(( ضـيـقـتـي ))

اليكم اخر ماخط قلمي وباحت به قريحتي



يالله مالي من ورى هرجي ارباح
***************والصمت يبقى لي رفيق ٍ مخاوي

بس انتهاء صمتي مع الضيق لافاح
***************وفجرت من ضيقي جديد الغناوي

اربع جهات الضيق لاهبت رياح
***************تعصف بقلب ٍ من جفا الوقت خاوي

حاولت اسليها لو الدمع فضاح
***************دنيا قوت صدري ولاهو بقاوي

تكثر سكاكين الجمل كان هو طاح
***************وتصبح حياته والممات متساوي

يالله دخيلك بارق الحزن لي لاح
***************والضيق له ذيب ٍ له ايام عاوي

به تصبح عيوني مع الصبح لاباح
***************وعليه تمسي لاقبل الليل طاوي

حاولت اسلي خاطري ظحك ومزاح
***************واساير ايامي بكثر الهقاوي

مير البلا حرب ٍ بلا درع وسلاح
***************ماتنفعك كثر الحيل والعزاوي

لاصبحت واحد قدمك الفين ذباح
***************قلي وش انت بوسط الالفين ناوي

اما يقولو ميت ٍ بالقبر راح
***************وإلا جبان وهذي اقسا البلاوي

وأنا ببحر الهم ماني بسباح
***************ولاني على كثر الجروح متداوي

اصبر واعرف الضيق له يوم ينزاح
***************واقول يالله لاترد الرجاوي


وسلامتكم

كم هو رآئع بالنسبه لِي أن أكون أول من يصافح هذه الرآئعه

محمد الفريدي ...

شاعر مميز يعجز القلم عن وصف روعة بوحك وصدق إحساسك ,,,

سلمت أناملك الذهبية ودمت بهذا الشموخ الذي يعانق السحاب ..

لاحرمنا تواجدك العطر في منتداك الذي يفخربك ..

تقديري لكـ. .

هاذا هو معنى الأبداع في صياغة الحرف
وقفتـ طويلاً اتأمل حروفك فهي تحمل في دواخلها الكثيرمن
الابــــــــــــــــــــــداع
سَأكّتفي فقط
بتسجيل حظوري وتقبل تحياتي

شكرا لمرورك الجميلة يالمراقبة والله عجزت اقراء اسمك ههههههههه والعتب على اللغه



نورتي القصيدة بمرورك

رمش نواف الرشيد


صح بدنك وشكرا لمرورك

مير البلا حرب ٍ بلا درع وسلاح
***************ماتنفعك كثر الحيل والعزاوي


أنا اشهد

صح لسانك

لاتحرمنا روائعك

ننتظرها بشغف

ماشاء الله ..
ليست مجرد قصيدة .. بل هي أشبه بـ قطعة
الألماس الفريد
صح لسانك يابعدي فعلاً قصيدة تجلت فيها جماليات
الشعــــــر وانتقاء اللفظ
دمت بكل عطــــــاء شاعرنا / محمد الفريدي

أعطر التحايـــا لشخصـك الكريم

شاعرنا \\ الرااقي محمد الفريدي

صح لساااانك
لهذه اللوحه الجميله والراائعه
بما تحمله من صدق الحروف وجزالة المعنى..
راقي انت ومُترف المعاني
شاعر جزل تخط بحروف من ذهب
ننتظر جديدك دائماً
دمت ألقاً ,,
لاااعدمناااك ,,

:
:
الفريدي محمد
صح الله لسانك وسلم احساسك
دمت ودامت لنا هذه الطله مع روائعك الشعريه






















.

الله عليك وعلى عذوبتك وعلى جمالك يالفريدي
شاعر ممتع بحضوره
مبهر في احساسه
لاتطيل الغياب فلك حضور يشبة القمر

مير البلا حرب ٍ بلا درع وسلاح
***************ماتنفعك كثر الحيل والعزاوي



صح لسانك

مو غريب عليك التألق ولا شي جديد عليك التميز

يعطيك العافية ولاننحرم من روعة أبياتك

صح بدنكم جميع

وشكرا لمروركم الجميل

أهلا بك أخي الفاضل//
قصيده عانقت السحاب بجمالها العذب
صح لسانك
وتسلم يمينك من الشر
دمت بخير لاينتهي

حاولت اسليها لو الدمع فضاح
***************دنيا قوت صدري ولاهو بقاوي

تكثر سكاكين الجمل كان هو طاح
***************وتصبح حياته والممات متساوي

يالله دخيلك بارق الحزن لي لاح
***************والضيق له ذيب ٍ له ايام عاوي

به تصبح عيوني مع الصبح لاباح
***************وعليه تمسي لاقبل الليل طاوي

حاولت اسلي خاطري ظحك ومزاح
***************واساير ايامي بكثر الهقاوي

مير البلا حرب ٍ بلا درع وسلاح
***************ماتنفعك كثر الحيل والعزاوي

ماشاءالله عليك
ياخوي ماشاءالله عليك من جد أبياات بالصميم
وصح لسانك ويارب يجعل لك مخرج من كل ضيق يالغالي ويفرجها عليك
تقبل مروري

محمد الفريدي

هذا نص عالي الشاعريه والأبداع والجزاله لاهنت
رائع بكل ماتعنيه الكلمه من جمال صح لسانك والله
شعر ولفظ ومعنى وفكر لله درك اعجبني كثيراً

تحياتي لك