[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يارخص هالدنيا بعين اللي عشقك ويا غلاك=يعيش بعضي في هواك .. وميتً فيك اغلبي
أنا وبارد قهوتي .. من أمس وحنا في حراك=وهذا الرماد اللي تشوف البارحة كان حطبي
بـأورد مغاتير الوله عدكّ واقول أطفي ضماك=وليا أرتوت قلت ارجعي يمـّه وعلّي وإشربي
حيـل الله أقوى كلـّما أقفيت ناداني هواك=وان جيت تجفل مثلما يجفل من الزول الظبي
بلاي يجبـرني هواك اتحملك وادمح خطاك=وأعذرك والاّ اغلب معاذيرك لها وجه غبي
من نور وجهك كنّ شمس الكون تخجل من سناك=ليا شرق نورك .. تساوى فجرها والمغربي
يامتعـب الخطوة عسـاهـا بالعمى عينً تراك=ماتذكر الله ثم تتبعها الصلاة على النبي
ان كان لي مقيال .. مقيالي عيونك ياملاك=وان كان لي مرقاب في نايف رموشك مرقبي
كل لقى حظه وانا .. يالعنبو حظي معاك=خليتني بأقصى العمر طفـل من الشوق يحبي
[/poem]