أحرص كثيرا ً أن أكون مع عيال عمي في غالب الكشتات وعيالي مع إن غالب طلعاتي مع مجموعه خاصه من 16 سنه في مقدمتهم صديقي الشاعر السواح
*|اشياء مستحيل تستغني عنها فكل كشته..اكله تحبه ..مشروب ..مساحه للي فخاطركــ،، ؟؟
أهم شي القهوه والشاي والكبسات انواع وأشكال ولانستغني عن المشوي بما إنه خوالي لبنانين هههههههه
*|مين تطلب يرتب اغراض الطلعه..قبل تطلع
في العاده اناارتبهم اذا مع الاصدقاء اما مع الأهل ففيه عبدالرحمن والعيال يضبطون كل شي
*|موقف حلووو صار لك فكشته ومع مين ؟؟
والله المواقف كثير لكن فيه موقف الصراحه محرج كثير لي في روضة خريم قبل كم سنه المشكله إنها تتشابه وعلى بالي دليله رحت اتمشى داخل الروضه وقلت ارجع للشباب وابي اخرعهم من ورى الشجر واطب عليهم على بالي خوياي ويطلعون ناس ثانين والله ياني حمر وجهي غدالك تقل طماط تركي ههههههههه
ومسكوه على العيال سنه ههههههههه
*|موقف ماعجبك فكشته ومع مين ؟؟
أكثر مايعقدنا في الكشتات اختلاف وجهات النظر في طلب المكان بس تعدي
*|طلعت الكشته شنظامك تنزل اغراض ولا تجلس تناظر للي معاك تنطرهم ينزلووون ؟؟
ما أحب أجلس أبد تلقاني اسوي كل شي وخاصة القهوه والشاي تخصص
*|قد مره تكلفت بالطلعه كلها من دون لحد يساعدك ..اقصد انه جبت الطلبات ؟
بالعاده تكون الطلعات جماعيه وبعض الاحيان يتولاها شخص واحد مثل الدوريه وياما صارت
*|ايش اكثر شي ينرفزك بالطلعه..وشنو اكثر شي يريحك فيها ؟؟
ما احب بالطلعات اختلاف الرأي احب المجموعه المنسجمه والحمدلله مع السواح ومجموعتي رايقين
*|اخر طلعه كانت لك متى ومع مين ..؟؟
والله آخر طلعه كانت مع الاهل بطعوس الثمامه كانت طلعه حلوه
*|طلعه بتبقى دوووم فبالك .. مع مين ؟؟
طلعه طلعناها في الصمان عام 1418هـ في الربيع الطيب وكانت رجلي مكسوره وعلى وشك جباره كانت من أفضل الرحلات بعمري بس كانت مجموعه كبيره وصارت فيها أحداث مضحكه وحلوه يذكرها نواف بندر
*|طلعاتك قد مره صارت لصيد مخصصه وايش تحب تقنص.؟؟
والله انا ماني من هواة الصيد الا بعض الاحيان مع خالي وآخر مره رحنا نصيد قطا وبغينا نروح شهداء بجرف على شان قطا ههههههههههههههه
وبعدها قلت توبه مافيه مقناص ههههههه
*|كم اخر حد لك فالسهر يعني تحب تسهر ولا تمشي ع طول شنظامك ..؟؟
بالطلعات آخر حدي 12 ومن الفجروانا تقل مشبابه هههههههههههههه
*|وصلت البيت تخلي الاغراض بالسياره لين يقوومووون اهلك من باكر ولا تنزلهم انت..؟؟
على حسب الوضع
*|صوره لطلعه تحبها وللحين فبالك وياليت تدون وقتها ومن معه كانت..؟؟
والله للاسف قليل نصور في الطلعات لكن في المرات القادمه راح احرص على التصوير
*|صوره لشي لفت انتباهك بكشته..؟؟
ماقد صورت شي