـتني وشــلـون احـــب
عـلـمـنـي كــيـف انــسـى
يـابحر ضـايع فيه .. الشط والمرسى
عـلـمـتني وشــلـون احـــن
عـلـمـنـي كــيـف اقــسـى
سير علي .. بس امسح دموعي وروح
سير علي .. جب لي معك قلب وروح
سـير عـلي .. اذا تـذكرت الجروح
.
..
.
السلام عليكم ورحمة الله وبركاته
مساكو وصبآحكم غير :حب:
فـَ من ديوآن طلآل الرشيد الله يرحمه :حب:
: )
أتمنى ينآل إعجآبكم
تـعبت أرحـل مع وجيه البشر بـ انساك بالترحال
و لا ادري وش يـجيبك في وجيه الناس و اهلّي
مـا يجرح الصادق الا غدر من يامنه
لا جت من احباب قلبك لا تلوم السنين
امس افترقنا وانا احسب مرت اول سنه
يـا طـولها لـيلة الفرقا سنة للحزين
عـلمتني كـيف اعرفك لين صرت اجهلك
ضـيعتني فـي مـتاهاتك وكنت ارتجيك
حـبـيب الاحـلام يـابعدك ويـامقربك
حـرام يـكفي تـبعثرني وانـا احـتويك
ان شـفتك بـحلم صـدقته وانـا اتوهمك
وان شـفتك بـعلم كـذبته الـين انتشيك
اخـاف اغمض عيوني وان رمشت افقدك
واخـاف افـتح وتـصبح حلم ولا التقيك
بـــس طـيـفك مـاتـركني
ظــل سـاكـن تـحت جـفني
كــــــان وافــــــي
كــان يـذكر .. وانـت جـافي
انــــــت ويـــنــك ؟
كـان هـذا الـفرق مابيني وبينك
جـيـتـني تـشـكي الـزمـن
وجـيـتـك أبـــي أدفـــى
لـقـيت فــي قـلـبي وطـن
ولـقـيـت بـــك مـنـفـى
ترى اصعب الموت موت يذبحك كل يوم
واصعب حياتك تعيش وانت جواك ميت
أوآه يـا طـول عمري لا حسبت الهموم
يـا كـني اكبر من الدنيا ولا قد شكيت
لـيتك بـعمري ثلاثة اشخاص ماملّك
واحـد معي دوم وواحد روحي يملاها
والـثالث بـجفن عيني لا فقد حسك
او غـمض الجفن جاني فيك يتباهى
مـو بـس احـبك انا والله من حبك
احـب حتى ثرى الارض اللي تطاها
حكيت و مالقيت من الحكي الا الندم موّال
سكت و مت بالحسره و لا ادري و شهو احسن لي .!
.
..
.
مخرج .. }
يــا جـرح مــن ويــن ابـتـدي
وانـــت مـعـي مــن مـولـدي
وعـيت يـدي .. عـلى وداعك تهتدي
بـــس انــت عـلـمني الـجـفا
دامـني عـجزت اعلمك .. كيف الوفا
علمتني كيف السهر .. ونسيتني الممسى
العضو الأكثر نشاطاً هذا اليوم 
العرض العادي
