[poem=font="mudir mt,7,black,normal,italic" bkcolor="silver" bkimage="http://www.b3b7.com/vb/mwaextraedit2/backgrounds/31.gif" border="double,6,black" type=2 line=1 align=center use=ex num="0,black""]
من عقب عينك يايبه ماتمنيت=إلا اني أبقى في حياتي وحيده
يابوي من عقبك ترى موحش البيت=ولاكن فيه إنسان ينبض وريده
اكثار بس المشكله حينا ميت=وجودنا زي العدم يافقيده
إرجع ورجع يايبه ماضي الصيت=رجع زمانك يا(كبير الوقيده)
بقى مكانك خالي(ن) يوم أقفيت=ولاحد(ن) يسد بغيبتك أويشيده
يمكن أنا بالغت يمكن تماديت=ويمكن ظلمت الكل في هالقصيده
قلت استفزك قلت لعل ياليت=انك تجي وأمجاد عهدك تعيده
في كل فجر وبالضحى وكل ماامسيت=أتفقدك وتكون صدمه شديده
أبيك ترجع يايبه وانت أبطيت=وايقنت أن الموت كل(ن) يبيده
لكن تطمن يابعد روحي أوفيت=خلفت لك ذيب(ن) وأنا أشهد وليده
هذاك (أبوطارق) لاوالله ما أخطيت=يبقى لحاله بالصفات الحميده
(أبوحمود) لضيوفك على ماتمنيت=فيه الكرم والطيب ماهي جديده
و(الميم) عضيدي كل ماجيت وأقفيت=على الطلب إيدي على طول بايده
و(الباء) ذرا راسي إلى من تعزويت=يعجبك قوله والفعول الرشيده
وانا على خبرك يبه ماتناهيت=ماينكسر راسي وببقى عنيده
انت ارقد وآمن يبه كانك أوحيت=ماراح أبقى في ذراهم وحيده
[/poem]
بوح رائع من قلب رائع
كتب احاسيسه
ورسم مشاعره بكل ريش الوجدان
وكانت النتيجه لوحه رائعه
كلمات رغم الحزن والألم لاكنها جدآ رائعه
اردت اقتباس جزء منها لكن جبرني روعة حرفك بأن اكملها 0
شاعرتنا القديره 0 أطلال برزان
رحمه الله واسكنه فسيح جناته
وصح لسانك مليون
فدمت مدام نبض القلب والقلم
ولكى منى اجمل باقات الورد 0
العرض العادي
