أمير حائل ينصف نساء منطقته بعد أن حرمتهن الهيئة

[align=center]

[/align]

[align=center]
أنصف أمير منطقة حائل الأمير سعود بن عبدالمحسن نساء منطقته اللاتي حرمتهن هيئة الأمر بالمعروف والنهي عن المنكر من دخول الاستاد الرياضي الذي أقيم فيه الحفل الإنشادي الخاص بفرقة "طيور الجنة" الأردنية
رغم تخصيص أماكن لهن في الحفل من قبل اللجنة المنظمة
وجاء إنصاف الأمير لنساء المنطقة من خلال موافقته على طلب اللجنة المنظمة لعيد حائل 31 بإقامة حفل بديل للفرقة في متنزه المغواة للنساء والأطفال فقط مساء أمس الجمعة
وكانت هيئة الأمر بالمعروف والنهي عن المنكر في حائل طالبت بمنع دخول النساء في احتفال الفرقة في الاستاد الرياضي أمس الأول
بحجة الاختلاط ولقيت مطالبتها استجابة من الجهات المختصة بالرغم من تخصيص مقاعد ومداخل للعائلات بعيدة عن الرجال, وهو ما أثار تذمر الكثير من أهالي المنطقة
ونقلت اليوم صحيفة الحياة عن أمين منطقة حائل المهندس عبدالعزيز الطوب قوله: «توجيهات أمير المنطقة ستنقل المنطقة للأفضل في المجالات كافة
إذ تعتبر تعليماته لجميع الإدارات الحكومية والخدمية في حائل تصب في مصلحة وخدمة المواطن»
[/align]

الله لايحرم الهئيه من جنته
تصرف عقلاني
والا صارت مصايب خصوصا ان الملعب مكشوف بالشارع
تصرف سليم لاميرنا المحبوب
ولكن الهئيه فعلو الواجب

كل التحايا لك حد السيف

تصــــــرف

آعجبنــــــي جدآ من هئيــــــة

آلأمــــــر بآلمعــــــروف

وآلنــــــهي عن آلمنكــــــر

ربــــــي يخليهــــــم لعيــــــن

ترجيــــــهم

وآلي سووه عين آلعقــــــل

حــــــد آلسيــــــف

لآهنت يآلــــعـزوه

وآصل آبــــــدآعــــــك

ولآتــــــحرمنآ جديــــــدك

يآلغــــــآلــــــي

مع احترامي لهيئة الامر بالمعروف
تصرف ماله داعي خصوصا انه فيه مداخل خاصه بالعائلات
ومقاعد خاصه بهم
عادي بعدين ماراح تجي العوائل تكشف كلن يبي يجلس بكرسيه
اعتقد انه تصرف مو زين وماله داعي
والله يعطيك العافيه على الخبر والنقل ودمت بود

الهيئه ماقصروا والامير رائيه سديد..


يسعد لي قلبك على النقل

انا مع سنجاار الشماال
تصرف ماله داااعي
حفل اطفااااال المفرووض العائله كلها تكوون موجووة

يسلمووووووو ع النقل

حفل للعائلات يعني الواحد يجي هو وعياله او اهله عادي مافيه شي

الله يقوي الجميع الامير والهيئه

لاهنت يالغلا على النقل

حفل للعوائل واطفالهم وهناك مداخل للعائلات خاص بهن ومافيه
اي اختلاط ..!!

الله يجزاهم خير الجميع

انا مره حضرت مسرحيه بالمغواه
وكان فيه مدخل خاص بالنساء ومدخل خاص بالرجال
يعني مافيه اختلاط وكان فيه حاجز بالوسط
بس وش صار ان فيه بنات ماعندهن اي ذرة حياء
بمجرد ماتشتغل اغنيه صارن يصارخن ويرقصن
قسم شي سخيف حتى العيال ماقاموا يسوون اللي هن سون

الهيئه خافت انه يصير زي كذا
لو كل وحده تنثبر مكانه ولايسوون حركات ماصخه
كان الهيئه مااعترضوا ولاقالوا شي

الله يقوي الهيئه

يسلموو والله (مثل فعاليات المغووهـ فعاليات رائعه وكل شي بس تعال شوف قلت الحياء عند البنات من صيح وتصفيق وتصفير والامهات الله المستعان ونبي نصير شعب متحاظر اول شي يعرفون وش معنا حياء وش معنا الجلسه في مكان عام؟؟!! وبعدين يتكلمون

والله معذورين اذا منعوهم الهيئه قصدهم خيررر من الي يشووفون
الله يعز الهيئه وخليهم لنا )

اقتباس المشاركة الأصلية كتبت بواسطة ρυяє нεάят ≈ انا مره حضرت مسرحيه بالمغواه وكان فيه مدخل خاص بالنساء ومدخل خاص بالرجال يعني مافيه اختلاط وكان فيه حاجز بالوسط بس وش صار ان فيه بنات ماعندهن اي ذرة حياء بمجرد ماتشتغل اغنيه صارن يصارخن ويرقصن قسم شي سخيف حتى العيال ماقاموا يسوون اللي هن سون الهيئه خافت انه يصير زي كذا لو كل وحده تنثبر مكانه ولايسوون حركات ماصخه كان الهيئه مااعترضوا ولاقالوا شي

هذي أختنا حضرت وعارفه وش يصير

ليش نعترض على تصرف الهيئة

ونقول ليش الهيئة تمنع دخولهم!!!!


قبل كل شئ نشوف السبب مانأخذ أي كلام ونهاجم الهيئة



الله يقويهم ويعينهم



يعطيك العافية

تصرف سليم من الهيئه والله يجزاهم خير واميرنا ماقصر الله يطول بعمره

بعدين الهيئه عارفين ان بعض النساء انفسخ عنهم الحياء بالتصريخ والرقص والتصفيق قدام الرجال كما ذكرت الاخت في ماحصل في المغواة فما بالك بالاستاذ الراياضي الله المستعان

الله يعطيك العافيه

[align=center]
مع اني ماني من اهل حائل بس تصرف الهيئه تصرف سديد
فعلا كلام الاخوات البنات يسون حركات مالها داعي من تصفير وصريخ

الله يقويهم على فعل الخير
وجزاك الله خير
[/align]

تصرف سليم دامهم عارفين عاقبتها ..

وربي يجزيهم كل خير ويقويهم على فعله ..

بس أصلا لو نجي للحقيقه الحفل بكبره ماله داعي هالفرقه ماحبها ولا احب اناشيدها .. عفوا أغانيها ..

ولي تحفظ عليها لأنها ليست دينيه .. بحته كل الاناشيد الي بزعمهم مصحوبه بجميع انواع المعازف

لو جينا للحق.. والموسيقى الصاخبه المصاحبه لهم ماتفرق عن اغاني نانسي عجرم للاطفال ..

وماأشوف فيها اي توجه للغه العربيه لغة القرآن .. كل اطفالنا صاروا يغنون بلهجه

شاميه .. وفيها رقص وغيره .. وعلى فكره حتى حفلهم في قطر كان جدا صاخب ..

ومليء بالفتيات الصغار المراهقات المعجبات بمطربين هذه الفرقه .. ولبسهم وشكلهم ..

وش الفرق يعني بينهم وبين اي فرقه غنائيه اخرى او اي مطرب ؟؟؟!!!!!!

لاهنت على النقل أخوووي ..