* اسكن مع اهل زوجي ...
هنا وقتها في امور لابد من التركيز عليها
هي بسيطه وامور عاديه ولكن لها الأثر الكبير
وترفع قدرك عندهم ...
- رحبي فيها لأقبلت عليك او بوسي راسها ويدها ...
- خلي لك دور في المنزل وكانك صاحبته .. " مو بالأوامر والنواهي وفرض الأمور فرض "
اعداد الوجبات الغذائيه ومو شرط كلها وتكرفين عمرك
ولو صارت كلها مو عيب واجبك
اعداد يوم من الأيام اطباق حلى ..
اشتهي لأم زوجك طبق تحبه وحاولي تريحينها في اكلها ...
فيها سكر او ضغط او غيره راعي هالشي ...
* اسكن منفصله عن اهل زوجي ..
فيه امور برظو لو سويتيها وهي بسيطه مرح تاخذ منك وقت
رح تشفع لك وتقربك منها كثير ووتحبك
- اتصلي عليها يوميا تطمني عنها " كلها مسألة 5 دقايق مهب لازم تهذرين نص ساعه "
- احضري معك طبق عند زيارتهم ومو شرط كل مره بس كبادره حلوه منك
- تذكريها بالهدايا حتى لو شي بسيط زي ماذكرت اول ..
- افقديها لاغابت عنك او كانت مريضه وحاولي مواساتها و طمانتها على صحتها ورفع معنوياتها
* ام زوجي شريره ..
كيف في هالحاله نعالج الموضوع ..؟؟
احسن حل " لااسمع لا ارى لااتكلم "
انسي وتجاهلي واصفحي عن اي تصرف او كلمه تبدر منها مسيئه لك ..
صحيح الأمر مزعج في بداية الأمر وراح
تخزنين طاقات سلبيه بداخلك وقهر وألم ..
بس تحملي ومابعد الصبر إلا الفرج ..
نهايتها بتحس انك بنت والنعم منك وانك
لاتستحقين كل هالشي اللي تسويه..
وبالأخير بتكونين انتي الصالحه الطيبه
وهي بتحس بشرها المشرشر وتغير معاملتها لك
ويمكن انتي سبب من اسباب تغيرها مستقبلا وتبدل طباعها
في نظريه روعه وانا أؤمن بها
" لايعالج الشر بالشر والخبيث بالخبيث "
بل " يعالج الشر بالخير والخبيث بالطيب "
بصور لكم مثال ...
الأسد مافي اشر منه ولا اشرس ويقدرون يروضونه ..
الأفعى مافي اسم منها واخبث ويقدرون يروضونها ..
هذا وهم حيوانات الله يكرمكم ..
كيف البشر ؟؟
اللي له قلب يليــــــن بالكلمه الطيبه
واحتسبي الأجر عند الله وزوجك
اهم شي " حاضر , سمي , ابشري , من عيوني "
هالكلمات والله وربي تلين الصخر ..
حتى زوجك بتكون نظرته لك غير
وحتى اهل زوجك بيحترمونك وهم
يشوفون الفرق الشاسع بين تعاملك معها وتعاملها معك
من جد بيكون فرق ..
ولو لا قدر الله صار مشكله بينك وبينها
او مشكله بينك وبين زوجك راح تلاقين كل البيت
واقف معاك بسبب طيبك واحترامك
لأنك فرضتي احترامك عليهم كلهم بأسلوبك ...
اما اسلوب وحده بوحده هذي ماتمشي
بترجع لك مع الوقت..
سوي لها الأكلات اللي تبيها اعرفي
اللي تحبه من اشياء وقدميها لها هديه
" تهادوا تحابوا "
الهديه مفعلوها عجيب يابنات
يمكن لاجبتي هديه تقط عليك كلمتين
مو حلوين او تنغز وتلمح بالكلام
أنتي" قل خيرا او اصمت "
لو تحسين انها من النوع اللي لارديتي تزيد وقفي لاتردين
عليها حتى لو رد يجرح
ولا حتى تقولين " جزاك الله خير" هالنوع من الأمهات
تثور وتحس الكلام الموجه لها تغز او مسبه او تلميح
فاسكتي احسن لك من زود المشاكل
وان كانت من النوع اللي يسكت من كلمه ولا يرادد
او يفسر غلط وقتها ردي بكلمات حلوه
" جزاك الله خير .. تمونين .. افداك انا "
بس هذا اللي قدرت اكتبه وأن شاء الله اقدر افيد احد فيه
بس قبل كل شيء تذكروا ان ام الزوج ام
وكبيرة بالعمر والناس بالعمر الكبير حساسيتهم
لاي شيء تزيد ودمعتهم تنزل بسرعة
احسني معاملة ام زوجك لان انت بكرى
جايك الدور وبتكوني ام زوج
والله يوفق كل متزوجة ومخطوبة ويرزق اللي ماتزوجت
ملاحظة مهمة //
آنتبهي آنك تستغلين حب ام زوجك لولدها
اللي هو زوجك وتزيدين بآذلالها واحتقارها
لان بعض الامهات تسكت عن مشاكل
الزوجة خوفا على مشاعر ولدها ،، ليش انت
ماتكوني حريصة مثلها على مشاعره
وقبل ماتتزوجين فكري آنك قبل ماتتزوجين
زوجك فانت راح تاخذين اهله واخوانه وخواته معه
فاحترميهم وقدريهم قبل كل شيء
روح آلسمآء