وعن ظلم العرب وده يقدم للغلط تصحيح

[poem=font=",6,,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]

يقول اللي قضى عمره يخالط نقوة العربان=وعن ظلم العرب وده يقدم للغلط تصحيح
لأن الهرج ما يثبت بلا شاهد ولا برهان=وقصر الـمـهـزلـه يـنـهار عند الفحص التنقيح
ولا يهفي رجال الطيب كذب اللي طبع ديوان =ولاينفـع صريع الـمـوت كـثر الكشف والتشريح
واقول ان العـرب فـيـها عيال العجز والشيبان =ومن حـاول يزيـح الناس يلقى بالعرب زحزيح
ولكن الـذي يضـمن يـفـوز بداخل الميدان =ماهو مثل الـذي لا فاز فاز بركلة الترجيح
واقول اللي يـبـي ينخى يصيح ويزهم العتبان =لو العـتـبان فـي راس الـطويله طـبـحـوا تطبيح
وبـالـفـزعـه فـزايــع يـام من داره ورى نجـران=ولا تاخذ كـتـايبهم عن سيوف الـعدى تصفيح
ونفع الشيخ لربوعه خـذى نامـوسـها الشـعلان =دروع رويـل عن درب الـهوان وكلمة التجريح
وثقل الجـمـع لاسار ابن هادي مع بني قحطان =ومن تمشي مـعه قحـطـان حاز النصر والترشيح
وثقـل الخـطب والقالات ماتـثـقل على الويلان=لهم خـمـسين بالطولات لا سرقــه ولا تشليح
وشيخـان العـرب فيهم عـطـور المسك والريحان=وفيهم من خذى خـتـمـه بلا رخـصه ولا تصريح
واقول ابن العضيبه حـاز تاج البذل والـمـزبـان=وهـو نـقـوة بـنـي مره وشيـخٍ من شيوخ بحـيـح
وكثر القول قبل الفعل مايروي ظمى العطشان=ويغني عن كـثـيـر الـهـرج كـثـر الحمد والتسبـيح
[/poem]