| | ضمّيتها ضمّت موادع / وقفت | |

صبآحكم ورد وياسمين
اقرب قصيدة الى قلبي..اتمنى ان تروق لكم

مدخل :
فيْ خفٌوقيّ لْك حّكآيه ضمهآ كتّآبْ آلمشَآعرْ .. !
» وٌفيْ عيٌونيّ لك مديًنه يآحلآهآ منْ مدّينه ..

كنت أسقي بذور الأماني بـ( ياليت )
.................. مير البذور شْتآت .. والـ( ليت ) . جفّت !

هبّت ( عواصف واقعي ) وإستجنّيت
................. وشالت بذوري في كنفها .. وهفّت

واللي بقى خلف العواصف / تناهيت !
.................. ودمعه تخون العين .. والعين عفّت !

دمعه أبسجنها عن الناس وأزريت
.................. فكّ القيود رموشها يوم رفّت

تجتاحني / وأنا أحسب إني تشافيت
................ وأثر الجروح بضعف حالي تشفّت

كن الجروح أشباح تسكن جسد ميت
................ فيه السرور أرواح .. لكن توفّت

وأعظم جروح القلب من يوم ( جافيت )
................... اللي وفت بالحب والروح وفّت

جتني تقول [ القلب بارد ] وشبّيت :
................... عوج الضلوع إحساس حبّ وتدفّت !

ناسيه ، لكن ( شفت بيته ) وهلّيت :
................... دمعي ، وذكراها على الرمش صفّت

ما كان طاح الدمع من شوفة البيت
.................... ][ لو بس طارة موتري عنه لفّت ][ !!

أذكر عذاب آخر لقى يوم صدّيت
................... ضمّيتها ضمّت موادع / وقفت

في وقتها مدري صحيح إستخفّيت ؟
................... وإلا عقول العاذلين ، إستخفّت ؟!

أمشي ، ولكن كلّ مارحت ، ما جيت
.................. خايف وفي كلّ الجهات أتلفت

يا صاحبي مشكور يوم أنت وفّيت ،،
..................... يومي شكيت وقلت دنياي كفّت

عزّ الله إنك في خيالي تساميت
.................... ولك صورت.ن. في محجر العين ، غفّت

كنّي هبوب ولجل فرقاك هبّيت
.................. منها مزاج غصون الأشجار .. زفّت !

وأوراقك اللي صفّرت من ( تماديت )
.................. طاحت ، ومرّتها هبوبي وحفّت !

أبشرك من بعد صدّك تعافيت
.............. وحمولي اللي كانت ثقال .. خفّت

وأبشرك ناسيك لولاي لفّيت
............... وذكراك لولا ( شوف بيتك ) ، توفّت !

والموتر اللي جابني صوب هـ البيت
.................. الله يجازي طارته / ليه لفّت ؟!

مخرج :

طال( انتظاري ) والوله .. يحرق الجوف !
"والصبر" مايطفي .. من البعد ناري
اكتم شعور / الشـوق / واصارع الخوف !
وفي داخلي نهر من( الحب) جاري
اضحك ~ لحن الحزن ~ بالصدر معزوف
ودمعي "حبسته " لايبين انهياري !!

الحمدلله على سلامتك

ولاجديد في ذائقتك الشعريه العاليه

قصيده ممتعه ومليئة بالجاذبيه

سلم احساسك

اهلا بك جودي
والله عليك
اختياار
مميز واكثر من راائع
سلمتِ ياغاليه

قصيده رائعه
يعطيك الف عافيه ياجودي

دمعه أبسجنها عن الناس وأزريت
.................. فكّ القيود رموشها يوم رفّت

انتقااااااء عذب
سلم ذوقك وصح لسان الشاااعر
تقبلي مروري

آنتقاء راقي



يسعد لي قلبك على الذوووق المميز


صح كلك ولسان شاعرها

دمتي بالف خير


تحياااتي لك

تجتاحني / وأنا أحسب إني تشافيت
................ وأثر الجروح بضعف حالي تشفّت




كن الجروح أشباح تسكن جسد ميت
................ فيه السرور أرواح .. لكن توفّت




وأعظم جروح القلب من يوم ( جافيت )
................... اللي وفت بالحب والروح وفّت

حياك بعد غياب
ولاتجيبي الا الجزل صح قلبك وكلك
ولسان شاعر ابدع فيها
ولاهنتى

تقديرى واحترامى

اسرتني كلماتها الساحره
ووقعها قوي جدا على نفسي
رائعه
وباذخه
وراقيه
ووعذبه
ووافيه
صح لسانه
وتسلم يمينه من مسة النار
ويسلم ذوقك يالغاليه
لاتحرمينا جديدك

:
:
يسلم لي قلبك واحساسك وذوقك
ربي يعافيك
ننتظر جديد طرحك
لاعدم

.. بهيً هذ ا الحضـــور
فــ أهلاً و مرحباً بكم و كثير من شُكراً ..

قصيده فيه من الاحساس الشي الكثير
يعطيك الف عاافيه
لاهنتي على هاالحضور
ودمتي بالف خير

رااائع’ــه ..
رآآقت لي كثيـــر ..

والحمدلله عالسلامه خيتوه ..
فقدنآكي