السلام عليكم ورحمة الله وبركاته
يا علي لنشدوك أش قصتـه منطـوي
قلهـم مـا بقلبـه للسعـاده مـكـان.
أختلف عقب ماهوكان شخـصٍ سـوي
وانحرف عقب ماهـو قمـة الأتـزان
ماهو من اللي يقولون البقـى للقـوي
لو تراهنت معهم قـد كسبـت الرهـان
والله أنـي قـوي لاشـك ماتستـوي
قوةً مع خيانـة مـن عطـاك الأمـان
أمس طاح الوفاء من دون صوت ودَوي
طيحةً ماسمعهـا إلا الزمـن والمكـان
يوم جتني من أقرب صاحـب تلتـوي
كل شيئً تحطـم فـي عيونـي وهـان
طعنةً من خويً في زمـن ضوضـوي
لاكتمهـا خفـوق ولانطقهـا لـسـان
قبلهـا فـي خفـوقً صـادقً يحتـوي
نـص كلـه وفاءونـص الآخرحنـان
وعقبها كنه وسطه ذيب غـدر يعـوي
منه بيض النوايا ستاحشن يـا فـلان
بيـض الله وجـه الموقـف الملتـوي
يوم بيـن رفـاع ويـوم بيـن طمـان
يا علي كن رجلي فـي قليـب تهـوي
غشنـي جالهـا ماكنـت اظنـه دفـان
غلطتـي دنيتـي ماعشتهـا بهـلـوي
كان ماخانت الرملـه يديـن الحصـان
ياعلي شفت طعنات الخـوي للخـوي
مالها بالوصـوف إلاطعـون الزمـان
آآه ون جتك طعنه مـن يديـن بـدوي
مابقـى للمراجـل فـي زمنـا أمـان
منقول