:: كل عام وانتم بخير :: | |||||||||
|
التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | المشرفة المميزه |
قريبا |
بقلم : |
قريبا |
كلمة الإدارة |
« آخـــر الـــمـــشـــاركــــات » |
الإهداءات |
08-27-2010, 11:36 PM | #1 |
شــاعرهـ_اداريه |
{{ ديوان الشاعر \ سعيّد العمودي }}
|
|
08-27-2010, 11:53 PM | #2 |
شــاعرهـ_اداريه |
شــاعــرك مــاعــرفتــيــه
http://www.b3b7.com/vb/showthread.php?t=78765 ياساريه خوذي من الليل ثلثيـه= تعبت اطاول عزتـه وانكسـاره واحترت في قلب العنا وين اوديه= اللي جنح بي لين ضيّع مسـاره حتى القصيد اللي نختني قوافيه= يموت في بالي عبـاره عبـاره سريت له ياساريه في مساريـه= اطرد ظلام العمروانخـى نهـاره زواّدتي حلم وطعون ومشاريـه= وجرح الفقيراللي شعاري شعاره ماجيت ابكتب ذكرياته وماضيـه= جيته واناجرح خرج عن مـداره جرحٍ تعرى من غياهب منافيـه= مظلم ويشعل للسهر من شـراره عابر سبيله ماتوصل خطاويـه= اواه يابعض الامانـي خسـاره يموت صوت العاطفه لوتناديـه= ويسقط سموّه لويصافح وقـاره هـذا انـا ياساريـه ماعرفتيـه= ردي قبل موت الامـل واندثـاره ضايق بعمره شاعـرك لاتخليـه= يهيم فـي هذالزمـان ومـراره موحش طريقه والاماني تباريـه= يبني من اوهام الحضاره حضاره تايه وجرحه من قساوة مباديـه = في عالمٍ عكس الضيا والطهاره يزرع امل وظروف الايام تسقيه= واليوم هذي فرحته واحتضـاره غنا بصوتك يامـرارة غناويـه= حتى كسب تاج الالم عن جـداره ماهو بوده بس الايـام ترميـه= في بحر تسكن لجّته في محـاره هذا البحر ينكر حقيقـة موانيـه= ويغتال نورس ضحكتي ياخساره ماعاد فيني سوّي اللي تسويـه= جرحي واعرفه لاخرج عن مداره |
|
08-28-2010, 01:10 AM | #3 |
شــاعرهـ_اداريه |
جنون انتحاري
http://www.b3b7.com/vb/showthread.php?t=77058 ياعين لو ضاق المدى وادمس الليل= لايوجعك هـمٍ السهـر والمسـاري لوكان في قلب العنا تركض الخيـل= والله لا اخذ من شقا الوقـت ثـاري بطالع الجوزاءعلى شرفـة سهيـل= وانفض عن الكاهل جيوش الطواري اليا متى اجمـع مـن الهـم واكيـل= بطعن ظروفي في حـدود الشبـاري دنيـا نسايرهـا غيـاب ومواصيـل= لاشـك ماعـاد الامـل باختيـاري قلنا نشيل الشيل ونصـادم السيـل= واليوم ماهـو فـي يدينـي قـراري تنزف جـروح السالفـه والغرابيـل= تاخذ من افكـاري وتتبـع مـداري قريت وامعنـت النظـر بالتفاصيـل= وعشت السلام وعشت ذات الصواري غموض يرميني بياضه على النيـل= متزمـلٍ بالحـزن والحـزن عـاري صمتي يسولفنـي قصيـد وتراتيـل= والبرد يشعلني علـى جـال نـاري في معترك ما للوفـا فيـه تبجيـل= كتبت لـه ذنبـي بنـص اعتـذاري قلبٍ يبي من غلطة الوقـت تعديـل= يضيع صوته بيـن كاتـب وقـاري طمـوح يرسـم للامانـي عراقيـل= خايف وفي صدره جنـون انتحـاري وانا لو ان الهم صفـق لـه الويـل= مايشهـد التاريـخ يـوم انكسـاري شامخ ولو غنـى عـدّوي مواويـل= ابقى ويسمو مـع سمّـوي وقـاري عبّـرت تعبيـر النـدى للاكالـيـل= شعـرن يوصلنـي لـرد اعتبـاري يطير فـي جـوي فـراش التعاليـل= وانا بسـوق العـز بايـع وشـاري نرسل بصدق الشعرنص المراسيـل= مـورث بـدوٍ لاقريتـه حـضـاري نكتب ونرسم فكـر ونثقّـف الجيـل= ونفرق اصيـل المفـرده والتجـاري في عالـمٍ كلـه مجامـل وتطبيـل= فيـه الهبـوب العاتيـه والـذواري بس العمر مافيـه مهلـه وتأجيـل= لوكان طاولـت الزمـن بانتظـاري لابد بعـد النـور يجتاحـك الليـل= وتبـدا تنـادي ياطويـل المسـاري |
|
08-28-2010, 01:15 AM | #4 |
شــاعرهـ_اداريه |
ريــــــاح الــــوقــــت
http://www.b3b7.com/vb/showthread.php?t=75738 الحلم يبعد كل ماامشيله شوي= هبت رياح الوقـت واظلـم سمايـا امشي وادور شمعتي باشعله ضـي = في درب ماسـرن وخيـب رجايـا دنيا تسوق القلب وان قلته لـه عـي = قـال الزمـن ماهوبكيـف الطنايـا لوتمشي الدنيـا وتسمـع وتصغـي = ماضـاع حـق ولاتبـدل نـوايـا امشي بحر الشمس عن لاهب الفـي = ابي (الشقيق) ورحت سبت العلايـا اقول شـي وخاطـري وده بشـي = واستـر علومـي لاتجيكـم عرايـا واكتب وافضفض للورق وانت ياخي = لاتستمـع لاخبـار راع الوشـايـا اسمع وانا باقولك عن جبـل طـي = شي نسـاه الوقـت بيـن الزوايـا قصه عرب يوم المـوارد بهـا ري = تسقي الحلوق الناشفـات الضمايـا يوم الجوارح صيدهـا تاكلـه نـي = تاخـذ وتعطـي للزمـان البقـايـا قصه جنايز سولفت عـن خبرحـي = وصاغت تفاصيل الليالـي حكايـا وصحت قلوبن جرحها كان مخفـي = بين الضلوع وهيمنت فـي حشايـا وحتي الجروح اللي غدى طبهاكـي = زادت وسادت واسرفت فـي عنايـا قلت ارقدي ياعين وش جابهـم لـي = وش جاب طاري سربتك والسرايـا وش عـاد لوناديتهـم يابعـد حـي = ماحـدن تسّمـع لويطّـول نـدايـا حلمن رجـع للبـال لوكـان منفـي = يـزور والا فـي مراسـم عزايـا حلمن قديم وكـل ماامشيلـه شـوي = هبت رياح الوقـت واظلـم سمايـا |
|
08-28-2010, 01:18 AM | #5 |
شــاعرهـ_اداريه |
يافتى الجود http://www.b3b7.com/vb/showthread.php?t=73055 يافتى الجود شرق يافتى الجود= . واركب الصعب يارجل المهمات مابقى صبر لكن انت موجود= .تنتخيلي اليامن جتك الاصوات اركب اللي صنعهاصانع سكود= .مركب العز في عصر الحضارات اكفخ بليل لامن ذعذع النود= .ودع جبال شمّر بس بسكات لابةٍ عزها محمود مشهود= .طيبهم لاح في راس الطويلات خاطري ماش يامشكاي ملهود= .مابقى للحكي والضحك لذات كل ماجيت دربٍ صار مسدود= .مابقالي مدار ولا اتجاهات وصل العلم صار الوقت محدود= .وانت عاد احفظ اللي بالملفات وانت طبعا مع اهل الطيب موعود= .بانتظارك حزامي بالصعيبات خبره بالخبروالعلم مردود= .رووس الاقلام يقرونه مشتات وان قراها يبي يعطيني الفود= .شاعرن قرم ما تعصاه الابيات يابوصالح وانا للنقص والزود= .ضعت مابين تحديد المسارات حي موجود لكن وين مفقود= .بين صوت الحياة وصوت الاموات عقد الايام فيها شرط وبنود= .والسما زينت صدره مجرات حظي اقول والاايامي السود= .كلها يالسنافي مالها اثبات وقصتي يمكم ماارسلتها كود= .اخذ الرد وافي منك بالذات |
|
08-28-2010, 01:22 AM | #6 |
شــاعرهـ_اداريه |
بـــــلاد الـــعـــجـــايـــب
http://www.b3b7.com/vb/showthread.php?t=70632 اركب على اللي صنّعوه النصـارى = الياسرى تقضي ديـون وطلايـب اسهرمعه جرّب حيـاة السهـارى = في ليلةٍ شفـت العنـا والنكايـب داره لـوان الوقـت ماينـتـدارى = الليـل ظلمـا والقمركـان غايـب خله يمـاري لامشـى واستـدارى = تقول صابت لوبدى الحـظ خايـب قالو شبح دام الشبـح مايجـارى = يرضي طموح اللي يبي للسحايـب اغرى نجوم الليل صارت تبـارى = في تندته كانـت بـلا د العجايـب يرسي مع السيدين وسط المسارى = يعزف كمنجـة ياحبايـب حبايـب في سكبته عز وجنـون ووقـارى = كـن المسافـه ياخـذه بالنهايـب احيان يطري طـاري الانتحـارى = يغريك لوانك مـن الـدرب هايـب سافر وانا عقبك علـي انتظـارى = ابتحـرى وانـت يالقـرم نايـب ياسايقه هـاذي صغـار الكبـارى = علـوم ماعرضتـهـا للـزلايـب اكنهـا عـن خايبيـن الـقـرارى = اللي يزيـدون النشايـب نشايـب متخلفين عـن سلـوم وحضـارى = يمشون في ركـبٍ بليـا ركايـب عطه الـذي ماحيرتـه الحيـارى = ينبيك عن علم الغريـب الغرايـب هذاك في وقـت اللـزم ماتـوارى = يكفيك لاكثـرت عليـك النوايـب حط الكرم والجود دايـم شعـارى = تلقاه في وقت الرخـا والمصايـب اخوي دايـم باللـزم مستشـارى = عندي ويسوى الاجنبي والقرايـب الوقت يسقيني بكـاس المـرارى = اسوق ميلاتـه زكـاة وضرايـب ارقا مسّنـد والزمـن بانحـدارى = متمسكٍ في حبـل والحبـل ذايـب والعمر يجري والحرايق شـرارى = خايف تولـع بالضميـر اللهايـب وكواكبي مالـه مسـار ومـدارى = وعيّت تساعدني عليهـا الهبايـب اسهب وانا اللي عاشق الاختصارى = واموت لكن دون قبـر ونصايـب الحلم مايشبـع بطـون الفقـارى = و ماكل حكمه مصدره كان شايـب لاجيـت اعبـر ماتوفـي عبـارى = شاب والورق والشعرعبا الحقايب رديت للقفيـان بعـض اعتبـارى = افوز في لحظات شفـت الغلايـب جتك البيوت اللي مساهـا نهـارى = تخبرك عن سر الجروح العطايـب واقبل سلامي والبيوت القصـارى = عسى زمانك وين مارحت طايـب حرفٍ كتبته والخلايـق سهـارى = عساي من ذنبه اجي يـوم تايـب |
|
09-13-2010, 12:00 AM | #7 |
شــاعرهـ_اداريه |
طلال الرشيد \\ دموع حائل
http://www.b3b7.com/vb/showthread.php?t=79698 مل قلب غدى بين الحنايـا يلـوج = والله اني ماالومه لويزيد النحيـب صرت من لوجته انوح مثل الخلوج = يوم قفى حواره يسحبونه صويـب جاني العلم ماصدقت كثر الهـروج = قلت يمكن اشاعه من ردي النصيب شلني ماسمعته والقـدم ماتـدوج = في مكاني ودمعي فوق خدي صبيب اشهدان المنايـا شيدتلـه بـروج = في سمانا وصرنا للمراثي نجيـب التطم بالضماير كل ساحل ومـوج = كيف جرح الطنايا عقب موته يطيب مات راع الطويله مستفيض النتوج = مستميل الهمم راع القلم والاديـب راح واقفت ركابه يوم حان الخروج = مات شيخ الطنايا والمنايا تصيـب وهلت دموع حائل بالمحاجر تروج = صار ينعي فراقه الخوي والغريـب وخيم الحزن كله والتصاريف عوج = جعل ربي يعوضه بالجنان الرطيب والمشاعر عظيمه والمثايل تهـوج = والقدر بامر ربه لاامربـه يصيـب |
|
09-27-2010, 12:12 AM | #8 |
شــاعرهـ_اداريه |
هيـه ياللـي كـل ماامرحـت سّرتـك الهبايـب= مايـلـيـق الـلــي تـسـويـه فـيـنـي مـايـلـيـق هاجسي بشويش بشويش ماهي بالغصايب= هــــــد لاتــرمــيــك الافكاربالبـيـرالـعـمـيـق ودي اهـنـدم معانـيـك وارقـيــك السـحـايـب= وحبـل وصلـك قبـل فرقـاك ياشعـري وثيـق وفي طريقك خـل الافكـار ساحـات العجايـب= ترتـسـم مـثــل الـمـجـرات لاطـلّــت بـريــق لاجـل شاعريملـك الـحـب مايمـلـك حبـايـب= في عيونه خطـوة الشـوق ماتعـرف طريـق وش تذكرفي (ضحى العيد )يوم العيد غايب= وش لبـس غيرالمعـانـاة والـجـرح العتـيـق ياوهـج! لـولاك .لـولاك. نادمـت المصايـب= بــس لاشفـتـك تنـاسـيـت نـــار المنجـنـيـق فيك مني ..نفس الاطـوار.. لوانـه غرايـب= وفيك عني ..عطرالازهار..يحكيه الرحيـق ايـه دارينـي عـن النـاس وعيـون القـرايـب= مابـقـا غـيـرك مــن الــود يــاودي صـديــق اضحكي بيطيب جرحي ولـو ماكنـت طايـب= طالـعـي خـلـف الكوالـيـس تلقيـنـي رقـيــق انتـظـر كــل المـحـطـات والـرحّــال غـايــب= والبـحـر لـوشـال مـاشـال مايـنـقـذ غـريــق والبواخرمـالـهـا غـيــر تمـجـيـد الـهـبـايـب= قبل ترقد بيـن الامـواج واحضـان المضيـق في ضلوعي طيـش الاطفـال ماربـاه شايـب= ودي احـلـم لـكـن اخـــاف ياحـلـمـي افـيــق |
|
11-04-2010, 01:34 PM | #9 |
شــاعرهـ_اداريه |
فوضى فتاوي
http://www.b3b7.com/vb/showthread.php?t=82766 يامسندي يابو لمـا والسهـر شيـن= خصٍ علـى عيـن الوحيـد الخـلاوي يصيرهـذا (الكـون) مابيـن قوسيـن= وذيب الخلا بيـن المحاديـب عـاوي قدامـي امـال ومسـافـه وسيـديـن= قـريــب لـوانــي بـعـيـد الـحــراوي ودورّت لـي مرفـى يضـم المحبيـن= يربت على متن الحزين الشقـاوي حتى اليـا منـه غـدى الليـل ليليـن= احييـت غصـن الشعرلـوكـان ذاوي في فندق النجمه طريق البساتيـن= عزلت نفسي عن ضجيج القهاوي عندي ولاعندي من النـاس غاليـن= وعن ذكر مايخفى قصيدي حيـاوي عندي بلح هندي وخوخه وسكيـن= وكشكول فيه الحرف زاهد وغـاوي ارحل وانا مدري مسافرعلـى ويـن= ياشينها لاسرت عكـس الخطـاوي رحلـه غموضـي تستفـز العنـاويـن= ويصيرصـوت الحـق خـافـت و داوي صعبه اليا شفت القيم والمضاميـن= تـمـوت بيـديـن الطبـيـب الـمـداوي وصعبه تقول الشعـر نـزوة مجانيـن= تمجيـد ذات ومومـسـات وعــزاوي يرمى كذا مـن دون قيمـه وتثميـن= حتى اصبح الشاعررهين الرشاوي مـانـي مــدوّر للحـقـايـق بـراهـيـن= مـادامـت الاقــدار بـآمـرٍ سـمــاوي الـحـر مـالـه يـاولــد غـيــر ثنـتـيـن= وغـيـره فــلا والله يـدعـى نـــداوي امــا حـيـاة الـعـز بـيــن العـزيـزيـن= والا يـهـاجـر لويـسـمـى جــــلاوي نـعـم هـنـا تلـقـى امـــر الامّـريــن= وتسـقـط تـواريـخٍ وتصـعـد مـنـاوي في عصر تلفحنا سمـوم المعاديـن= صـرنــا نـقــدم للـضـيـاع الاتــــاوي امـه بعـد( فتـح المدائـن) وحطيـن= اطـلال والمـجـد الجـديـد متـهـاوي كاتـب يطالـب بانقـسـام وفريقـيـن= واعــلام صـوّرنـا فـسـاد وغـنــاوي افكارهـم تغرّيـب والنـهـج تهجـيـن= حـتـى يـكـون مصابـنـا بالتـسـاوي يـعـنــي تـحـررلاثـوابـت ولاديـــــن= تمثـال مـن كـل المضاميـن خـاوي والعكس تصبح انغلاقي ومسكيـن= مجـرم وترفـع للسـلام المـسـاوي ارهابـي المبـدا رفـيـق الشياطـيـن= مصـنـع لتفـريـخ الفـتـن والـبـلاوي تفكيرصهيـونـي لـهــدم القـوانـيـن= وتشتيـت للكلمـه وفوضـى فتـاوي لكـن ولـو طـالـت ومـالـت مـوازيـن= لابديضوي في دجى الليـل ضـاوي للمـجـد تـالـي للشـعـارات تـآبـيـن= تطـيـح رووس ولاتطـيـح الغـطـاوي دون امتهان العـرض نصبـح براكيـن= حتى نشم الموت من عـود جـاوي وان طال هذا الليل تبقى لنـا عيـن= رجـــاه بالله مـاتـخـيـب الــرجــاوي يشيـل حـمـلٍ جارويـسـدد الـديـن= اللي قضى حكمه على كل قـاوي |
|
11-20-2010, 12:58 PM | #10 |
شــاعرهـ_اداريه |
لايهمك سعيّد .لوقريته.سعيد
http://www.b3b7.com/vb/showthread.php?t=83456 ياقصيدي علي الطاروق هات المفيـد = بيني وبينـك العشـره طويلـة امـد وسع الخاطر المكسور واكتـب جديـد = الحزن ياقصيـدي بالضميـر استبـد ولايهمـك سعيّـد لوقريتـه سعـيـد = كلها اسما والاسما ماتجيـب السعـد خلنا في ليـال العيـد نجلـس بعيـد = عن عيون الخلايق ياقصيـدي نصـد هب ياجرحي اللي كـل ماحـل عيـد = قام ينزف وكنه مـن جديـد استجـد وصرت في كون ثاني بس جالس وحيد = بـس انـا والقصايـد مانكلـم احـد كل ماطـال بعـده قـام حبـه يزيـد = بـس صابـر وصابروالليالـي تعـد كل عيدٍ يمـرن قلـت ويـن العنيـد = بـس ذكـرى اليمـه عيدنـا ياحمـد ساعدوني ابنسى ذكرها ويـش يفيـد = بس ضيقه وعبـره واكتئـاب ونكـد ليت شعري يسلي كان قلـت القصيـد = لين تبرى جروحي والهواجـس تشـد بس ياللـي ببالـي لوتسافـر بعيـد = دونك العمر وحشه كـن مابـه احـد |
|
02-17-2011, 03:04 PM | #11 |
شــاعرهـ_اداريه |
ابو زنه
http://www.b3b7.com/vb/showthread.php?t=88019 بعض الصداقات ماله ياحمـد داعـي= تمر مثـل السحـاب بلاهـب الكنـه ماخّايله ياحمـد شـاوي ولاراعـي= الله يعيـن العيـون اللـي تمنّـنـه تعبت اجامل زمانـي وانكراوجاعـي= اشعلت ضـوي لغيـري يالله الجنـه ياكثرهم ياحمـد لوبحسـب اتباعـي= ابحرت في عالمٍ جيتـه علـى ظنـه عطيتهم فوق صاع الشعرمن صاعي= طيبٍ ورثتـه وراثـه مابهـا منـه والشعر من فضل ربي يعكس اطباعي= حتى ولوجلجلت في صـدري الونـه ماني على بعض الارياءدوم مطواعي= لي منهجٍ مايخالـف منهـج السنـه كم ليلة شفت يامشكـاي مصراعـي= ناسٍ على السر والمحظـور منجنـه والطيب ينعاه في هذا الزمن ناعـي= ولاعاد تشفق علـى هيلـه ولابنـه في مجتمع بالنميمه والخطا ساعـي= وابليس يرعى ذلول الشـر ويعنّـه ياكثر مامر علـمٍ يجـرح اسماعـي= واقول خله ياعلـه حـظ ابـو زنـه |
|
02-26-2011, 11:40 PM | #12 |
شــاعرهـ_اداريه |
طل الصباح ...بحضور الملك عبدالله
http://www.b3b7.com/vb/showthread.php?t=88817 نورٍ جلى عن ظلمـة الليـل جلبـاب=
وطل الصباح اللي بالافـراح معمـور والشعر لو انه حجـر كـان ينسـاب= يذوب من شوقه احاسيـس وشعـور وشلون دام ان الـولاء روح والبـاب= مااسرج من القيفان واشعل من النور شعرٍ يغنينـي علـى عـود زريـاب= ويقرا على الدنيـا ترانيـم طاغـور هذا ملك! والا بـلا.. مـدح والقـاب= الصدق يقرا دون تفسيـر وسطـور الشعب حبه (صدق)والحـب غـلاب= دايم بذكرك وانـت بالخيـر مذكـور عدلت واحبطت الجرايـم والارهـاب= وجبرت في عطفك اسى كل مكسـور من يوم رحت وخافق الشعب منصاب= طالع وشف رسمك بالاعماق محفـور ذهبت فـي رحلـه لـه رد وايجـاب= وشفناك عقب السقم عافي ومسـرور غايب وفي صدر الملاييـن ماغـاب= هذا الغياب اللي مواصيـل وحضـور جمعت من حبـك قريبيـن واجنـاب= اجمع عليك الشعب والامـر بالشـور لاجلك يابومتعـب بلاقيـد وحسـاب= نفديك واللـي صـد ماهـو بمعـذور شعبك وفي والخير باطراف الاسبـاب= وايامنـا (دونـك) مسـا حاتهابـور واللي رخص بعيون شعبـه ولاهـاب= اليوم دمـه بيـن الاقطـار مهـدور والا انت ماارخصت الوطن لاجل كذاب= والشعب من عطفك مرّفـه وميسـور يوم الدول صارت رهينـه للاحـزاب= حنا لنا شرع الولـي خيـر دستـور حزبك ترى شعبك على كيد الاغـراب= دون الوطن ندحر طغى كـل مغـرور كان الولاء زلّه ترى الشعـب ماتـاب= يبقى على عهدك بلا ضعف وقصـور وان طبت كل الشعب ياسيدي طـاب= شفهم على باب المطـارات طابـور نخيل وصلك (مزن) والمزن سكـاب= احسـاس صـادق لاتملـق ولا زور |
|
06-28-2011, 11:03 PM | #13 |
شــاعرهـ_اداريه |
ياوطـن فينـا مخـرب وفينـا عابثيـن=
كل مانامت عيونك صحو ظلـم و ظـلام ياوطـن محـدٍ تكلـم سواهـم حاقديـن= ناس فيهم من قبل قـرن تضليـل الانـام قال طارق قلت والقول قـول المغرضيـن= المريض اللي رمى الحرب في وجه السلام مابقى ياموطن العـز غيـر الخارجيـن= يطعنونك فـي شمالـك بتشتيـت النظـام وانت حدٍ عن حـدوك تضـد المعتديـن= كم شهيدٍ يلبس المـوت تعظيـم ووسـام وعن جنوبك حدث المجد والقاسـي يليـن= عن رجالٍ له بالامجـاد تاريـخ ومقـام ان حكـو ماتسمـع الشربيـن العالميـن= يصمتون اهل الشعارات واهل الانفصـام ياوطن وقلوبهـم سـود والخافـي يبيـن= ناس تزرع حقد الايـام غيـره وانتقـام البلـد يكفيـه ماجـاه نـار وموقـديـن= شف روافض مذهب الرجس تزوير وكلام كيف ترمى بنت ابي بكـر ام المؤمنيـن= من معمم يلبـس الـذل لعيـون الحـرام وكيف نـادو شلـة العارنـادو ياحنيـن= النشـاز اللـي يعـادون مبـدا الالتـزام مادرو عن شعب واحد بوجـه المفسديـن= الخوارج نهجهـم بـس فرقـه وانقسـام الله اللي فـاوت النـاس خيـر الخالقيـن= لاجل نعرف موقع الخف وحـدود السنـام |
|
08-01-2011, 12:33 AM | #14 |
شــاعرهـ_اداريه |
العواقب .وخيمه.بس ..مشـــتـاقــلك
http://www.b3b7.com/vb/showthread.php?t=94640 قلبي اللي يمشيني علـى بيتكـم =
العواقب وخيمه بـس مشتاقلـك يبتدي عمر الثاني اليـا جيتكـم = انت روحي حبيبي صدق مااجاملك اتحسرعلى الي فـات مااغليتكـم= كنت ميت حبيبي قبـل مااقابلـك الدلع ذاع صيته ذاع من صيتكـم= يادعايه جمال الكون من ياصلـك انت رمز الانوثـه بـس ياليتكـم= تعرف ان المواصل يعني مواصلك زين لو مااحبك كـان مااهديتكـم= شعري اللي سمابي قلت يستاهلك ادري اني مضيـع يـوم حبيتكـم= كنت مجنون والله بس مرتاحلـك لويجيبك خيالـي كـان ناديتكـم= ولوتقاس المشاعر انت من عادلك غار ورد الحدايق يـوم ناجيتكـم= ارتبك من صفاتك قـال بغازلـك كانت احلي ليالي يـوم ضميتكـم= كنتي اروع مدينه ضمها ساحلـك في هذيك الليالي ويش سميتكـم= قرة العين مدري روح من ذابلـك ياحروف القصايد يـوم وصيتكـم= اجمعي كل فكره واوصفي راحلـك قولي ان المحبـه جابتـه بيتكـم= وغير هذا وهذا كـان مشتاقلـك |
|
10-13-2011, 04:19 PM | #15 |
شــاعرهـ_اداريه |
غيبة الحر
http://www.b3b7.com/vb/showthread.php?t=97587 ياصاحبي عن دعوتـك والمشاريـه= اقرا تفاصيل الجمل قبـل الاعـراب ماني جرير ولاانـت نـادر قوافيـه= شتان لاقلنـا مواقيـف واصحـاب اللي ضمى صكـات الايـام ترويـه= واللي روى ماله مشاريه وعتـاب يعني بلا يامدور الصـدق تشويـه= ارسم لي الصوره ترى الصوت جذاب بعض القلوب اللي حسدها تواريـه= اليوم ثلـج الحسـد ياصاحبـي ذاب معاد باقـي بالعـرب مـن نداريـه= ولاني مجامل كل مغـرض وكـذاب حتى القريب اللي عرفنـا خوافيـه= ماله بصدري يابن الاجواد ترحـاب اللـي ظنونـه للرخيصـه توديـه= عكس الرجال اللي يفكون الارقـاب وقـتٍ يعاندنـا ويخلـف مبـاديـه= يتعب وانا بتعـب بتفنيـد الاسبـاب عالم يحيّـر ناشـده مـن بلاويـه= تعبت ادور للوفـاء بنـك وحسـاب طال الطريق وقلـت ياعاذلـي ليـه= تسدل علي من ضيق الايام جلبـاب وتنشد وانا قلبي بصـدري مربيـه= على الوفا لوكان ضايـق ومرتـاب ياما عطيتـه قبـل الايـام تعطيـه= درسٍ يكرّس غيبـة الحـر لاغـاب والشعرمايصلـح الياصارقـاريـه= رجعي ولايفتـح للافكـار الابـواب اللي يصيب الصدق مـره ويخطيـه= يسري ظلام الليـل تايـه وحطـاب حظه علـى هـم الليالـي موديـه= مسرف وعن درب المتاهات ماتاب يبقى على غيـه والاوهـام تكويـه= ويذوق ظلم الوقت تغريب وارهـاب هـذي حياتـه لاتقولـون يمديـه= لاخاب حظ الطيب راعيـه ماخـاب |
|
الذين يشاهدون محتوى الموضوع الآن : 3 ( الأعضاء 0 والزوار 3) | |
(عرض الكل) الاعضاء الذين شاهدو هذا الموضوع: 53 | |
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , |
|
|