قصيدة جزل القصايد

كل نشد يا عناد وش هو جديدك *** من القصايد والبيوت الفرايد

لنا زمانٍ ما سمعنا قصيدك *** وانته معودنا بجزل القصايد

يا هاجسي لا من تشجعت اريدك ***ما تقنع إلا بالبيوت الشرايد

مشيك مع أصحاب الفضيلة يزيدك*** لا تصحب ألا مثلهم والسنايد

وبعض العرب لا تحسبه من رصيدك*** ينقص مع الأيام ما هو بزايد

واللي فحزات الرخا ما يفيدك*** لا تعتزيبه في نهار الشدايد

ما كل من جا في يمينك عضيدك***ولا كل من يفزع يجيب الفوايد

ولا كل من لك حاجة فيه سيدك*** لو كان هذا الوضع فالناس سايد

ومن لا يشارك الفرح يوم عيدك*** في يوم عيده لا تجيله معايد

واللي لياجات المواقف يكيدك***أهل المكايد جازهم بالمكايد

واعرف ترى مر الليالي يبيدك***ما من جديد إلا مع الوقت بايد

منقوله

نص فائق الجمال والجزاله
سلمت يداك للاختيار الراقي
دمت بفرح ,,

انتقاء رائع

سلم ذوووقك واحساسك

الله يعطيك العافيه..

سلمت الذايقه الفائقه

ودي

سلمت وطال عمرك وصح لسان شاعرها
قصيده راقت لي

قَصيدَه رَآئِعه
سَلِمَتَ لنّآ وَ سَلِمَ ذوقك الرّفيعِ
آمتِنآنيْ ../

أنتقاء جميل وراائع

تسلم يمناك ولاهنت..

يعطيك العافيه
بأنتظار جديدك ~

ياسلام علييييييييييك
أبيات في قمة الرؤؤؤؤؤؤؤعه..
.. تسلم هالانامل.. والله.
الله يعطيكـ.. الف.. عافيه.. وماننحرم.. من ابداعك..

سلمكم الباري
مرور رائع
مايحرمني منكم شرفتوني