مصافحتي الأولى قصيدة بسيطه من بنات أفكاري فيها من الحُزن ماقد يشوهها
وفيها من الألم ماقد يزعجكم ... وفيها من الجراح مايحتاج لملامستها
كتبتها هكذا ... كما أحسست بها ... وآمل أن تروق لكم وتصلكم بنفس احساسي بها
بــعــد حـــــيـــــي
[poem=font=",6,,bold,italic" bkcolor="transparent" bkimage="http://www.b3b7.com/vb/mwaextraedit2/backgrounds/69.gif" border="double,4," type=0 line=0 align=center use=ex num="0,black""]
منتدى تخفيف همي والكآبه=جيت لك محزون واغراني سطوعك
يا بعد حيي وعشقي للكتابه=جيت أبث الحُزن على كافة ربوعك
بين حِلاني وصحبي والقرابه=يا عسى هالجرح فيني ما يروعك
بسألك عن وقت كل شي فيه تشابه=وصارت البسمه تخشى من دموعك
فيه لبيب الفكر يفقد به صوابه=وفيه تعيش العز في قمة خضوعك
وش تسوي لو غدت دنياك غابه=وكل من فيها ينهش في ضلوعك
والحبيب أبرز مع الأيام نابه=والعدو صاير تحت أمرك وطوعك
يا بعد حيي أنا بطلب طلابه=وأنت أظن الصد ماهو من طبوعك
صارت الدنيا خرابه في خرابه=وأنا بخربها بأحزانٍ تلوعك
جيت أنا بكسر براويز الرتابه=بأشبعك إبداع وبأقهر كُل جوعك
بأعزف جروحي على لحن الربابه=وامسك القيثار واطرب فيه سموعك
يا أنا بأطرحك من فوق السحابه=والاّ أنا بأشهرك وأساهم في طلوعك
مثل تأريخ الأُمم وعصر الصحابه=بأجمعك وارجع أشتت كُل جموعك
آه من جرحي وهمّي والكآبه=يا بعد حيي ما تخفي سطوعك
عشق دائم ما يأثر بك غيابه=بس موته لو طلع خارج ربوعك
[/poem]
أخوكم ومُحبكم / فهد بن محمد المالكي (( عشق دائم ))
العرض العادي
