حزيّة عَمتي .. نوُرهَ ] . . !

صباحووووو على الجميع ..

وانا اتصفح راقت لي قصيده وما حبيت ابخل

فيها عليكم بس ان شاءالله ماهي مكرره..



في ليل زاعل القمـرآ , وعيـآ لآ يجيـه النـور
ــــــــــــــــــــ جلست أسآمر أخوآني ومعنآ ( عمتـي نـوره )

وقالت عمتـي ودي احزيكـم عـن المأسـور
ــــــــــــــــــــ حزيه صـاغها وقـت شقــاه معانـق عصـوره

وكيف ان حالته شانت بعد مابيـن المستـور
ــــــــــــــــــــ بعد مافارق انسانه سقت من حبها جـذوره ,

تحبه كانت وكانت تشيد مـن غـلاه قصـور
ــــــــــــــــــــ وتقول انا بعد فرقا حبيبي : صـرت معـذوره

نسيت اسمي مع نفسي نسيت ان السنين شهـور
ــــــــــــــــــــ نسيت ان العمر يمشي بعد ماوقف حضوره

ووفت عمتي القصه وفينا من هـو المبهـور
ــــــــــــــــــــ وفينا من مسك راسه وعقله طارت طيـوره

ورحنا بعد هالقصه ونرجـي هالمنـام يـزور
ــــــــــــــــــــ محاجرنا عسى يقبل علينـا بكــره بنـوره

غفا الاول غفا الثانـي غفينـا كلنـا بالـدور
ــــــــــــــــــــ وانا غافي مثل غيري حلمت بحلم ياجـوره

حلمت اني انا امشي على رمضى وبين قبـور
ــــــــــــــــــــ وسط قريه بها مسجد /. بجنب بيوت مهجـوره !

لقيت بأول القريه شجر فوقـه بيـوت طيـور
ــــــــــــــــــــ وبير عافها ماها تحت الا شجـار محفـوره

وبيت طايح جداره وكنه مـن زمـن مهجـور
ــــــــــــــــــــ على بآبه لقيت اسمي ودمعة عين منثورة

وانا امشي لفت شوفي عجوز دمعهـا منثـور
ــــــــــــــــــــ تحت في الشجر تجلس نساها الفرح واسطـوره

احس انها امل منسي احس انها اراضـي بـور
ــــــــــــــــــــ ملامحها تقول انها /: بدنيـا الهـم مأسـوره

ملامحها تعبر لي وتوصف لـي بكـل شعـور
ــــــــــــــــــــ مجرد نظرتي فيها أشوف اليآس وقصوره

وشايب منكسر ماخذ من الدنيا جروح وجـور
ــــــــــــــــــــ اشوفه يرسم بهمه على الجدران له صوره

ويكتب تحتها جمله بداهـا بحسـره المقهـور
ــــــــــــــــــــ وقال بآخر الجمله ياليت الـروح مقبـوره

وقف تاركٍ قربه ولـوحٍ بـه ثـلاث سطـور
ــــــــــــــــــــ تعبر عن اسى ايامه وتشكي همه وجـوره

وطاحت منه قلاده لقيـت بوسطهـا محفـور
ــــــــــــــــــــ رموز تقول : ذا الشايب قليل الفرحه تـزوره

من المنظر بكت عيني وقلبي أنثنى مكسور
ــــــــــــــــــــ وصفقت بأيدي الأخرى ونفسي حييل مقهوره

تمنيت اقلب الواقع وأريـح شايـب مضـرور
ــــــــــــــــــــ وأسلي عجيز تشكي خفوق ملـت كسـوره

وفجأه قمت من نومي حزين ومنفزع مذعـور
ــــــــــــــــــــ أثاري حلمي المحزن حزيّه عمتـي نـوره


حيييل راقتلي..

رائعة واكثر يعطيك العافية على هالانتقاء
لاخلا ولاعدم اختي

راقت لك وراقت لي كثراااا
صح لسان شاعرها ويسلم البك على ذوقك الراقي والرائع

آنتقاء رائع


يسعد لي قلبك على النقل


دمتي بالف خير

كل الشكر لك

اقتباس: المشاركة الأصلية كتبت بواسطة انفاس الرحيل    رائعة واكثر يعطيك العافية على هالانتقاء لاخلا ولاعدم اختي

انفاس الرحيل ,,


الروعه في تواجدك وردك ..

لاعدمناااك..

اقتباس: المشاركة الأصلية كتبت بواسطة •· منذر·•    راقت لك وراقت لي كثراااا صح لسان شاعرها ويسلم البك على ذوقك الراقي والرائع

منذر ..

زين انها راقت لك

لاهنت ع هالتواجد ..

اقتباس: المشاركة الأصلية كتبت بواسطة كبريــاء شـــمر    آنتقاء رائع يسعد لي قلبك على النقل دمتي بالف خير كل الشكر لك

كبرياء..

لاهنت على هالتواجد,,

والروعه هي حضورك في متصفحي..

لاعدمناك..

انتقاء جميل
وذااائقه رااائعه
سلمتِ وسلم نبضك واحساسك
ودي

انتقاء مميز
جاد به بنانك
صح لسانه
وتسلم يمينك من الشر
دمتي بخير لاينتهي

ابيات تحمل من الرووعه والحزن الشي الكثيير

صح لسآآنك وصح بوووحك ...

لاعدمنا هالبوووح الرائع ..

انتقاء جميل

يعطيج العافيه

●●

​​​​​​​​توجع القلب والله

يسسسسسسسسلمو على هالطرح
لاهنتِ