مايقني الهزلات ياكود هلباج

[align=center]

السلام عليكم ورحمة الله وبركاته


الإسائة عندما تصدر من شخص عزيز تدمح
واذا تكررت اخرى تدمح ايضا
ومقابلة الإسائة باالإحسان واجبه
لكن اذا تكررت الإسائه مرات ومرات
لايستطيع المُساء اليه السكوت
لان بعض السكوت عار على صاحبه
عندما طفح الكيل وبلغ السيل الزبى خرجت هذه القصيده موجهه
لشخص ليس بيننا ولله الحمد
.
.
.
[/align]

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] عد المعاني جم . والموج لاهـاج = يخلف مسارات السفـن ويغطاهـا
والبشر يجلى ظلمة الليل بـولاج = والليل يدمـس نوفتـه ويغشاهـا
والارنب الخرساء تسوهج تسوهاج = والبوم فالظلمـاء يـدوي وحاهـا
وراع الردا يبقى على طول منعاج = والطيب لاهل الطيب يبقى معاهـا
والمرجله قمة جبل دونـه سيـاج = والطيبه تصعب على مـن بغاهـا
ياكود رجلٍ توج الـراس بالتـاج = وارقب على شم الجبـال ورقاهـا
ياقوم ياللي صيتكم يلعـج إلعـاج = لاجاتنا العوجـا نعـدل اخطاهـا
لكن ترى كثر الخطا مالـه عـلاج = والناقصه ترجع على من حكاهـا
قلته وانا صدري من الغبن وهـاج = بعض الحكي ضيق عليّه فضاهـا
لو جات من غيرك لها الف مخراج =لكن مثل شـرواك صعـبٍ دواهـا
سندت لك ذودٍ كما صافي العـاج = تقاطـرت يمـك يشـوق سناهـا
ورديتهـا ذودٍ مجاهيـم ونعـاج =تيبس مراطيـب الكبـود بغثاهـا
مايقني الهـزلات ياكـود هلبـاج = وحنا لنا الجزلات نتعـب علاهـا
انا رقيت اعن الوطأ فوق الابـراج = وانته على الرقه تحسب حصاهـا
لي في نواد العز ديـدن ومنهـاج = واشوم عن ناسٍ تدنـس لحاهـا
ياللي على الهزلات سواج مـواج = يمشي على الهزله ويركض وراها
الاوله خذها كما الصـوط كربـاج =والثانية يشويـك حامـي لظاهـا
وشهودها حييـن راجـي وفـراج =شامت ردا يبط الزمـن مامحاهـا
وصلوا عدد ماطاف بالبيت حجاج =على النبـي اعـداد فـج وطاهـا[/poem]

.
.
شعر: نايف بن سند الميموني( ابومشاري)

ملاحظه : هذه القصيده تم سرقتها وتحريفها من قبل احد الاعضاء ولكن الادارة اظهروا الحق مشكورين

الشاعر \ نايف سند
اهلا بك معنا

قصيده رااائعه وجزله

نص يحمل معنى ومعاني وشموخ

فصح لسانك حتى الرضا

ع هذه الشامخه والجزله

طاب مداد حرفك واحساسك

ننتظر جديدك دوما...

ولاااهنت ..

ابداع شاعرنا ابو مشاري
كم هو جميل فكرك وحسك
حروف رآئعه .. مميزه ..
تحمل في طياتها التميز
ورآق لي طرحك
سلم لنا بوح قلمك

نايف



صح لسانك وعلا شانك


قصيده رائعه من شاعر جزل


سلم فكرك وبؤؤحك


ولاعدمناك الغالي


دمت بخير

صح لسانك وعلا شانك

كل عام وانت بخير

الاخ الميموني
حياك الله قصيده رائعه
وبوح عذب
وبعد حيي وادراته
ديدندهم المصداقيه
دوما وابدا
شاكرين لهم ولك

نص مليءٌ بالشجن و الروعة

..
قراءته تسر القلب و تسعده نصٌ جميل و حضورٌ راقي


صح لسانك و جاد بيانك

تحيتي لك

صح لسانك وعلا شانك

.

.

قصيده عانقت السحاب بروعتها . .

.

.

دمت بهذا الحضور ولاعدمنا تواجدك.

.

.

تقبل فائق تقديري واحترامي

اقتباس المشاركة الأصلية كتبت بواسطة على النيه الشاعر \ نايف سند اهلا بك معنا قصيده رااائعه وجزله نص يحمل معنى ومعاني وشموخ فصح لسانك حتى الرضا ع هذه الشامخه والجزله طاب مداد حرفك واحساسك ننتظر جديدك دوما... ولاااهنت ..

اخي على النيه


صح الله حالك واعتلا شانك

والجزاله من ذوقك


لك جل التحيايا

اقتباس المشاركة الأصلية كتبت بواسطة الـ ساري ابداع شاعرنا ابو مشاري كم هو جميل فكرك وحسك حروف رآئعه .. مميزه .. تحمل في طياتها التميز ورآق لي طرحك سلم لنا بوح قلمك

الساري

صح الله حالك واعتلا شانك


اشكرك على هذا التواجد الذي يعني لي الشي الكثير


لك ودي

اقتباس المشاركة الأصلية كتبت بواسطة كبريــاء شـــمر نايف صح لسانك وعلا شانك قصيده رائعه من شاعر جزل سلم فكرك وبؤؤحك ولاعدمناك الغالي دمت بخير

كبرياء شمر

صح الله حالك واعتلا شانك

وتواجدك مهم

لك احترامي

اقتباس المشاركة الأصلية كتبت بواسطة الو1في صح لسانك وعلا شانك كل عام وانت بخير

الوافي صح الله حالك

وكل عام وانت طيب

اقتباس المشاركة الأصلية كتبت بواسطة سعيّدالعمودي الاخ الميموني حياك الله قصيده رائعه وبوح عذب وبعد حيي وادراته ديدندهم المصداقيه دوما وابدا شاكرين لهم ولك

سعيد العمودي

صح الله حالك واعتلا شانك تواجدك مهم بالنسبه لي


والاداره والاعضاء ماعليهم كلام الله يوفقهم لمايحب ويرضى
وهذه الشوايب لاتضر

اقتباس المشاركة الأصلية كتبت بواسطة كلي ظمى نص مليءٌ بالشجن و الروعة .. قراءته تسر القلب و تسعده نصٌ جميل و حضورٌ راقي صح لسانك و جاد بيانك تحيتي لك

كلي ظماء صح الله حالك واعتلا شانك


تواجدك مهم وشهادك وسام

اقتباس المشاركة الأصلية كتبت بواسطة زين)(الاسم صح لسانك وعلا شانك . . قصيده عانقت السحاب بروعتها . . . . دمت بهذا الحضور ولاعدمنا تواجدك. . . تقبل فائق تقديري واحترامي

لاهنت على هذا الاطراء الرائع

واعلم ان تواجدك مم وشهادتك مصدر فخر


لك مني جل التحايا