قصيدة اعجبتني ونقلتها أتمنى تنال إعجابكم
يامحاول ٍ كسـر القلـوب المواليـف
وزرع الشقـا بيـن الوليـف وليفـه
ماغيـر الواقـع نميمـه وتحـريـف
ولا زعـزع الغربـي جبـال ٍ منيفـه
تاصـل حبالـي لوفقـدت المجاديـف
ياريـف قلبـي يـاهـواه وخريـفـه
لك منـزل بيـن الظلـوع المهاديـف
وقصة غـرام فـي خفوقـي طريفـه
ما عاد فيني صبر والصبـر ماعيـف
مغرم وذايـب فـي عيـون عفيفـه
ابدي وعدي فـي طـوال المشاريـف
اللـي علـى غيـر النـداوي كليفـه
واقول بعـد الهـم رحمـه وتخفيـف
واجر صـوت مـن حليـف لحليفـه
واطا الخطر ورسي على شاطي السيف
وداوي جـروح الطعـون العنيـفـه
حب الشرف يثمر مع الوقت تشريـف
والا الردى مالـي بسوقـه وضيفـه
نسمة غـلاك تلطـف الجـو تلطيـف
برق سرى يطـرب فـوادي رفيفـه
عجزت لااحصي فيك كل التواصيـف
يا الماسه اللـي فـي يديـن الخليفـه
مصيونة ٍ عـن عاتيـات العواصيـف
في جـوف زهريـه وقطـن وقطيفـه
العرض العادي
