ياخوك لاتسئل عن الحال وشلون ...
ترا حالتي ياصاحبي ماتسرك ...
آرجوك لا تبحث خفا شخص مطعون ...
خله بحزنه لا لحزنه يجرك ...
خله بحاله عايش العمر مغبون ...
لاتجبره يقول شي مايسرك ...
يا.... خلوني تقل شخص مجنون ...
وخلوا جنوني فوق راسي تورك ...
فيني قبيلة جن !! وآصبحت مسكون ...
ماني بعاقل هالثقل لايغرك ...
في صمت آعاني وياكثر من يعانون ...
باآحساس ميت من زمن ماتحرك ...
ياخوك ناسك ، آنسى لا مايصافون ...
وعزهم لاتحسب آنه يبرك ...
حتي رفيقك لانصيته تبي عون ...
لو مت قدامه !! آبد ماتحرك ...
وحبيبك اللي كنت تفديه بعيون ...
طبعه تغير صار همه يضرك ...
ياخوك كلن خان وهالوقت ملعون ...
واللي عنا لك للمصالح يمرك ...
تكفى ، آمانة ، آنسى لاتقول وشلون ...
طالبك آنا ياخوك لله درك ...
خل الذي مدفون من الوقت مدفون ...
آرجوك آنا تكفيني خيرك وشرك ...
بالله وش ترجي من آنسان مجنون ...
مادمت عايش حالتي ماتسرك ....
العرض العادي
