مـآ آقدر آجلس في مكـآن إنسـآن.. كنتـي تعشقينـه..!

.
.
يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي
والكـلام اللـي بغيـت أقـول .. يحتـاج لـ سكينـه!!

شوفي الركـن البعيـد هنـاك .. كنـه صـدر حانـي
هـذا هـو اللـي يليـق بـ شاعـر و بنـت حزينـه!

أنسـي الشـارع ، وعتمـات الزوايـا ، والمبـانـي
هاتـي يدينـك نلـف الغـيـم و نشـكـل مديـنـه !!

عنـدي الليلـة كـلام و صمـت .. وأخـاف الثوانـي
تظلمه .. أو تظلـم اللـي فيـه كـم ضاعـت سنينـه

بـس لازم تسمعـيـن الـلـي أبــي ولا تـرانـي
لو بـ أعيده لك .. نسيت .. ورحت أقول اللي تبينـه

شي واحد قبل ما أبـدأ .. مـا أبـي أي شـي ثانـي
يخطر فـ بالك .. وأنا أكشف لـك شعـور تجهلينـه!

إن أنا .. وبكـل مـا تحملـه " أحبـك " مـن معانـي
كنت ، وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسـانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هــواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك .. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنـه كـان يمسـح دمعـك .. تزلـزل كيانـي
وكيف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلله .. حظـي رمانـي..
بنفس الاسم اللي يقول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنـا مانـيـب أنـانـي
لو سلمت من الغرق . بـ أمـوت فـي ظهـر السفينـه !

يا إني ما أكمـل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه !

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه

مثـل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه !
.
.
منقول

نـــور الدنيا
دائماً تعجبني أختيارتك الراقيه
أختيارتك تلامس داخلي لحزنك الدائم فيما تأتين به من أبداع وما استغرب هذه الاختيارات لانك تملكين أحساس مرهف
لايختار الا مايحس به
كـــــــل الشكر ياامتميــزه
دمتي ما تحبين

أشعـر إن عيونـك .. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنـه كـان يمسـح دمعـك .. تزلـزل كيانـي
وكيف كـان يلـم شعـرك .. ويتبعثـر فـي يمينـه

الله عليك
وربي قمهـ

سلمتِ وسلم نبضك

صح لسان الشاعر
قال وابدع ..

استاذتي نور الدنيا
ذائقه رفيعه واختيار موفق
مودتي

لله درك على التميز
وسلم قلبك وفكرك والاحساس
والنقل الرائع

تقديرى لك واحترامى

نور الدنيا

..قصيده رائعه
لآآ هنت ع الطــرح الرآقي والانتقآء المميز
كعادتك مع الابدااع والاحساس الجميل
دمــتِ بسعاده

مشكورين الجميع على مروركم الذوق
الله يسعدكم وعن مايغث البال يبعدكم

نور تسسلمين على الموضوووع الحلو والكلماات الأحلآ

اقتباس مثـل مـا أكـره فكـرة إنـه واحـدٍ ياخـذ مكانـي ما أقدر أجلس في مكـان إنسـان.. كنتـي تعشقينـه !

نور اطيب المُنــــــــــــى لروحك...ولذوقك الراقي ..
كل التقدير لشخصك ِ الكريم ..
.