ماابي رد يكفي بس قراءه الموضوع
السلام عليكم ورحمة الله وبركاته
اليوم جيت ومعي تواقيع غنائيه ولاروع الاغاني واحدثها وبصوت الفنانين ونجوم الفن منهم .....................
والكثير والكثير والتصاميم جدا رائعه ولو تحبون ممكن اضيف اسمائكم فيها وتطلعووون تحفه في المنتدى
بس
قبل اعرض التواقيع الفلاشيه الغنائيه
بتكلم معكم شوي ؟
عندي سؤال وابي جوابه ؟؟؟
حطيت توقيع غنائي طيب وش تستفيد قلي
كشخه - ستايل - تكون معاصر لاغاني الوقت وانسان متجدد ومتطور - توقيعك مؤثر
صورة شاب وشابه واغاني حب او حزن وفراق
ياسلام قمة الكشخه
كان هذا تفكيري قبل اترك تصاميم التواقيع الفلاشيه الغنائيه
احس انكم زعلتو ومنكم من قال وش تحس فيه تقول تواقيع غنائيه وتقول تاركتها ؟؟
تدرون ليش
الاغاني حررراااااااااااااااام
حطيت توقيع فلاشي غنائي وقدر الله لك ان تموت من يضمن يعيش لبعد ساعه او بعد لحظه من يضمن يعيش طويل ؟ من يجاوبني ؟؟
محد يضمن
قدر الله لك ومت وهذي صارت لشخص عمره 26 سنه هو عضو مميز في منتدى من المنتديات انا شخصيا كنت مشرفه فيه والان اتقفل والسبب موت هذا الشخص وهو قريب لصاحب الموقع
كان راجع من دوامه وصار عليه حادث الساعه 1 والساعه 3 مات
وكان يضع توقيع غنائي
لو كان يدري انه بيموت كان بيخلي التوقيع والكل يسمعه ويشيل اثمهم ؟؟
انتم الحين تقرون موضوعي وربما اشخاص سجلو عشان بس هالموضوع لان العنوان تواقيع غنائيه
كلكم جيتو عشان تحملونها او تشوفونها طيب وبعدين ؟
حطيت التوقيع وجاء ملك الموت وقبض روحك خلاص لاجاء الموت مايمديك تروح تشيل التوقيع وتبدله بدعاء او ذكر كل من قراءه اخذت اجره
لا
التوقيع غنائي كل من سمعه تاخذ اثمه الى يوم القياامه
مو اي موقع بيقفل لامات عضو فيه تخيل انت بقبرك والتوقيع شغال والمشاركات كانت واصله بالالف ومواضيعك وردودك مليانه بالمنتدى والتوقيع شغال والكل بمرور الماوس يسمع الاغنيه والاثم يصب عليك وانت في قبرك
اسئلكم بالله من بيتحمل ذنوب غيره ؟؟ الواحد يستغفر لذنوبه وتضيق به الارض لذنوبه وبعض الناس يحملون اثمهم واثم غيرهم
الامر غير مقتصر على الاغاني او التواقيع الغنائيه حتى بالمسنجر وانا بالذات شفتها يحطون بالرساله الشخصيه رابط اغنيه - في البريد تجيك اغاني او رسائل تهنئه فيها مقاطع صوت وموسيقى وفي المسن يتراسلون مقاطع اغاني منها الولكمات واليسلمو تكون بموسيقى ووصلت فيهم البعض يتراسلون هالمقاطع في القروب وبالذات بقروب كنت انا فيه وهالقروب فيه اكثر من 400 شخص
يالله اكثر من 400 شخص يسمعون الاغنيه من شخص واحد وبوقت واحد
ومتى ؟؟
قبل اذان صلاة الفجر بساعه
استغفر الله الذي لا اله الا هو الحي القيوم واتوب اليه
ينزل الله تعالى إلى السماء الدنيا كل ليلة حين يمضي ثلث الليل الأول فيقول : أنا الملك أنا الملك من ذا الذي يدعوني فأستجيب له ؟ من ذا الذي يسألني فأعطيه ؟ من ذا الذي يستغفرني فأغفر له ؟ فلا يزال كذلك حتى يضيء الفجر .
وانتم في تبادل اغاني ومحرمات ؟
الاغاني تغضب الرب
لو تسئل اي شخص ؟
ودك الله يوفقك ؟
ودك بمال
بجآآه
زواج
وظيفه
مكانه عاليه
اكيد بيقول ايه اكيد ابي هالشئ
طيب تبي هالشئ وانت مغضب ربك واثمك جاري بين الناس .؟
والامر مو مقتصر على الاغاني فقط حتى الرسايل او المقاطع الاباحيه وفعلا انا شايفه انها منتشره ولاقلت ليش ترسل له يقول عادي نتثقف - استحي ارده - مافيها شئ نتونس ؟
تتونس بحرام ؟ تستحي ترد غلط ؟ تتثقف بالنظر للحرام ؟
قبل كم يوم كنت بمحاضره وقالت الداعيه ان اي شخص يناظر لحرام يجعل الله سواد في وجهه لايمكن له اخفاءه ومن يغض بصره يجعل الله فيه وجهه نور الى يوم يلقاه
ختاما احب اقول ::
مافيه اجمل واروع من انك الحين تروح لجوالك وتفتح الاستديو وتمسح كل حرام من غناء او افلام محرمه
وتروح للاب توب وتمسح كل مافيه من حرام وتدخل المنتدى تشيل توقيعك وتحط ذكر او نصحيه او دعاء
وترفع ايدينك لله وتقول : اللهم اني كنت اتمتع بهذه الاشياء واحبها ولم يجبرني احد ان اتركها وانما تركتها لـ اجل رضاك وحبك لي اللهم فااحفظني منها واغفر لي خطاياي
لاتقولون والله بخليها عندي وماراح ارسلها لحد ؟ انت تظمن انها ماراح تنشاف عندك
اكيد بتغفل يوم عن جهازك او جوالك ويشوفه صاحبك وياخذها او تموت ويفتحون جهازك ويلقونها او يغويك الشيطان لترجع لها
توبو الى الله توبه نصوحه واتركو كل المعاصي لوجهه الله مااعظم واجمل من ان تتصارع النفس بين المعصيه والطاعه وتختار الطاااعه على المعصيه
( اللهم اغفر للمؤمنين والمؤمنات والمسلمين والمسلمات الاحياء منهم والاموات وصل اللهم على نبينا محمد وعلى آله وصحبه اجمعين )
للأمانه منقول
.gif)
.
.!
العرض العادي
