بنت الاكارم

[frame="4 80"][frame="4 80"][frame="4 80"][frame="15 80"][poem=font=",7,skyblue,normal,normal" bkcolor="black" bkimage="" border="solid,10,teal" type=2 line=0 align=center use=ex num="0,black""]



يالوف قلبي لوف زرعٍ بعاصوف= داسه هماليل المطر دوس باالقاع

قبل الحصاد من البرد جاه راجوف= طاحة سنابلها على الارض وقاع

راعيها يصفق من الظيم بكفوف= واصبح يدوج لاشرابه ولاباع

يالوف قلبي لوف ريحٍ لشفشوف= اللي نحتها مع مدى الوقت ذعذاع

هوا الشمالي مودعٍ صلبها جوف= مع الزمن خلا تجاويفه انواع

عليك ياللي مابعد شفتها شوف= الا انها داخل هنى بين الاضلاع

نشدت عّنه قالو الخصر ملهوف= والعين عين اللي على الجول طلاع

ممشوقةٍ كله مزابير وردوف= خلخا لها حس القطى يوم ينزاع

اليا ابتسم باللي كما الدر مرصوف= قامة تلاالا بين اشافيه لماع

عنق الفريد اللي رتع كل حجروف= قفره عقب مزن الحيا له تمرياع

ابوجديلٍ فوق الامتان منسوف= احبال دلوٍ جابة الما من القاع

الله وامانه به على كلهن نوف= ولا يزعل الصدق المرصع باالاسناع

عليه قلبي تقل يمزع من الجوف= في كف قرناسٍ عصابه ولا طاع

راعي رموشٍ لارماحٍ ولاسيوف=صواقعٍ ظوحه شعق قبل صرقاع

يغضي بهن طرفٍ تقل دوم مطروف= من الحيا كنه عن الناس بقناع

اخفى جماله خلف شالٍ ونفنوف= بنت الاكارم نومسه حلو الاطباع

وانا لواني بالطواريق مكشوف = عشرة نقى مالي بها قصد واطماع

يالوف قلبي لوف شوبٍ لقفقوف= لاعه سموم القيض من عقب مرباع

عليك ياللي بين الاقراب معروف= من منهل العقيل صوعه بلا صاع

هنيت من ياصل هوا البال ويشوف= من شان اريح خاطري واقضب القاع[/poem][/frame][/frame][/frame][/frame]

ابن طواله

تشرفت أني أول من يعانق هذه الفاتنه

قصيده رائعه على الطرق القديم الجميل
والاحساس الفريد المميز
شاعريتك رائعه واحساسك رائع

صح لسانك مليون ولايسدون

ياليت من ياصل هوى البال ويشوف=من شان اريح خاطري واقضب القاع

متعب الفارس

فارس الديوان والميدان

لاوالله ياخو اصلفه اقضب القاع

صح الله لسانك على هذه الجميله من بدائع ابوفارس

تحمل ريحة الهيل والاصاله البدويه

مفردات من قلب الصحراء

لايشوبها التمدن او التحضر

بيئة البداوه والنقاوه

تقبل مرور اخوك وتحياته

عليه قلبي تقل يمزع من الجوف

في كف قرناس عصابه ولاطاع

صح لسانك يابن طواله

روعه روعه يسلمك ربي متعب الطواله
سلم راسك واحساسك
على القصيده الشامخه
عساك دوم شامخ يارب

صح لسانك مليون

ررررايع يعطيك ألف عافية قصيده محبوكه موزونه مميزه مشكور الف شكر
لشخصك الكريم

عشت عشت ويلبسك العافيه
على هالشامخه
ابدعت والله
تقبل مروري واعجابي

نشدت عّنه قالو الخصـر ملهـوف

والعين عين اللي على الجول طلاع

ممشوقـةٍ كلـه مزابـيـر وردوف

خلخا لها حس القطى يـوم ينـزاع

لله درك
لله درك
لله درك
بيض الله وجهك على القصيده
ننطر جديدك لاتحرمنا

دمت مبدع ودام قلبك نابض ..
تقبل شكري وتحياتي

رائع والله
صح الله لسانك على هذه الجميله

اقتباس المشاركة الأصلية كتبت بواسطة احس احساس ابن طواله تشرفت أني أول من يعانق هذه الفاتنه قصيده رائعه على الطرق القديم الجميل والاحساس الفريد المميز شاعريتك رائعه واحساسك رائع صح لسانك مليون ولايسدون

كل الشكر والاحترام لك اخي الكريم على تواجدك وتشجيعك لي ممنون
تحيتي وتقديري لشخصك الوافي
اشكرك

اقتباس المشاركة الأصلية كتبت بواسطة علوش الشمري ياليت من ياصل هوى البال ويشوف=من شان اريح خاطري واقضب القاع متعب الفارس فارس الديوان والميدان لاوالله ياخو اصلفه اقضب القاع صح الله لسانك على هذه الجميله من بدائع ابوفارس تحمل ريحة الهيل والاصاله البدويه مفردات من قلب الصحراء لايشوبها التمدن او التحضر بيئة البداوه والنقاوه تقبل مرور اخوك وتحياته

لاوالله ياخو اصلفه اقضب القاع
ههههههههههههههههههه
مشكوووووور اخي علوش تواجدك اسعدني الله يحفظك
كل الشكر والامتنان
دمت بخير

اقتباس المشاركة الأصلية كتبت بواسطة شمرى حايل عليه قلبي تقل يمزع من الجوف في كف قرناس عصابه ولاطاع صح لسانك يابن طواله

هلا بحايل واهل حايل عزيز ومن دارٍ عزيزه الله يخليك
دمت بكل خير
اشكرك

اقتباس المشاركة الأصلية كتبت بواسطة منذر روعه روعه يسلمك ربي متعب الطواله سلم راسك واحساسك على القصيده الشامخه عساك دوم شامخ يارب

اشكرك جزيل الشكر منذر على تواجدك المشيد لاهنت يابعدي
كل الشكر لشخصك الرائع
تحيتي وتقديري