| | طريق آلذكــرى | |

أنا والذكرى وعيونك وقلبـي العاشـق المغـرم
وخامسنا الطريق اللي خذلنا وانتهى المشـوار

بقيت اتأمل ادروبـك واحـس الخطـوه تتكلـم
تعيد اقدامـك الموعـد وتنبـت باللقـا أزهـار

تجيني بضحكة اسنيني ووجهك طفـل يتبسَّـم
يناديني ويركض لـي والمـه والحـزن ينهـار

حبيبي كنت[ انا وياك] هنا وكنـي معـك أحلـم
وصحيت اليوم[ انا وحدي] انادي لك وعقلي طار

على نفس الطريق اليوم بقيـت وقلبـي يتألـم
ويسألني بكل حرقه أمانه بس شاللـي صـار !

شقول لقلبي علمني أخـاف ان قلـت يتحطـم
واخاف انه بعد يدري وكَـذَّب قلبـه المحتـار!!

أقول اني أنـا ويـاك خذلنـا الوقـت مايرحـم
وعجَّل ساعة الفرقا بـدون اسبـاب شالأعـذار

او ان الموعد الـوردي حلـم عابـر ولا تمَّـم
خطفنا برقته واحنا رهايـن حـب كنـا صغـار

كبرنا بشوق مانـدري متـى نتلاقـى ونسلَّـم
ونحضن مابقى فينا ونحصد صبرنـا باصـرار

وتلاقينا علـى غفلـة قـدر صالحنـا واتنـدَّم
خذلنا من جديد اشلون تركنـا نحتـرق بالنـار

غصب عنا بنتوادع ونمشي الدرب لـو مظلـم
سكنَّـا بالحلـم ليلـه صحينـا مالقينـا الـدار

طريق الذكرى يجمعنا ودمـع الشـوق بيترجـم
روايتنا بكل عاشق مفـارق مـن قبـل يختـار

عزاه الصبر لـو إنـه تجـرع دمعتـه علقـم
عزاه انه لقـى نفسـه وحبـه عانـد الأقـدار

أنا قلبي مهو امصدق واخاف ان قلـت اتلعثـم
ويعرف قصتي وياك! حقيقـه أصبحـت تذكـار

بسوي نفسي ما أدري واقول الله هـو الأعلـم
إذا شفته او انه كان حلم وردي صحيت وطار !







على الجرح
أتمنى ترتقي لذآئقتكم



لكم ودي

راق لي ماطرحته هناااا

الف شكر لك

مودتي /

غصب عنا بنتوادع ونمشي الدرب لـو مظلـم
سكنَّـا بالحلـم ليلـه صحينـا مالقينـا الـدار

طريق الذكرى يجمعنا ودمـع الشـوق بيترجـم
روايتنا بكل عاشق مفـارق مـن قبـل يختـار



قمه في الروووعه

يسلمووو يالغلاء

بدون إسم
حبي طلآل

شآكره لكم توآجدكم

يسلم قلبك على نقلك
الرائع
صح قلبك وكلك ولسان شاعرها

تقديرى

عبث طفله
انتقاء جميل ..
وذآئقه مختلفه ..
سلمتِ وسلمت لنآ آناملك ,,
ودمتِ بفرح
ودي ,,

صح ألسان الشاعر ويدين الناقل.
وتسلمين
على حسن الأختيار.
تقبلي مني أجمل التحيا،،،