يآتل قلبي .,

روحـي فمـان الله ورعايـة الله
مع السلامـه رافقتـك السلامـه



وانـا ليـا غنـا المغنـي لليـلاه
جريت صوتي في طويل العدامـه


وغنيت لك ياتل قلبي من اقصـاه
ولاحيت مع وجه العصير الحمامه


وضحكت من دوّر حبيبك وتلقاه
القاه عند العرض يـوم القيامـه


روحي وخلي من نثرنـي بقايـاه
يمضي عليه العمر عامـه بعامـه


يومٍ بقايـا دمعتـه فـي مصـلاه
يبقى لهـا لادور يومـه علامـه


ويومٍ بهامه بين راحـة شفايـاه
من لوعة الفرقـا يعضـه ندامـه


ويوم يفضفض للمكـان وزوايـاه
عن كـل شـي ولايكمـل كلامـه


يصيح صيحة من غوالي دنايـاه
مامنهم اللـي جبـر الله عظامـه


حزنه من اقصى طعنةٍ في حنايـاه
ماجابتـه سبابتـه مـن بهامـه


تمره اغلـى الذكريـات وتعـداه
ويموت بين الكبـر والانهزامـه


ما في الضلوع الا متاهه ومضماه
ومافي العيون الا زراقـة غمامـه


رعاه همـك ليـن بيـح خفايـاه
واصخو خفت روحه وزاد احتدامه


ادنا مايزعل منه وادنات مرضـاه
مثل الغرير اللي على اول فطامـه


وان هب نسناس الهبوب وتمثناه
في ليلٍ اغوى العاشقين بظلامـه


يسري ولا يدري على وين مسراه
ويسرح ورقاد الضحى في منامـه


كم لي وانا الوم الزمان بسوايـاه
ولاحر من جمر العتب والملامـه


الا ضروفٍ ترخي امتون و اجباه
تختار معهـا الـذل والا الكرامـه


لو انها بالمـال والوجـه والجـاه
كم مـن سنافـيٍ مقامـي مقامـه


لكنهـا رحلـة ضيـاع ومعانـاه
يقضي بها المغرم بقيـة غرامـه


اللي على ربـه مماتـه ومحيـاه
وعلى رقبة غاليه ذنبـه واثامـه


من كثر مايبدي على الناس شكواه
ماعـاد ياجـد هيبتـه وحترامـه


بحاول انسى ماحصـل وآتناسـاه
واظهر من الدنيا برجـل العمامـه


احتاج وجهٍ بسمتـه فـي محيـاه
حاجة فقيـر راس مالـه حزامـه


يقول ياويلي على المـال ويـلاه
واقول ياويلـي علـى الابتسامـه

انتقاء جميل
وذااائقه مميزه
سلمتِ وسلمت اناملك
وسلم نبضك ..


وعذرا ياغاليه
من قوانين المنتدى موضوع واحد بالقسم فقط
يقفل الموضوع حتى مرور يوم كامل ع الطرح الاول
لكي يأخذ حقه من الردود والمتابعه ,,

انتقاء رائع


يسعد لي قلبك على الذووق


صح كلك وسلمت الايادي

كل الشكر لك