أبي حبّـك , وأبـي قربـك , وأبـي ( لبّيـه ) يالبّـاك

غريبه يامعاندنـي , تجـي واتقـول جـاك امـنـاك

تجـي يوميـن ثـم تبعـد , وقصـدك بـس تذبحنـي


غريبـه كـل هالعالـم , تلفّـه لــف فــي يمـنـاك
ولا لك بيـن كـل النـاس , غيـري وانـت خابرنـي


تعوّذ من بليـس وهـاك , دام القلـب , راضـي هـاك
( حبيب ) القلب واسكن ( نبضه ) , واحتـل واشربنـي


أنـا والله لـولا الله , وخوفـه قلـت لجـل ارضــاك
وحبّـك جيـت فـي الدنيـا , ومِـنـك الله خالقـنـي


أنا يجتاحني رجفه , لو اسمـع بـس , وقـع اخطـاك
اجل وش عاد لـو شفتـك ؟؟ , حشـا , والله تموتنـي


أنا لو سلهمت عينك , بعينـي , قلـت لـك ( نفـداك )
أنـا داخــل بـوجـه الله , ووجـهـك لا تضيّعـنـي


انا من وين ماوجهـت وجهـي , فـي الوجيـه ألقـاك
أحـس انـك تبعثرنـي , ولا ادري كيـف تجمعـنـي


أجي لك شرق يسرقنـي , جنوبـك , وانسحـب منّـاك
وأجي لك غرب يسرقنـي , غروبـك وانـت تشرقنـي


انّـك معـي دايـم , واتـوه بعالمـك واحيـاك ]
وافوق احيان واتسائـل , لـك الله كيـف سخّرنـي ؟؟


تفاخر ( لعنبوا غيرك ) , ترى غيـرك , يمـوت اهنـاك
وربـي ينتظـر كلمـه , وأصــد وهــو يكلمـنـي


ومادام الله عطا لـك شـي , فاشكـر واغتنـم ماجـاك
ومـادام اتشوفنـي ساكـن , نصيـحـه لاتحرّكـنـي


أنا لو قلت لك بانسـى , ورب البيـت , صـدق انسـاك
لذا : , لـو شفتنـي بانسـى , فانـا طالبـك تمنعنـي


واذا قـررت تمنعنـي , وشفـت ان القـرار أعـيـاك
مـا بيـك اتقـول وش تبغـى , تـرى والله تضايقنـي


انا أبغى ؟؟ , قول وش ما ابغى !!, على بعضك كذا أبغاك
ولعيـونـك , باخرّبـهـا , واذا مجـنـون قـيّـدنـي


أبيه ايصير فـي عينـي , منامـك والرمـوش اغطـاك
وأبيه ايصير فـي عينـك , منامـي وانـت تسهرنـي


أبي حبّـك , وأبـي قربـك , وأبـي ( لبّيـه ) يالبّـاك
أبي ضمّك , وأبي شمّك , وأبـي لـو طلـت تجرحنـي


أبيـك ان قالـوا الشاعـر , تقـوم اتـفـز دون ادراك
أبيك اتحس بـي دايـم , أنـا اقصـد وانـت تسمعنـي ,


وقـل مجنـون لا يسمـع , ولا يفقـه , وانـا اتحـدّاك
ايلا منّي نويت انسـى , باشـوف اشلـون تمنعنـي !!

روان ------------- الله الله على الحرف المتمرد والاحساس الراقي الجميل
قصيدة جزله تستحق التصفح اكثر من مرة ومرات


تفاخر ( لعنبوا غيرك ) , ترى غيـرك , يمـوت اهنـاك
وربـي ينتظـر كلمـه , وأصــد وهــو يكلمـنـي


،
،
،
أبيه ايصير فـي عينـي , منامـك والرمـوش اغطـاك
وأبيه ايصير فـي عينـك , منامـي وانـت تسهرنـي

قصيدة رائعة
وعذبة الاحساس

سلمت ِ على الانتقاء الجميل
وسلمت روحك وكلك ..


تنقل للقسم المناسب

انتقاء رائع

ومنوره القسم

سلم حسك وذوقك..

انتقااااااااااااء جميل

الف شكر لك


ودي /

حضور جميل
وانتقاء مميز
يعطيك الف عافيه
باانتظار حضوراً كهذا مميز
دمتي بـــــألفـــ خير

انتقاء رائع
ينم عن ذوق رفيع
بأنتظار جديدك ~

كلمات في قمة الروووعه

يعطيج العافيه