قصيدة قوية عن الفراق !!!

قصيدة قوية عن الفراق !!!

عقب البطا لاقيت ظافي الجديلات = ياليتنا عقب البطا ماالتقينا

سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


الــــــــــــــــــجزء الثــــــــــــــــــاني


تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات


حيييييييييييل راقتلي..

اقتباس ياليتنا عقب البطا ماالتقينا

أعوذ بالله هذا حقد ماهو حب اللي بينهم!!

فعلآ قصيدة قويه شكرا لطرحها لنا.

قصيدة قويه

عافاك ربي

اخوي

قصيدهـ قمة بالرووووووعهـ
أبدعتي بالاختيآر وربي

سلمتِ

الحل الصعب
قصيـــده قويه فعلاً عن الفراق
الفراق كلمه يصعب نطقها في كل
الاحوال ولكنه وواقع لابد منه في حياتنا
رأقت لي وعشت معااه جميع فصولهاالرائعه
يبقى الحب شامخ وتبقى الذكري وحتى لو بعد سنين
ماجمله ان تتصادف العيون وفيه من الشوق مافيها
قصائد حركتني بما فيها
كل الشــــــــكر
دمتي بألف خير

جدا حزييييييييينة مليئة بالاسى..



ورائعه بكل تأكيد .

ربي يسعدك على نقلك الرائع
صح كلك

تقديرى واحترامى

سلمتي على الانتقاء الرائع


كل الشكر لك

قصيده مؤلمه عن الفراق

وهذا امره صعب حيل ومؤلم

والله يبعده عنا


ابيات رااائعه صيغت باسلوب جميل

وانتقاء بروعتك وتميزك

دمتِ بهذا العطاء

مودتي

اشكر الجميع على المرور ,,

لاهنتووووووووو..