من عقب عينك يايبه ماتمنيت=إلا اني أبقى في حياتي وحيده
يابوي من عقبك ترى موحش البيت=ولاكن فيه إنسان ينبض وريده
اكثار بس المشكله حينا ميت=وجودنا زي العدم يافقيده
إرجع ورجع يايبه ماضي الصيت=رجع زمانك يا(كبير الوقيده)
بقى مكانك خالي(ن) يوم أقفيت=ولاحد(ن) يسد بغيبتك أويشيده
يمكن أنا بالغت يمكن تماديت=ويمكن ظلمت الكل في هالقصيده
قلت استفزك قلت لعل ياليت=انك تجي وأمجاد عهدك تعيده
في كل فجر وبالضحى وكل ماامسيت=أتفقدك وتكون صدمه شديده
أبيك ترجع يايبه وانت أبطيت=وايقنت أن الموت كل(ن) يبيده
لكن تطمن يابعد روحي أوفيت=خلفت لك ذيب(ن) وأنا أشهد وليده
هذاك (أبوطارق) لاوالله ما أخطيت=يبقى لحاله بالصفات الحميده
(أبوحمود) لضيوفك على ماتمنيت=فيه الكرم والطيب ماهي جديده
و(الميم) عضيدي كل ماجيت وأقفيت=على الطلب إيدي على طول بايده
و(الباء) ذرا راسي إلى من تعزويت=يعجبك قوله والفعول الرشيده
وانا على خبرك يبه ماتناهيت=ماينكسر راسي وببقى عنيده
انت ارقد وآمن يبه كانك أوحيت=ماراح أبقى في ذراهم وحيده
أطـــلالـ بـرزانـ
[ ربي اشرح لي صدري ويسر لي أمري واحلل عقدة من لساني يفقهوا قولي ]
من قرا حروفك
اجبره الوقوف هنا الا ان كان لايفقه الشعر
الله يرحم ابوك ويسكنه فسيح جناته
ويطول بعمرك وعمر من تعزويتى بهم
وصح لسانك
مدد بلا عدد
تسكبي الحروف وتبقى لنا منجم الذهب
كونى بخير
صح السانج شاعرتنا
والله يرحم ابوج ويسكنه فسيح جناته
قصيده جداا رائعه رغم ماتحمله من حزن كبير
ربي يعطيج العااافيه مبدعتنا
ولاتحرمينا من يديدج
ف نحن ف الانتظار دائما وابدا
ماشاء الله .. ليست مجرد قصيدة .. بل هي أشبه بـ قطعة الألماس الفريد صح لسانك اختي شاعرتنا اطلال برزان فعلاً قصيدة تجلت فيها جماليات الشعــــــر وانتقاء اللفظ